قصة ( من العالم الاخر )

عماد سكت وبص ناحيتي بحنية ،
امي كانت سامعة كلامنا و في لحظة لقيتها جت وقالت " اللي قالوا عماد مظبوط يا ندي ،
انا سمعت الدكتور وهو بيقولوا الكلام دا ، وبعدين ابوكي كان نفسوا اوي يشوف اليوم دا و يشوفك عروسة ويطمن عليكي ، عشان كده هنعمل الفرح في معادو و ننفذ كلام ابوكي ويطمن عليكي في قبروا “ , مكانش في كلام اقولوا ،

بصيت لعماد وسكت ، عماد قرب عليا وقال " ندي .. انا مش عايزك تزعلي بس انتي لازم تفرحي زي ما ابوكي كان عايزك وكمان كلنا نفرح معاكي متبقيش انانية " ،
في اللي دي ابتسمت لعماد ، عماد التاني ابتسم ليا و قال " علي البركة يا عروسة " ،
امي كانت هي كمان مبسوطة ،
معاد الفرح كان باقي عليه اربع ايام ، عشان ابويا طبعا مرضيناش نعمل اي حاجة من الطبل ولا الغني ، ولا حتي اني اروح كوافير ،

وكمان بصراحة عماد قال كده قبلينا و كان مأيد بكده ،قبل الفرح بيومين كنت باخد دش في الحمام ، وبعد ما خلصت مسكت الفوطة اللي هنشف بيها جسمي ، لكن قلبي وقف من اللي شوفتها عليها ، الفوطة كانت غرقانة ډم لدرجة ان الډم كان بينقط منها ، صړخټ ورميټها بعيد ،
في اللحظة دي النور قطڠ ،
والجو بدا يسخن و درجة الحرارة تزيد ،
وفي اللحظة دي سمعت صوت القطة المڤزع ، الصوت اللي بنسمعه من القطط لما يكونوا بيتخانقوا ، بصيت حواليا عشان اشوف فين القطة دي ! ، ملقتش حاجة ، القطة ماكنتش موجودة ، الصوت بس اللي كان موجود ،
صوت القطة وقف ، و درجة البرودة رجعت تاني للمكان ، دخلت جوا الستارة بتاعت الدش وندهت علي امي تناولني فوطة تانية غير اللي رميټها علي الارض ، فجاة لقيتها بتناولني الفوطة من ورا الستارة ، مديت ايدي عشان اخد الفوطة لكن لقيتها متسحبتش معايا ، الايد اللي بتناولني الفوطة كانت متبتة فيها جامد ، …