قصة من الساكن ؟

 و بسأل نفسي باستغراب " هي الشقة دي سكنت امتي !؟ " , فتحت الباب وانا بفكر في اللي حصل , بصيت وانا بميل راسي جوا الشقة بتاعتنا عشان اعرف في حد صاحي ولا لا , لكن صمت تام في الشقة , دخلت في صمت وانا بحاول معملش صوت , دخلت اوضتي و رحت علي سريري بسرعة ونمت , في الصبح واحنا قاعدين علي الفطار , كان في حوار عائلي شغال عليا واني رجعت متأخر , وانا قطعته لما قولت "

 هو في حد سكن في الشقة اللي قصادنا !؟ " , العيلة بصت لبعضها في صمت , ماما اتكلمت باسغراب وقالت " لا .. علي ما اعتقد ما حدش سکينها .. بس انت بتسأل ليه !؟ " , سكت شوية وانا بعيد في دماغي وتفكيري اللي حصل امبارح , بعدين اتكلمت وقولت " اصل وانا بفتح باب الشقة بتاعتنا بlللېل .. سمعت صوت باب تاني بيتفتح في نفس الدور ! .. لما بصيت علي صوت الباب 

 .. لقيته باب الشقة اللي مش مسكونة او اللي مكانتش مسكونة , و لقيت الباب فاتح فتحة بسيطة خالص , وبعدين لقيت بېڤټح واحدة واحدة لأأخره .. لما بصيت جوا الشقة من بعيد .. مكنتش شايف غير ضلمة , وبعد دقيقة لقيت الباب قفل تاني براحة ! " 

, بابا اتكلم وقال " بصراحة شئ غريب ! .. بس يمكن يكون حد سكن " , ماما اتكلمت وقالت " يمكن ليه .. ماحنا نقوم ونشوف بنفسنا " , بالفعل قومنا كلنا و خرجنا برة الشقة بتاعتنا و احنا بنبص علي باب الشقة اللي قصادنا .. لكن كانت lلصډمة .. الباب بتاع الشقة عليه قفل قديم جدا وعليه تراب , بابا بص ليا باستغراب وقال " يا بني الباب عليه قفل مصدي .. انت متأكد انك شوفته بېڤټح !؟ " , حلفت لبابا اني شوفته بېڤټح 

, بابا رد وقال " انت بتشرب حاجة كده ولا كده مع اصحابك اللي ما يتسمو دول !؟ " , قولت بابا بذهول " بشرب حاجة ايه !؟ .. لا طبعا ",