قصة ( عشق lلخۏڤ ) غامضة و مړعپة
اعواد ناي من الاول ، ميلت في الارض بايدي ومسكت عود الناي ، لاحظت الاسم المكتوب علي العود اللي خلاني مصډۏمة اكتر " حبيب " !
، دا الاسم اللي كان مكتوب علي العود ، دا نفس العود اللي شوفته في الحلم ! ، دماغي بدات تلف من اللي بيحصل ، ماما خپطټ علي باب اوضتي وهي بتقول " الفطار يا سارة " ، قولت لماما وانا بقوم اقف من مكاني وبيص للعود اللي في ايدي " حاضر يا ماما جاية " ، ركنت العود علي التسريحة بتعتي وخرجت من الاوضة ، ماما كانت قاعدة علي السفرة ومحضرة الفطار ، قولت لماما " صباح خير يا ماما " ، ماما ردت وقالت بابتسامة " صباح الورد علي الورد " ابتسمت لكلام ماما ودخلت الحمام عشان اغسل وشي ، فتحت الحنفية بتاعت المية لكن للاسف مفيش مية نازلة ، قولت لماما " هي المية قاطعة يا ماما ؟ " ماما ردت وقالت " لا يا حبيبتي شغالة " بصيت ناحية الحنفية وانا بقول لنفسي " شغالة ازاي !
ماهي قاطعة اهي " رحت غسلت وشي من مية الخزان الاحتياطي بتاع ماما ودخلت عشان مع ماما ، قعدت علي السفرة وانا سرحانة كالعادة ، ماما اتكلمت وقالت " اسكتي مش انا كلمت خالي وهو معزوم عندنا الليلة و سال عليكي " ، قولت لماما وانا بقوم عشان امشي علي الجامعة " كويس عشان كنت عايزة اكلمه في حاجات غريبة بتحصل معايا " هنا ۏقعټ بلساني وماما ملامح وشها اتغيرت وقالت " حاجات ايه دي وازاي مقولتليش! " قولت لماما " لا مفيش حاجة متقلقيش انا كويسة يا ماما " مشيت بسرعة وخرجت ورحت علي الجامعة انا و رودينا صحبتي ، كنت بتكلم انا و رودينا عادي فجاة لقيتها قالت " فاكرة يا سارة معزوفة الناي الجميلة اللي سمعتهالك " قولتلها " اه مالها ! " رودينا قالت " بدور عليها مش لاقياها نهائي .. وهتجنن عليها " ، سرحت شوية وانا بفكر في اللي بيحصل معايا واللي قالته رودينا ،
