حبيت ابن خالي_بقلم هويدا زغلول

رؤوف وهو بيحاول ما يضحكش قال
هي قصدها انك مش هينفع تروحي الشركه معايا كده

ندي 
لاااا جو انك تقولي البسي جيبه قصيره ومفتوحه من ورا وتقولي روحي هاتيلي الملف من علي التربيزه ده مش عليا..

رؤوف 
انتي عبيطه با بت انتي قومي معايا..

ندي
لا مش هقوم ومش هجيب ملفات انا..

رؤوف 
تعالي هنروح الشركه..اخلصي انا لو ماما 
حصلها حاجه ھتكون بسببك انتي

ندي 
هو حد جه جنبها انا مش عارفه امك حطا حبهان 
تحت ضرسها ليه

رؤوف 
لو مش مشيتي قدامي دلوقتي انا هاخد 
بعضي وامشي

ندي 
طيب ما تقول كده من الاول، يلا فوتك بعافيه يا مرات خالي..

منال
استنو انتو هسبوني مع كوثر لوحدنا..

ندي
اقغلي باب اوضتك عليكي دي طول الليل عماله تطلع في مقصات  وحاجه ما تطمنش

قامت منال بسرعه راحت اوضتها، ورؤف بص اندي وقال بعصپيه 

رؤوف
بطلي ترخمي علي امي

ندي
هههه دي حبيبتي، يلا بس بينا علي الشركه..

_اخد رؤوف ندي ووقفو قدام مول كبير، ونزل وفتح ليها الباب وقال

رؤوف 
انزلي يا ندي

ندي
انزل فين هي دي الشركه ومالها قالبه علي سوق الجمعه بتاع ولاد الناس كده ليه

ضحك رؤوف
يا بنت انتي مش طبيعيه والله ده مول هشتري ليكي. شوية هدوم عشان اما تنزلي معايا الشركه..

ندي 
لاااا اكسوزمي معلش انا ما حدش يبأشش عليا، تعالي معايا الوكاله وانا هجيب ليا كام طقم حلوين واحاسب عليهم..

رؤوف
يا بنتي اتهدي شويه انا هحاسب بس لما طنط كوثر تاخد الورث ابقي اخصميه منه..

ندي 
اذا كان كده اشطا، ايدك بقي عشان انزل

مسك رؤوف ايدها ونزلت ومسكت النضاره الشمس بتاعته لبستها  هي دخلت جوه المول بكل ثقه ما شافتش الباب القزاز وخبطت فيه ووقعت علي الارض..

مسكت راسها وقالت بlلم
اااااه دماااغي ااه

قعد رؤوف جنبيها وهو بيضحك وقال
ههههههه معلش انتي ما اخدتيش بالك من الباب عشان النضاره