قصة ( عشق lلخۏڤ ) غامضة و مړعپة

 قال " الدكتور حبيب استقال امبارح ولم حاجته امبارح ومشي " ، خالي امبارح مكانش في المستشفي عشان كده مكانش يعرف ، روحنا البيت وخالي قعد علي الكرسي وهو بينفخ ويقول " انا يا سارة لحد الان مش فاهم حاجة ! ارجوكي فهميني " ، الدموع نزلت من عنيا وانا بقول لخالي " مش لما اكون انا فاهمة يا خالي " ، خالي قرب جمبي ومسح الدموع من علي خدي وهو بيقول " طيب متبكيش انا بس عايز اعرف مالك فيكي ايه ؟ احنا اهلك ومن حقنا نعرف اللي فيكي " مسحت عنيا وابتديت احكي لخالي كل اللي حصل معايا من اول الحلم اللي سمعت فيه عزف الناي لحد اخر حاجة حصلت ، خالي و ماما كانوا مصدومين من اللي سمعوه ، ماما قعدت جمبي وهي بتبكي و اخدتني پlلحضڼ و قالت " كله ده بيحصل ومتقوليليش " ، خالي اتكلم وهو مصډۏم وقال " معني الكلام اللي بتقوليه يا سارة ان حبيب دا مكانش بني ادم !؟ " ، قولت لخالي " معرفش " ، 

 حسيت حالي مكانش مصدق لانوا قال " كل اللي بطلبوا منك انك تريحي اعصابك الايام اللي جاية " ، قولت لخالي حاضر ، خالي مشي ودخلت الاوضة ورحت علي السرير عشان كنت حاسة بتعب جامد ، بس لما قعدت علي السرير لاحظت حاجة ، لما عنيا جت الترابيزة ملقتش عليها العود ، قومت دورت عليه في الاوضة كلها لكن ملهوش اي اثر ، تاني يوم رحت الجامعة لكن اتاني مرة رودينا متجيش ، بصراحة افتكرت المشهد اللي حصل نهاية امبارح مع الشخص الغريب وانها ۏقعټ علي الارض بعد ما كانت بتحظرني اني اخد العود من الشخص ، بعد الجامعة رحت ليها البيت ، رودينا كانت قاعدة علي السرير عرفت من مامتها ان جالها شلل مؤقت في رجليها ، حزنت جدا ، رودينا قالت لي وهي حزينة " انا شوفتك في الحلم وكان في شخص واقف قدامك وخارج من چس'مھ ډخlڼ وبيمد ليكي عود الناي ،