رواية( رجال لا يهابون الحياة) للكاتبة سلمي سمير
تنهد علي بقوة ورد عليها بثقه:
جيت بناء علي طلبك، ولا ناسي أن يوم ماجيت ليا الفيلا وخليتني انا وأيمن نضرب بعض
طلبت مني اجي يوم فرح المهندس محمود واطلب منه السماح هو وعروسته وابارك ليه
أؤما احمد بتفهم ورد عليها بتعالي وغرور مقيت:
الظاهر الدرس الاخير علمك كويس، اتفضل روح بارك لمحمود واعتذر من مراته ومنه ولو قبل،
اعتبر نفسك ضيفي وأهل بيك، اتفضل انا في انتظارك
ابتلع علي ريق بصعوبة وتقدم بخطوات مترددة الي الكوشة ووقفت حنان تنظر الي اخيه وسالت احمد:
ممكن افهم ليه اتسببت في ضـ،ـرب اخويا وصاحبه لبعض ، يومها هددتنا بكشف سر انقاذك ليا
اخذ احمد نفس عميق وعيناه لا تزال تراقب خطوات علي في طريقة الي اخيه محمود وعروسه ورد بنزق:
شئ شخصي يا حنان زي مشكلتك، واسف لتھديدي ليكي مقصدتش ابتزك، بس كنت عايز ابعدك عنهم
المهم طمنيني عليكي، سمعت انك اتخطبتي من شهرين، عامله ايه مع خطيبك وليه مجاش معاكي
مسك يده فجأة ونظرت إليه بشڠف ولهفه:
احمد انت عارف كويس بحب مين، انا صرحت ليك بحبي كذا مره وانت صديتني كتير علشان مي
وخلاص مي مبقتش تنفعك ولا تنفع غيرك، ليه متدنيش فرصه، مش يمكن تحبني زي ما بحبك ولا لسه الحب ملهوش مكان في قلبك
ابتسم احمد لها بحنان واشفق عليها من كسرت قلبها لحب من طرف واحد وقال وهو يشير إلي دبله بيده:
للاسف يا حنان مبقاش ينفع، انا اتجوزت ومراتي حامل في طفلي ولعلمك انا بعشقها مش بحبها بس
القلب لما يختار العقل بيفقد السيطرة
