روح العاشقة
لما بصيت كانت هي ، البنت الجميلة ، لقيتها ضحكت پټۏټړ وقالت " خالد .. مش .. مش هتيجي تاني " ، ابتسمت ليها وقولتلها " اجي اعمل ايه !؟ " ، لقيتها قالت بنفس التوتر " يعني .. معندكش حاجة كده ولا كده عايز تعملها عند امي " ، قولتلها وانا بضحك " يمكن .. مين عالم " ، لقيتها ابتسمت جامد وقالت " يارب تلاقي كل هدومك عايزة تتخيط " ، بصيت ليها بتعجب وقولتلها " نعم ! " ، فجأة لقيت صوت امها بينده ويقول " بت يا سحر " ، لقيتها قالت " ايوه يا امي جاية " مشيت وعماد بيبصلي ويضحك ويقول " ايوه يا عم يا بختك .. شكلها كده السنارة غمزت " ، رديت وقولتله " سنارة اللي غمزت !؟ " ،
الي وهو پېضړپڼې علي كتفي ويقول " كلام اللي فارغ ! .. انت عبيط ولا ايه .. يا اخي يا ريتني كنت حلو زيك .. مش كان زمانها حبتني انا دلوقتي " ، قولتله وانا بربط رباط الجزمة وبضحك " يا عم اعتبرها حبتك انت .. ولا تزعل نفسك " ، عماد ضحك وقال " ازاى بقي يا فالح .. ما خلاص هي حبتك انت .. وبالذات لما غنيت بصوتك اللي يسحر ده " ، اول ما عماد قال الجملة ، سبت رباط الجزمة وبصيت لعماد وابتسمت وقولتله " صوتى اللي يسحر يا عم .. دى عنيها هيا اللي تسحر يا عم .. دانا اول ما بصيت في عنيها اللي مليانة براءة وحنان .. حسيت نفسي اني في عالم تاني .. حتي لما هي قالت غني عشان خاطري مقدرتش اقول لا .. مس عارف ازاى ده حصل .. رغم اني بخجل وانت عارف " ، لقيت عماد اتكلم فجأة وقال وهو بيبتسم " ايه ده كله
