زهرة قلب الربيع( 1 )بقلم فيروز عبدالله

سارة كانت مترددة تقولة ولا لأ وفى الاخر اذعنت لطلبة وقالت : ك .. كنت مشتركة فى مسابقة رسم ، والنهاردة روحت علشان اقدم رسمتى ، الحكم شافها واتريق عليها قدام كل الموجودين و قال عليا أنى رسامة فاشلة ! 
الډم لما بيغلى فى دماغ حد ، مش بيبقى شايف قدامة . . علشان كدا ادهم قام من غير ما يتكلم ومسكها من أيدها ، وفى مكتب الحكم ، دخل ادهم من غير ما يخبط وهو ساحب وراة سارة إلى دموعها مكنتش لسة نشفت .. وخد لوحة من لوح سارة علقها پغضب بدل لوحة تانية كانت عالجدار  .. 
الحكم بعـ،صبية شديدة قم وقف وقال : أنت اتجننت ، أزاى تدخل مكتب الدكتور بالطريقة دى !؟ 
راح ادهم مسكة من لياقة قميصة پغضب وقال : انت مسمى نفسك دكتور لما تتريق على طالبة و تجرحها بالشكل دا ؟! .. انت خسارة فيك كلمة راجل حتى ! 
الدكتور : ا انت تبقى مين علشان تكلمنى بالطريقة دى ؟! أنا هنادى على الامـ..

مكملش كلامة لأن ادهم شدة و خرجة برا المكتب  .. الطلبة كلهم اتلموا ، قال ادهم پغضب شديد : لو متأسفتش ليها دلوقتى يبقى انت الى جنيت على نفسك ! .. انت متعرفش أدهم النويرى يقدر يعمل أية ! 
و رماة على الارض .. بص الدكتور حوالين منة ، لقا العيون و الهمس كلة علية .. خاف على شغلة ، وعلى سمعتة قدام الطلبة .. فقال بصوت خافت لسارة : أنا آسف .. 

زعق ادهم وقال : مش سامع ! 
على صوتة وقال بخۏف .. : أ .. أنا آسف يا آنسة سارة .. ! 
ادهم : عارف لو اللوحة إلى علقتها اتشالت من مكتبك ، أنا هقطع عيشك ! 
وخد سارة من ايدها ومشى .. ، راح بيها على الكورنيش ... منظر الميا بيهدية . . ، سارة مكنتش عارفة تقول إية وفضلت باصة قدامها بخۏف ، لما حس أنة وترها .. قام من جنبها وقال : ارجع الاقيكى مكانك ! 
بعد شوية ، كان جاى وفإيدة بوكية ورد .. من ازهار التوليب ، الى سارة أول ما شافتها اتبسطت جدا .. 
قامت تشوفها .. وقالت : أنا بحبها اوى .. ! 
زق ادهم البوكية ناحيتها وسابه بين ايديها وهو بيقول  : خديه ، دا عشانك .. وبالمناسبة أنا عارف أنك بتحبيها ، مكنتش عشوائية منى 
رفعت حاجب .. : عرفت منين ؟! 
اتحرج .. و بص بعيد : شوفت خلفية تلفونك ، كنتى ماسكة بوكية ورد زى دا ومبسوطة .. 
سارة بكسوف .. : وكان شكلى حلو ؟