مرات ابويا رمتني في الشارع انا واخوايا المعاق

عماد _ لما يجي بابا هقوله على الطريقه اللي هي بتتكلم بيها معاكي مش عايزك تزعلي نفسك

ريهام  _ لا يا حبيبي انا مش زعلان خالص بس يا ريت متقولش لبابا على حاجه علشان خاطري

عماد _ طيب انا عايزه انام يا ريهام

ريهام _ عيني يا حبيبي حاضر وبعدين انا نيمته وفضلت اروق الشقه واعمل اكل لحد اما بابا وما جه واول لما جه قابلته سهام

سهام _ حمد لله على سلامتك يا حبيبي نورت بيتك

كمال _ الله يسلمك يا حبيبتي الله ريحه البيت حلو قوي تسلم ايديكي

سهام _ طيب وايديا اللي تسلم ڈم ..ا تستاهلش بغوشتني يجوا فيها ولا ايه انا نفسي البس ذهب قوي

كمال _ عيني الاتنين يا حبيبتي هجيبلك اخر النهار اللي انتي عايزاه وفي الوقت ده الباب خبط
وفتح بابا وكان خالتو رحاب

رحاب _ مساء الخير يا كمال عامل ايه انا عايزه اشوف عيال اختي

كمال _ اللي جابك هنا تانيه رحاب مش خلاص الموضوع انتهى بطلي بقى تماحيك في عيال اختك انا عارف انك جايه عشان طمعانه في البيت

رحاب _ اطمع في ايه ده بيت اختي الله يسامحها بقى كتبته باسمك وهي عارفه ان ليا نصيب فيه

كمال _ واختك خلاص راحت جايه عايزه ايه مننا بقى وبعدها بصت لقت سهام وافقه

رحاب _ مين دي و ايه اللي جايبها هنا

سهام _ انا مراته يا عينيا وصاحبه البيت ده والمفروض انا اللي اسالك انت جايه هنا عايزه ايه

رحاب _ اتجوزت يا راجل يا شايب يا عايب حړام عليك ده انت عيالك طولك

سهام _ بقولك ايه يا حبيبتي امشي اطلعي بره مش عايزه اشوف وشك هنا تاني

رحاب _ همشي اطلع بره بس اعمل حسابك ان انا هرجع وهاخد نصيبي في البيت ده 

سهام _ هو في ايه بالظبط ايه موضوع الست دي

كمال _ بقولك يا سامي اعملي كوبايه شاي وهاتيها للبلكونه مش قادر اتكلم في اي حاجه 
وبعدها كنت في اوضتي و بكلم خالتو في التلڤون وبقولها

ريهام _ يعني انتي جيتي ومشيتي زي خالتو من غير ما اشوفك انتي وحشاني جدا

رحاب _ ابوك ومرته يا حبيبتي اللي مشوني اعملهم ايه صحيح ابوكي اتجوز ازاي يقدر يعمل كده

ريهام _ شوفت اللي حصل يا خالتو

رحاب _ شوفتي الغلطه اللي امك عملتها عملت فيا ايه دلوقتي استخسرت في اخذ نصيبي في بيت ابويا وكتبته كله باسم ابوكي وابوكي رافت يرجعلي فلوسي

ريهام _ اوعدك يا خالتو ان الفلوس دي هتاخديها مني انا هتكلم مع بابا. بعدها نزلت ولقيت 
بابا قاعد في البلاكونه

كمال _ مالك يا ريهام شكلك عامل ليه كده

ريهام _ هو صحيح يا بابا خالتو جت هنا وانت مشيتها يا بابا انت عارف كويس قوي ان خالتو ليها في البيت ده

كمال _ بقولك ايه انا مش عايز كلام في الموضوع ده تاني انت سامعه ولا لا حسابها عند اختها بقى واختها راحت