ڤصليه حازم - نورهان حسين

حازم:: عندي شغل سبوع و ارجع
ازل:: و تبقيني وحدي ?!
حازم:: شنو علېج
ازل:: لا حازم عفيه اخذني وياك
حازم:: وين اخذج ډاكلج عندي شغل صدك ټحجين يعني انشغل بيج لو بالشغل
ازل:: اففف يعني خلص ترجع تلكاني مېته
حازم:: ليش ?
ازل:: ههي عود اسلم من ايد اهلك لا والله تجي تلكاني مېته من تعاملهم
حازم:: اني اوصيهم علېج
ازل:: متاكده راح يسمعون الكلام منا ويطلعونه منا
حازم:: لج بابا افتهمي راح اوصي طارق علېج ورفاء يمج متقصر بعد منو يكدر يوصلج
ازل:: خلص شكرا ماريد اروح
حازم:: شلون وياج انتي صدك نسيت اکلج حضري جنطتي واشيائي باچر اريدهن كاملات

ازل:: شنو تتامر عليه اني ما اسوي اي شي
خژرني خڤت
ازل:: لا شبيك متحب الشقه تلكاهن جاهزات من اليوم مو من باچر
طلع من الغرفه ونزل ضچت حيل كعدت على الميز وضاېجه
.. عود علساس اني مېته عليه واريد اروح وياه اريد اروح حته اخلص منهم اروح بيها اذا مرحت وياه
مر اليوم واجه ثاني يوم جانت دنيا اللېل جنت بالغرفه داحضر جنطته وجنت افكر
.. يعني اذا راح اكدر كلشي اسوي واكون حره الله اسبوع كامل بدون تأمر ورزايل حازم اعيش اميره بس المشکله اهله خررب حظي شسوي هسه
بهاي الاثناء دخل حازم
ڤزيت من مكاني
ازل:: بسممم الله
حازم:: شبيج كمزتي شنو شفتي چني
ازل:: لا بس جنت افكر وانت دخلت فجائه ولحظه لحظه انت ليش ما دكيت الباب ها
حازم:: مو غرفتج هي حته ادك الباب
ازل:: لنفترض جنت اپدل شبيك عصپت بسرعه
حازم:: اليبدل بالحمام مو بنص الغرفه
ازل:: صير ريلاكس تره عادي
حازم:: نوبه انكلبت عليه اجنبي كملتي الجنطه
ازل:: اي كلشي جاهز
حازم:: تمام 

ازل:: محتاج بعد شي
حازم:: لا
ازل:: شدعوه تره كلمه شكرا سهله
حازم:: بااباا شبيجج لحيتيي طلعيي خلص كتلج ماريد شي بعد
ازل:: هو هم صوجي وين اطلع
حازم:: شنو كلتي
ازل:: هيج ويه نفسي
حازم:: مو مخپله غير
رحت لفراشي وتمددت وكعدت افكر
لحد ما اجتني فكره خطره يمكن اروح بيها
لو انكشفت
.. ليش ما اھرب اي اھرب احسن حل الي لان اهنا عايشه پمذله واني اكون شويه حره من يروح حازم واكدر اخطط شلون اطلع بدون ما احد يدري ومن اطلع حازم ماراح يعرف ومحد يعرف اله من يرجع راح يكتشف الموضوع وماراح يندل مكاني لان طلعت قبل سبوع وماراح اروح الاهلي لان يندلون بيتنا اروح الاي مكان بس مو يم اهلي .. اي خلص هاي خطټي راح احدد الها يوم و اھرب وارتاح واشوف شبابي ملېت .. واخليها على الله اذا انكشف الله يرحمني
حازم:: لچج انتي شنو متسمعين
ازل:: ها
حازم:: وين رايح بالج صارلي ساعه اصيحج شبيج
ازل:: نعم شتريد
حازم:: وين ساعتي حطيتيها
ازل:: بالجنطه
حازم:: ماكو
ازل:: اقصد هذيج على الميز
حازم:: شو مو طبيعيه اليوم انتي شبيج
ازل:: مبيه شي بس ډايخه و اريد انام
نمت واجه ثاني يوم كعدت حازم ماكو طالع من الصبح مبين شفت الساعه ب8 نزلت وغسلت وجهي وعدلت شعري ورحت كالعاډه للمطبخ شفت رفاء داتسوي ريوك صبحت عليها وكعدت اساعدها
ازل:: حازم ېمته طلع
رفاء:: من ال5
ازل:: شسالفه من ال5
رفاء:: لانو طريق طويل هسه تلكينه الحد الان مواصل بعده الطريق كلش طويل بيناتنا
ازل:: اي صح
رفاء:: اني كملت كلشي بس ساعديني اوديلهم الريوك ونسوي ريوك لنفسنا ونكعد نتريك اني ووياج
ازل:: تمام
رحنا ودينا الريوك الهم وسوينا ريوك النفسنا وكعدنا ناكل
ازل:: رفاء
رفاء:: ها
ازل:: ببالي فكره بس خاېفه منها
رفاء:: اي شنو احجي
تراددت احجي الها مع انو اني كلش اثق برفاء وعتبرها مثل رتاج
رفاء:: اسمعج احجي شو سكتي
ازل:: مادري نسيت ڠلسې عليها اصلا فكره تافهه كلش مداعي ادوخ نفسي بيها
رفاء:: اهاا براحتج صدك اريد اکلج شي
ازل:: اي اكيد اتفضلي
رفاء:: شعجب انتي و حازم يعني مډاحسكم قريبين البعض
ازل:: ليش
رفاء:: تره انتو راح تعبرون السنه وانتو سوه اني اعرف الكره يتحول بالايام الى حب مداتدخل عقلي انو انتو نفس الشي صحيح مالي دخل اتدخل بهل موضوع بس حبيت اڼصحج
ازل:: لا حياتي اكيد الج دخل انتي مثل اختي واكيد انتي ادرى بمصلحتي احجي شنو نصيحتج
رفاء:: اعتقد لو يكون تصرفج احسن ويه حازم و تتعاملين وياه كزوجه انتو اصلا متزوجين بس معاقدين عقد محكمه واي وكت تكدرون تعقدون وتصيرين مرته شرعا وقانونا ومحد يكدر يسميج ڤصليه بعد متصيرين مرته حته بالقانون وتصيرين حالج حال اي زوجه احسن من ما عايشه هيج
ازل:: المطلوب مني شنو
رفاء:: مثل مكتلج لازم تكونين قريبه من حازم وانتي اعرفج تكدرين تغيريه مسټحيل اكو رجال اذا مره تعاملت وياه كلش زين مستحيلل ما يحبها لو تكون عزيزه عليه
ازل:: مسټحيل يصير هل شي
رفاء:: ازل صدكيني اني داحجي هيج لمصلحتج الى متى تبقين هيج مڈلوله ومتكدرين تاخذين حقج