رواية أميرة الصعيد

زين لفيروز : بصي هو دا الحل الوحيد فكري كده وانا هروح اطلب ايدك من ابوكي وانتي تقوليله رايك وافقتي اهلا وسهلا ماوفقتيش السلام عليكم انا كده عملت اللي عليا وزيادة
فيروز : وانا متشكرة اوي يا جم١عة علي كل حاجة عملتوهالي  
فيروز لزين :وانت لو عايز تكمل معايا فردي هيوصلك بليل وإذا ماكنتش عايز تكمل فأنا عـ،ـذراك 
وبعد كده فيروز مشيت وهي بتعي.ط وتبعها زين 
زين : فيروز......فيروز .......فيروز 
وفيروز بتجري وبتعي.ط
بليل علي العشاء 
الحاج سعيد : هي فيروز فين 
شرين : قاعدة نزاكر شوية ومش جعانة

الحاج سعيد : طب وصاحبتها 
شرين : اخوها كلمها وكان عايز يتكلم معاها عشان فضل يدور عليها وكان قلقان عليها 
الحاج سعيد : ماشي 
زين : عمي كنت عايز اقولك علي حاجة 
الحاج سعيد : اتفضل يا ابني
زين : بما أن احنا كلنا متجمعين كده كنت عايز ......
الحاج سعيد: كنت عايز ايه كمل 
الحاج ابراهيم: في ايه يا ابني 
زين : كنت عايز ...... اطلب ايد فيروز منك يا عمي 
الكل كان سعيد اوي 
الحاج سعيد: مين فيروز بنتي 
زين : أيوة يا عمي 
الحاج سعيد : وهي فيروز تعرف حاجة عن الموضوع ده 
زين : لا 
الحاج ابراهيم : انت بتتكلم جد 
زين : أيوة يا بابا 
الحاج سعيد : ايه اللي غير رايك كده 
زين : اصل انا يا عمي ماكنتش اعرف فيروز لسة بس لما عرفتها حبيتها وحبيت شخصيتها 
الحاج سعيد : اممم طب اانا مش هينفع اديك الموافقة غير لما آخد رأيها 
زين : ماشي يا عمي 
الحاج سعيد بضحك : خلي بالك انا لازم اسال عليك الاول واعرف انت ابن مين وعايش فين 
زين بضحك : اسال اي حد بس انا علي ما اعتقد أن حضرتك تعرف ابويا 
الحاج سعيد: انت ابن مين 
زين : انا ابن الراجل اللي قاعد ده 
الحاج سعيد :مين ده لا معرفوش 
والكل فضل يضحك
بعد العشاء 
باب غرفة فيروز خب.ط 
فيروز : مين 
الحاج سعيد : انا يا فيروز 
فيروز قامت فتحت الباب : اتفضل يا بابا  

الحاج سعيد : يزيد فضلك يا بنتي 
الحاج سعيد بعد ما قعد : تعالي اقعدي ج.نبي يا فيروز 
فيروز : حاضر يا بابا 
الحاج سعيد: بصي انا مبحبش المقد.م.ات وبحب ابقي دوغري انا هدخل في الموضوع علطول 
فيروز : اتفضل 
الحاج سعيد : زين ابن عمك طلب ايدك 
فيروز : طب وحضرتك قولتله ايه 
الحاج سعيد: قولتله هاخد رايك الاول ....وانا جاي آخد رايك ....انتي رايك ايه 
فيروز :طب قوله يا بابا أن انا ........
رواية أميرة الصعيد الفصل الرابع عشر
فيروز : طب قوله يا بابا أن انا موافقة 
الحاج سعيد : انا طبعا مش هعترض علي قرارك بس انا عايز اعرف ايه اللي غير رايك كده
فيروز : عادي يا بابا انا الاول ماكنتش اعرفه إنما دلوقتي خلاص عرفته
الحاج سعيد : يعني اوافق 
فيروز : وحدد معاد الخطوبة كمان 
الحاج سعيد بفرحة : ربنا يفرحك يا بنتي 
وبا.س رأسها وخرج 
الحاج سعيد نزل ونادي علي زين 
الحاج سعيد : زين
زين : نعم يا عمي 
الحاج سعيد بصوت عالي وفرحة : حدد معاد الخطوبة 
زين بفرحة مزيفة : ايه دا بجد 
الحاج ابراهيم : مبروك يا ابني 
زين : الله يبارك فيك يا بابا 
الحاج سعيد : انا خلاص قررت 
زين : قررت ايه يا عمي
الحاج سعيد : معاد الخطوبة آخر الأسبوع ده 
زين : بالسرعة دي 
الحاج سعيد: لو عايز تاخد خطيبتك وامك وامها انهاردة وتنزل تشتري الدهب مفيش مشكلة  
زين : انهاردة 
الحاج سعيد : ودلوقتي لو عايز 
زين : انا هشوف امي وحم.اتي وخطيبتي  عشان ننزل 
الحاج سعيد :خلاص بقت حم.اتي وخطيبتي 
زين بضحك : مش خلاص الخطوبة آخر الأسبوع تبقي حم.اتي وخطيبتي 
الحاج سعيد : ماشي يا عم انبسط ....... فيروز ...... فيروز ...
فيروز خرجت : نعم يا بابا 
الحاج سعيد : ادخلي شوفي امك وخليها تلبس والبسي 
فيروز : خير يا بابا في حاجة 
الحاج سعيد : لا يا حبيبتي مفيش حاجة