رواية انھيار كاملة بقلم نجلاء محمد

 بس اتأكد انا مالي
سلمنا على بعض وكل واحد دخل بيته
صابرين: اطلعي اجهزي ي هانم ابوكي وصاحبه زمانهم جايين
رؤى: وطبعا اونكل سعد هيجيب ابنه
صابرين: يبنتي هو انتي عمرك شوفتي ابنه؟ شوفتيه يبنتي عندك 22 سنه وعمرك م شوفتي ابنه م تسكتي بقا
رؤى: انا طالعه اجهز
طلعت وانا بضحك بصراحه هي عندها حق انا عمري م شوفته ولا اعرفه
دخلت خدت شاور بصراحه بحب الميه جدا وخلصت وطلعت لبست
هدومي كانت عباره عن:
بنطلون اسود مقطوع من الركبه
تيشيرت اسود اوفر سايز
وربطت شعري ديل حصان
مش بحب الميك اب ف قررت اني بس احط بلاشر خفيف وروج
خلصت ونزلت جري ل ماما لقتها حلوه كعادتها

المهم جهزنا بابا وصل وخلاص صاحبه وأهله داخلين
رؤى: ماما هو احنا واقفين كدا لي هو رئيس الجمهورية؟
صابرين:يبنتي اسكتي بقا اسكتي

ضحكت وفضلت واقفه ساكته لحد م دخل اونكل سعد ومعاه مراته اد اي ماليه وشها ميك اب وشكلها مش اوي يعني حسستني انها رايحه بارتي ف مكان مشهور اوي يعني دا مجرد عشا ودخلت بنته قمر واوه عامله ماتشينج معايا اي الصدف دي ولقيت ابنه داخل ومبتسم وبص-دمه

رؤى: انت بتعمل اي هنا؟
فهد بضحك: جاي مع بابا
رؤى: طب ازاي ازاي دا بباك وانت بتشتغل
فهد بسرعه: بس وطي صوتك محدش يعرف اني بشتغل
رؤى: لي؟؟؟؟
صابرين: اي دا انتوا تعرفوا بعض؟
رؤى وفهد: اه احنا غ نفس الجامعه
دخلوا كلهم وقعدوا واد اي يخربيت الصدف اللي تخليه يطلع ابن صاحب بابا انا كنت متوتره مش عارفه اتصرف ازاي وخصوصا ان دي تاني مره اشوفه فيها ف يعني يادوب عرفت انه ابن صاحب بابا قررت اتسحب بهدوء علشان اطلع اوضتي لقيت ماما بتنده
صابرين: تعالي ي رؤى اقعدي معانا شويه

بصتلها وانا متعصبه انا مش بحب قعدات الشغل دي
قعدت وانا مش طايقه نفسي وفهد بيبصلي بدأت اتوتر تاني
خدت بالي من كلام بابا واونكل سعد انهم عايزين يخلوني انا وفهد كابلز واد اي انا مش طايقه حد فيهم وفجأه بدون اي مقدمات