مرات ابويا رمتني في الشارع انا واخوايا المعاق

ريهام _ مش امي وعمرها ما هكون في مكانه امي بجد انا مش عايزاها في البيت هي الرسمه دور ملاك قدامك بس انما بعد ما بتمشي ما بتشوفش هي بتعمل فينا ايه

سهام _ حړام يا بنتي  هو انا عملت فيكي ايه ما هو ابوكي دخل بنفسه وشافك وانتي بتكلميني ۏحش وانا كنت عارفه ان ابوكي دخل دلوقتي

ريهام _ دي يا بابا عايزه توقع بيني وبينك

كمال _ مش هتطلعي فوق مش عايز اسمع صوتك تاني مش شايفه حتى ان عندنا ضيوف ومينفعش طريقه كلامك دي وفي الوقت ده قامت ناديه وقالت

ناديه _ هو انا مش ضيفه بس مش هسيب اختي في البيت ده تاني ده اخاف عليها من بنتك ده ممكن تعمل فيها حاجه

سهام _ عندك حق يا حبيبتي انا هطلع lلم  هدومي وهاجي وراكي

كمال _ اهدي بس يا سهام اوعدك ان هي عمرها ما هتتكلم معاكي كده تاني وانتي امشي  اطلعي فوق مش عايز اشوف  وشك هنا

وبعدها طلعت ولقيته بيقول

كمال _ انا كنت هعملك مفاجاه وجايبلك الغوايش ان انتي عايزاها وبعدها 
طلع الغوايش

ناديه _ ربنا يخليك ليها يا جوز اختي حنين عليا طول عمرك

سهام _ والله انا مش عايزه غوايش ولا عايزه اي حاجه عايزه حبك ليا بس

كمال _ ربنا يخليكي ليا وبعدها طلعت الاوضه 

عماد _ مالك بس يا ريهام في ايه من ساعه ما ست دي جت هنا وانتي على طول بټعيط ي

ريهام _ ابدا يا حبيبي ما فيش حاجه انا خايفه بس على اللي هيحصلنا  بعد كده وعدا 
كام يوم وكان بابا ومراته برا ورجعت وهي 
فرحانه وقالت ليه

سهام _ مش قادره اصدق يا حبيبي ان انت كتبت البيت باسمي خلاص

كمال _بقولك ايه يا سهام مش عايز حد يعرف من الموضوع ده خالص وكلها شويه وهاخد البيت منك ثاني وهكتبه باسم عماد وريهام وانت برده

سهام _ طبعا يا حبيبي هو انت فاكر ان انا ممكن اخده لنفسي انت ما تعرفش انا بحب عيالك قد ايه

كمال _ ربنا يخليكي ليا يا حبيبتي يلا 
اعملي الاكل بقي عقبال ما اطلع اريح 
شويه

سهام _ عينيا يا حبيبي ده انت تؤمر وبعدها 
طلع الاوضه ولقيتها داخله وانا كنت قاعده 
ماسكه الموبيل ولقيتها دخلت 
اخدت الموبيل وقالت

سهام _ سيب الزفت اللي على طول بقى في ايديكي ده قومي يلا عشان تعملي الاكل لابوكي

ريهام _ مش من حقك تاخدي مني الموبايل بالطريقه دي وقولتلك كام مره قبل ما تدخلي الاوضه خبطي

سهام _، حبيبتي انا خدت الموبايل وهدي لابوكي انا اضمن انت بتكلمي مين انتي في سن مراهقه ما ينفعش يبقى في ايدك موبايل 24 ساعه لازم يبقى عليكي رقابه