ابو الرجاله
محمد / ا.ا اصل انا يا بابا مدرسه حكوميه ليها ساعه محدده بنروح فيها إنما احمد ومحمود كل واحد فيهم شغله ملهوش مواعيد ولا ساعات ثابته يروحو فيها
مصطفى / طيب معلش يا ابنى هتعبك معايا روح ليهم وقولهم أن انا نفسى اشوفهم واشوف ولادهم
محمد / حاضر يا بابا وانا عمرى ما اتعب منك يا حبيبى انت تأمر وانا عليا انفذ
محمد / ويطول لينا فى عمرك يا بابا
مصطفى / وانتى يا بنتى ربنا يديكى الصحه ويقويكى على اللى بتعمليه معايا
حبيبه / ربنا يخليك يا بابا انا بعمل واجبى مع ابويه ولا انت مش بتعتبرنى بنتك
مصطفى / اكتر من بنتى والله انتى تعرفى فيكى شبه كبير من مريم ام محمد الله يرحمها اوى بحس ان بشوفها فيكى
حبيبه / الله اكبر انت هتحسدنا ولا ايه حوش عين ابنك عننا يا بابا
مصطفى / هههههههههه هو فعلا كنت بقول كده تملى بس لما شوفت حبيبه شوفت امك فيها
وقعدو ياكلو وبعد وقت انتهو من الاکل ولمټ الاطباق حبيبه وغسلتهم وعملت الشاى وقعدو يشربو وقضو الوقت مع بعض وروح محمد وحبيبه والأولاد البيت
فى اوضت محمد وحبيبه
كان محمد نايم على السرير وواخد حبيبه فى حضڼھ وسرحان
محمد / بفكر اعمل ايه مع اخواتى علشان يجو يشوفو ابوهم انا كذا مره كلمتهم فى التليفون أنهم يرحو يزورو ابوهم وكانو بيقلو ليا تملى اول ما يلاقو فرصه هيجو يبصو عليه وزى ما انتى شايفه دخلو فى سنين محدش فيهم شاف ابوهم ولا بابا شاف عيالهم لما كبرو
حبيبه / طيب وانت ناوى تعمل ايه بابا طلب منك تروح ليهم
حبيبه / حړlم والله اللى بيعملوا ده المفروض يجو يشوفو ويخلوه يشوف اولادهم حتى مش بيهون عليهم يرفعو سماعة التليفون ويسألو عليه ويشوفو لو محتاج حاجه
محمد / انا بحاول على قد ما اقدر مقصرش معاه فى مصاريف علاج ولا حاجه علشان ميحتاجش لحد فيهم انا عايز بس الاهتمام المعنوى مش الاهتمام المادى الحمدالله ربنا بيسترها معايا فى المصاريف علشان براضى ابويه
محمد / مسح على مناخيرها بصبعه وقال ايه يا قلب حمو
حبيبه / قلبك الحنين و الطيب ده بجد بحس انك ملاك نازل من السما حاجه بيضا جت فى زمن ڠلط القلوب بتاعته سوده والجشع
