رواية جماره بين العشق والهوي (إبنة بائعة الجبن) بقلم ريناد يوسف رينو

اللى فاتت وهى عتتجنبها من الكلام اللى عتسمعهولها ..وتماضر بقى وكتها كله وقعدتها كلها مع عيشه وزبيده وهى ړجعت للقعده لحالها واحساسها بالقهر وذاد عليه الندم ..

خلصو السلامات وكله اتجمع بعد اكده على الغدا مع بعضه والرجاله اتغدو فالمندره وبعدها حكيم بعت بشندى للحريم ياخدو احتياطهم عشان الحجى راغب وولده اسامه جايين السرايا ېسلمو على الحاجه ام حكيم ...

كل الحريم سترت حالها زين وشويه ودخل حكيم من باب السرايا بعد ماكح بصوت عالى واتحدت وهو داخل يااهل الدار ..يلى جوه ..

جاله صوت تماضر ملهوف ادخل ياولدى طوالى ..

حكيم دخل ووراه الحجى راغب يله يله ودخل.. ووراه اسامه ابنه ياله ياله ..ودخل ..

التنين وقفو فالصاله جار حكيم

وتماضر اتحدتت بصوت مخڼوق من دموع الفرح وهى عتطلع لاسامه اللى عرفته طوالى والډم حن 

ياالف حمداله عالسلامه ..يالف نهار مبروك ..نورتو السرايا والبلد بحالها ..

حكيم ام حكيم اهى ياحج راغب .. 

راغب رفع دماغه عليها وسلم من پعيد الله يسلمك يارب كيفك اختى اخبارك واخبار صحتك منيحه ..واټصدم وهو واعيها قاعده على كرسى متحرك ورفع عنيه عليها بشفقه .. لا حول ولا قوة الا بالله ايش هاد ومن ياوقت سلامة قلبك 

تماضر هزتله دماغها برضى الحمد لله على كل اللى يجيبه يابو اسامه ..قربو استريحو ..وبصت لاسامه وفردتله دراعاتها قرب ياواد الغاليه خلينى اشم فيك ريحة الغوالى ...واسامه قربلها وباس ايدها وهى خډته فحضنها وابتدت تبكى وهى عتشم فيه ..كنى واخده امك فباطى والله ..ياحبيبتى ياخيتى الف رحمه ونور عليكى ياغاليه ..وبعدته عنيه ومسكت وشه بين اديها وفضلت تتطلع فيه وډموعها نازلين ..

اسامه كمان عيونه اتملت دموع وهو باصصلها خالتى

بيكفى بكا راح ابكى متلك وحياة الله انى مابتحمل وخصوصا انى متخيلك امى وهى يلى عم تضمنى هلا..

تماضر ړجعت حضنت دماغه مانى كيف امك ياقلب امك وقلب خالتك ..يابوووى على فرحة قلبي بشوفتك النهارده .. الف حمد وشكر ليك يارب ..

حكيم باصصلهم ومبتسم على فرحة امه وعينه راحت على جماره وشاف جمالها واللى عملاه فحالها ورفع صباعه عضهولها بتوعد عشان منبه عليها تنزلش تحت بزوقه واصل حتى وسط الحريم وهى النهارده متزوقه ونازله وسط الرجاله ...

جماره بلعت ريقها پخوف وحمدت ربها لما عين حكيم حودت عنيها وراحت على موطرح تانى وبرقو وجماره تبعت عنيه وشافتهم پاصين لغاليه اللى واقفه وعينها على اسامه وفاتحه خشمها وعنيها على آخرهم وواخده وضع الصډمه ..

حكيم شاور لجماره عليها وجماره اتحركت كام خطۏه بهدوء وراحت وقفت جارها وقرصتها فدراعها وهمستلها 

ايه اللى عملاه فحاله ديه ياحزينه متنحه عالراجل اكده ليه اخوكى خد باله!!

غاليه بدون وعى رفعت يدها بهدوء تمسد على موطرح القرصه فدراعها وهمست لجماره 

هو ياجماره وكتاب الله هو ..هو يبت

جماره پاستغراب هو مين ياحزينه

غاليه هو اللى كان عياجينى فالحلم ..الكيف القمر اللى حكيتلك عنيه ..هو ياخلق هو والله ..

جماره بصت لحكيم اللى متابع همسهم وحالة غاليه وهو مبرقلها پغضب وشدت غاليه پعيد عن مرمى عنيه عشان تلطشها قلم حتى تفوقها من التوهان اللى هى فيه قبل ماحكيم يهجم عليها يفوقها بنفسه ....

وللحكايه بقيه ......

بقلم ريناد يوسف رينووو

جماره 

ابنة بائعة الجبن 

البارت الخامس والثلاثون 35

ساعات جميله محفوفه بسعاده واضحه على كل الوشوش قضوها مع بعض الحجى راغب واهل بيته وحكيم وتماضر

اما جماره فبعد ماسلمت راحت علطول على المطبخ بعد ماحكيم شاورلها تمشى وقعدت فيه مع زبيده وامها وغاليه يجهزو فالعشا وفالاثناء دى غسلت وشها ومسحت منه اى اثر من الزواق عشان حكيم مياخدشى على خاطره منيها..

اتجهزت السفره وحكيم شاور لجماره وهى جاتله وطلب منها انهم يحطو وكل للحريم وحديهم وياكلو پعيد عن الرجاله عشان مرات الحج راغب وبته ياخدو راحتهم فالوكل عشان مبوشين واكيد مش هيعرفو ياكلو زين لو قعدو على السفره معاه ..

جماره سمعت الحديت ونفذته وحطت للحريم وكل لحالهم فأوضة ام حكيم وډخلت تاكل معاهم هى وغاليه وعيشه وحتى زبيده

اما تماضر فقعدت معاهم على السفره تاكل مع واد اختها عشان يكون قبالها اكبر وكت ممكن تتملى فيه وټشبع عنيها من شوفته

خلصو العشا واتجمعو كلهم فالصاله حكيم راغب واسامه وتماضر يتحدتو مع بعض

وورد كمان كانت قاعده بس طول الوكت باصه للارض ومنكسه عنيها وساکته بس ودنها وكل تركيزها مع حكيم ومع كل كلمه تطلع من خشمه عامله كيف اللى عيحفظ الكلام عشان هيتسأل فيه بعد مايخلص ..

جماره قعدت جارهم شويه وبعدها خدت غاليه ودخلو الموطبخ لما لقت غاليه عينها منازلاش من على اسامه وهتغفلقها على حالها من حكيم ..

ورد هى كمان شويه وانضمتلهم عشان لقت حالها قاعده مع الكبار وملهاش حديت معاهم .. 

غاليه قعدتها جارها وفضلت تتدحلب معاها فالحديت على كل حاجه لحدت ماوصلت لمبتغاها وجابت سيرة اسامه اخوها ..

طبعا غاليه عيملت الازم وسألتها عن حجات كتير تخصه ومن ضمنها لو كان متجوز ولا خاطب ولا حاطط فباله وحده وورد ادتلها المفيد ان اسامه لا متجوز ولا خاطب ولا حاطط حد فباله لحتنه بالها ارتاح وهديت هبابه واتسلل امل ضعيف لقلبها ان ممكن حلمها اللى يامه حلمته يتحقق ..

اما ورد فبدورها هى كمان ابتدت تسأل عن الشيخ حكيم وطباعه وعن حجات كتير متعلقه بيه عشان تقدر تحدد ياترى الانطباع الاول اللى خډته عنيه مظبوط ولا فيه حاجه ڠلط واتضحلها ان انطباعها الاول عن الشيخ حكيم منتهى الصح وكل دا وهى متناسيه وجود جماره مرت الشيخ معاها وسامعه الحديت كلياته .

جماره كانت بتسمع كلام الاتنين ومستغربتش اسألة غاليه على اخو ورد عشان عارفه غرضها منيه لكن اللى استغربته سؤال ورد عن حكيم وعن تفاصيل المفروض انها متخصهاش ولا ليها انها تسأل فيها ..

ورد انتبهت اخيرا لوجود جماره ولاحظت نظراتها ليها وكيف ماتكون حست باللى ابتدا يدور فدماغها واتوجهتلها بالكلام ..

جماره فيكى تعذرينى فاسألتى عن زوجك بس والله انتى مابتعرفى اديشه ابى كان بيحكيلنا عن الشيخ جاهين وطيبته ورجوليته وقديشه كان صديئ وفى لأبى لدرجة اننا اتغرمنا فيه وحبيناه كتيير كتير بدون مانشوفه ..وكلنا طرنا من الفرحه بس ابى خبرنا انو راح نجى ع مصر مشان نشوفه اخيرا وهو كمان ماكان مصدئ حاله انه راح يتلائى مع رفيئه كل هالسنين ..

بس الصدمى هون من لما وصلنا مصر وابى سأل حدا بيعرفه معرفه اديمه عن الشيخ جاهين وعرف بمۏت الشيخ وان ربى اخډ امانته ..

عن جد ابى تدمرت نفسيته وحتى نحنا متله انصدمنا وضل ايام حابس روحه لحاله من قهرته ع رفيئه يلى مالحق يشوفه ..

بدى خبرك نحن النا خمسطاش يوم بمصر هون بس كنا نازلين حدا ابن اخته لابى بغير ديره ..وما صحلنا نجى غير هلا بعد ماتحسن وضعه لابى ..

وبس جينا هون ومن اول ماتلاقينا مع الشيخ حكيم عن جد اجانى احساس من شكله وطريئة حكيه انو هو الشيخ جاهين بنفسه يلى واقف معنا من وصف ابى