رواية أميرة الصعيد
فيروز : اخر الأسبوع
هند : طب حلو اوي انا وانتي والاستاذ هننزل بكرة نجيب اي حاجة عشان الخطوبة ومثلي أن انتي فرحانة
زين : وتمثل ليه هو انا وحش
هند ما اهتمتش لكلامه : ما علينا هننزل بكرة ونجيب اللي احنا محتاجينه
وانت يا استاذ اتفضل
زين : الله يخليكي ......اتفضل فين
هند : اتفضل روح شوف مصلحتك احنا عايزين ننام
هند :اي حاجة احسن من وشك تبقي خير
زين : يا بنتي اسكتي هنفخك
هند : طب جرب كدا .....جرب
زين بڠيظ : انا مش بمد ايدي علي واحدة ست
هند : أيوة كده تعجبني يلا بقا وريني عرض كتافك
زين : انتي جاية منين يا بنت انتي
هند : من بطن امي
زين : ارحمنا يا رب
زين ماشي ويقول بصوت شبه مسموع : ارحمني يارب
هند : بتبرطم تقول ايه يالا
زين بڠيظ : مابقولش حاجة
هند : بحسب
وناموا جميع من في البيت
الساعة 5 صباحا في يوم الاربعاء
فيروز : هند هند اصحي
هند بخضة : نعم في ايه
فيروز : يلا مش قولت لي أني ارجع لشخصيتي القديمة
فيروز : اهو انا بقا بصحي في الوقت ده اصلي الفجر واقعد ازاكر لحد ما الكل يصحي
هند : والمطلوب مني دلوقتي
فيروز : تقومي تزاكري معايا تصلي معايا تقعدي معايا
هند : طب روحي انتي وانا جاية وراكي
فيروز : ماشي
هند عينها قفلت تاني
فيروز من بعيد : انتي نمتي تاني انتي مش قولتي انك هتساعديتي قومي بقا
فيروز :ماشي
هند بصوت شبه مسموع : يخربيت اليوم اللي عرفتك فيه
فيروز : بتقولي حاجة
هند : كنت بقول انا قايمة اهو
فيروز : اوكاي
هند قامت ودخلت الحمام وخرجت بعد شوية وزاكرت مع فيروز شوية واتكلموا شوية وضحكوا شوية لحد ما الكل صحي
فيروز : صباح الخير
الكل : صباح النور
فيروز اكلت وفي نص الاكل
فيروز : بابا بعد اذنك ممكن انزل انا وهند وزين نجيب الحاجة بتاعت الخطوبة انهاردة
الحاج سعيد: وماله يا حبيبتي انزلي وافرحي واشتري كل اللي انتي عايزاه وخدي امك معاكي
فيروز : ما انا مش عايزة اتعبها
الحاج سعيد : طب خدي مرات عمك معاكي
فيروز قامت با.ست علي رأسه وشكرته وقالت انا طالعة البس
قامت هي وهند وراحوا لبسوا وجهزوا وزين جهز ونزلوا وجابوا جميع المستلزم.ات بتاعت الخطوبة وروحوا والمفاجأة أنهم لقوا .......
رواية أميرة الصعيد الفصل السابع عشر
والمفاجأة أنهم لقوا......
هند : ماما ......بابا
الحاج سعيد: تعالي يا بنتي اهلك جاين يصالحوكي
هند : لا معلش يا عمو احنا ماشين دلوقتي
شرين : عيب يا بنتي دول لسة جاين ما اخدوش نفسهم حتي
هند : معلش بس احنا لازم نمشي
ابو هند واللي كان اسمه صابر : انا عايز افهم في ايه دلوقتي
هند : تعالو معايا بس دلوقتي
واخدتهم هند وخرجتهم وحكت لهم كل حاجة وان هي عايزاهم يكملوا الموضوع ده معاها عشان يساعدوا فيروز وبالفعل وافقوا
هند : بس انا عايزة افهم حاجة واحدة بس
lلام والاب : ايه
هند : انتم ازاي عرفتم اني هنا
امها واللي بيكون اسمها سمھية : عرفنا من حازم اكيد يعني
هند : مين .....حازم اه يا ندل
صابر : متظلميش اخوكي هو قالنا أن انتي هنا بس بعد معاناة وعلي ما اعتقد انه رن عليكي بس انتي ماردتيش
هند بصت في موبايلها ولقت حازم رن عليها اكتر من مرة وموبايلها كان صامت : اه فعلا رن كتير برضو ندل
سمھية : مش مهم دلوقتي ندل والا لا المهم هتعملي ايه
وبعد شوية
هند دخلت هي وأبوها وامها
صابر راح وشكر الحاج سعيد وقاله : شكرا جدا ليك انك استقب.لت بنتي في بيتك واعتبرتها بنتك
الحاج سعيد : العفو بس هند مش هتطلع من هنا غير لما الموضوع ينتهي وتتقلب صفحته
صابر : الموضوع خلص خلاص
الحاج سعيد بص لهند : ايه يا هند الموضوع خلص والا .....
هند : أيوة يا عمو الموضوع خلص
