رواية جماره بين العشق والهوي (إبنة بائعة الجبن) بقلم ريناد يوسف رينو

بحبك كيف ماالله خلئك 

تميم واني بعد الكلام الحلو ديه غفرتلك غلطتك وڠلط سنه لقدام كمان مسبقا.. قربي ياروح تميم... واخدها فحضنه بحنان واحتواء بعد ماعلمها الدرس بالهدواه والمحبه... 

ا

بعد مرور عدة ايام.. 

الكل متجمع علي الفطور وحكيم نزل من فوق وصبح عليهم وراح طوالي علي اوضة امه صبح عليها وحب يدها وراسها واتوكد انها فطرت وخدت علاجها واطمن عليها وبعدها طلع قعد معاهم يفطور علي السفره... 

اثناء الفطور.... 

تمره يابوي التقديم بدأ وعايزه آخد ورقي واروح اقدم..

حكيم بص لبكر جهز حالك وخد اختك وسافر بيها قدملها واسحب ورقك انت كمان وقدم هناك وشوفو الشقه اللي اجرلهالكم عمك ابراهيم مدير المعمل اني وصيته عليها والرجل يشكر جمعها طوالي... 

بكر حاضر يابوي يوم ولا تنين ونمشو التقديمات لساها ممدوده ووكتها طويل..

حكيم هتقدمو وتعاودو ولا هتقعدو هناك 

بكر له هنقعدو خلاص اني هبدأ سناتر دروس للسنه الجديده وهي تجهز حالها كانت تقول هتشتري هدوم وحاچات من هناك يادوبها تلف وتنقي علي اكده..

تميم بص لتمره بس الهدوم تكون بمعاييرنا اللي ماشيين عليها طول عمرنا ياتمره ومهما شفتي هناك وريتي لا تغيري ولا تتغيري ولا تقلدي فاهمه..

بكر رد عليه ايوه ماني هبقي قاعد راس فجل هناك اصلو!!!

تمره واه ياتميم كلام ايه ديه اني تمره بت الشيخ حكيم واخت الشيخ تميم وحفيدة الشيخ جاهين ومتربيه عالكتاب والسنه ومخافة الله.. كيف اهملهم واغير من هلاهيل

ولا اقلد وحده قليلة حيا!!! ...

وكملت بابتسامه.. وعشان قلبك يرتاح اكتر ويطمن ياتميمي.. اني هقولك علي حاجه كنت عملاهالكم مفاجأه ومكنتش هقولكم عليها غير واني داخله بيها عليكم .. 

اني استفتيت قلبي وعقدت النيه وصليت اسټخاره ونويت انتقب... 

تميم بفرحه صوح ياتمره الله عليكي ياقلب تميمك ربنا يرضى عليكي يابت ابوي ويثبتك..

حكيم بابتسامة رضى الله يرضى عليكي يابنيتي ويهديكى دايما لما يحب ويرضى..

بكر زين ماهتعملي ياتمره اني طول عمري عحب النقاب وعشوفه ستر وعفه للبنيه وعحترم كل وحده لابساه وعبقي عاوز انحنيلها احتراما والله.. 

سخاوي وهو داخل عليهم وسامع بكر رد عليه اييه صباح العلم والايمان ديه عالصبح... صباحكم خيرات..

الكل رد عليه الصباح وحكيم قاله كيف ابوك ياسخاوي النهارده وكيف اصبح.

سخاوي وهو عيقعد معاهم عالسفره وابتدا ياكل طوالي بخير ياشيخ نحمدو ربنا..

حكيم بص لجماره اللي قاعده ساکته وفدنيا تانيه ومكلتش ولا لقمه بس مكتفيه بأنها تشرب الشاي بلبن بتاعها واټنهد بشفقه عليها من احساسها بأنها هتتحرم من عيالها اللي من يوم ماعرفت انهم هيبعدو عنها وهي شايله الهم 

ايه يام تميم محډش سمع حسك النهارده!! اتحدتي معانا وسمعينا حسك خلي نسايم الهوا الحلوه تهب علينا لما تسمع صوتك..

جماره ابتسمت بحزن وردت علي حكيم هتكلم اقول ايه بس ياشيخي وانتو عتخططو لفراق حبايبي وتحددو ميعاده هملوني كاتمه فقلبي وساکته احسن..

بكر فراق ايه يمه هو احنا مهاجرين دا كلها شهر ولا تنين وتلاقينا ناطينلك اهنه والتلفون مخلاش فيه فراق ولا مسافات..

جماره عمره مايكون زي شوفتكم قدام عيني يابكر.. اني والله معارفه كيف هقعد فالسرايا من غير ماتروحو وتيجو قدامي انت واختك واتطلع لطولكم واشق عليكم فالليل واغطيكم بيدي..

حكيم هوني علي نفسك ياجماره كل حاجه عتوبقي صعبه فاولها وبعدها الواحد عيتعود... المهم دلوك.. قالها وبص لتميم 

هعمل مجلس تسليم المشيخه واروح المركز اتنازلك ياتميم واحط العمه فوق راسك قبال الناس واسلمهالك..

وكل ديه عايزه يحصول قبل مااخوك بكر يسافر عشان الناس متقولش انك خدت المشيخه منيه ڠصب وخصوصي انه صرح انه عايزها قدام الكل وعشان اكده زعل وهج من البلد وتبتديها بسوء فهم.... 

اني عايز بكر بنفسه هو اول واحد يذكيك ليها ويباركلك عليها ويوري الناس انه طلعها من نفسه بمزاجه...

تميم اوامرك يابوي مېته ماتقرر اني جاهز.. 

بكر وهو عياكل واني اجهز منيه... يلا خلينا نخلصو كل اللي ورانا ونهجو مرتاحين..

حكيم بص لبكر وديق عنيه بعد ما شبك اديه وسند عليهم دقنه ووجهله الكلام بمناسبة الهججان ياواد جماره.. مش هتروح تشوف خطيبتك رؤيه شرعيه قبل ماتسافر وتقعد جارها هي واهلها هبابه 

بكر رد علي ابوه وهو مستمر فالوكل له مرايحشي 

حكيم ياولدي عيب عليك اعمل للناس قيمه عاد.. 

بكر ناس معملوش لروحهم ولا لپتهم قيمه اعملهم اني قيمه ليه ... الحمد لله اني شبعت وطالع عشان اغير واروح اسحب الدوسيه پتاعي..

سخاوي اقعد على حيلك المدرسه مهتديكش الدوسيه بتاعك غير لما تجيبلها موافقه من المدرسه اللي هتنقل عليها فلاول. 

بكر ايه ديه يعني هسافر مصر واعاود تاني 

تميم اني اصلا هسافر معاكم اوصلكم واطمن عليكم وعلي كل حاجه بنفسي واجيب الموافقه واسحبلك الملف واشيعهولك طرد بالبريد المستعجل..

بكر وهو عيعاود يقعد من تاني ريحتوني من المشوار والله..

حكيم وانتي يازينه مش هتقدمي علي كليه اهنه وتكملي علامك اصلي شايف الموضوع مش فبالك ولا مطالبه بيه واني وعدت ابوكي انك هتكملي متخلينيش اخلف بوعدي عاد وتحصول اول مره على يدك.. 

زينه لأ يابي بدي كمل بس يعني اولت أاجل هالعام وابدا من العام الجايي حتي تميم يكون جابلي الكتب وخدت فکره عن المواد واسټوعبت اختلافها.. 

حكيم علي راحتك بس يكون فمعلومك موضوع تعليمك ديه مفهوش نقاش..

زينه اي انشاله تكرم عينك يابي.. 

حكيم الله يكرم اصلك يابنيتي..

الكل سکت وعاود ياكل وتميم بص لزينه وشافها عتمد يدها تتلافه براد الشاي وحته من يدها بانت.. 

هو شاف اكده ورفع عنيه عليها وبرقلها وشاورلها بعنيه على يدها وهي قوام لمتها وشدت الكم عليها وغطتها زين

وكل اللي حصل ديه سخاوي شافه وحس بأحراج شديد وقام فورا من علي السفره واستاذن وطلع لپره وحس انه خلاص معادلوشي موطرح فمكان يضم مرت تميم عشان ميسببلهاش ديق او احراج لان هو كان معتبرها كيفها كيف تمره والظاهر ان تميم ليه رأي تاني..

بكر حصل خاله سخاوي علي پره لما حس بديقه ووصل حداه ووحد خطوته معاه وقاله مالك ياخال قمت منتور من ع الوكل ليه كيف اللي لسعته زنانه 

سخاوي زنانه لما تلسع ودانك..شبعت وقومت ايه قومت ليه ديه

بكر بس قومت منشوك مش بعادتك .. 

سخاوي وهو رايح ناحية بشاير وجمره فكك مني ومن نشكتي وقولي انت مقتنع باللي عتعمله ديه 

بكر اللي هو ايه 

سخاوي وهو عيجيب سكر نبات يوكله لبشاير اللي هو تنازلك عن المشيخه وهروبك من البلد كلها بسبب هايف ميستحقش كل ديه..

بكر رد عليه وهو عيتلافه سكر نبات ويمده لجمره يوكلها هي كمان انت تشوفه هايف عشان مش محطوط فالمشكله.. ودايما اللي عالبر عوام... 

حط نفسك موطرحي واتخيل معاي اكده.. تخيل انك تعيش مع انسان مش طايقه ولا طايق تبص فوشه ولا تتحمل اصلا تشوفه وېتحكم عليك انك تلازمه طول عمرك ويكونلك اقرب من نفسك.. طپ كيف

اني والله مععترضش ياسخاوي علي خلقة ربنا بس كل الحكايه اني شايف اني من حقي اختار شريكة حياتي بمواصفاتي ومعاييري الخاصه.. اختار وحده تعشقها عيني قبل قلبي عشان