قصتنا تشبة بعضنا
.صرخت بجن*ون وهستريه وانا برمي بكسر كل حاجه قدامي:
-انت حقييي**ييير انت جبررررروت انا بكرهك انا بكرهك يا يونس علي قد ما حبيتك هكررررهك حسبي الله ونعم الوكيل فيك،عمري ما هسامحك،هاخد حقي منك قد ربنا
-حمد لله علي السلامه ياقمر
فتحت عيوني بتعب وانا ببص حوليا باستغراب لقيت نفسي في اوضه مستشفي متعلق في أيدي محلول وفي ممرضه واقفه قدامي بابتسامه لطيفه
-باباكي جابك هنا من يومين وانتي فاقده الوعي وتعبانه جدا
بصيت حوليا بخوف:
-هما فين اهلي
حطت ايديها علي ايدي وهي بتطمني:
-متقلقيش هما برا هدخلهم حالا
هزيت راسي بتعب وانا ببص في السقف وبفتكر اللي حصل
كل اللي فكراه اني كنت بتكلم في الفون ودقات قلبي سريعه وفجأه حسيت بصداع رهيب ووقعت علي الارض ومن بعدها محستش باي حاجه غير دلوقتي
دفنت نفسي بين دراعاتها من غير ما انطق حرف لكن نظره الحزن والكسر*ه اللي في عيني كانت كفيله تحكي وتعبر عن اللي جوايا
رفعت وشي وانا بسألها بدموع:
-ه هو انا عملت حاجه وحشه وربنا بيعاقبني
هزت راسها بلهفه ودموع:
-لا ربنا بيحبك،ربنا نجدك ياحبيبتي
-ط طب ليه يونس عمل فيا كده،ليه حب واحده تانيه،فيها ايه زياده عني،و والله لو لف الدنيا مكانش هيلاقي حد بيحبه قدي ياماما والله انا محبتش في حياتي قده، هو ليه عمل كده
فضلنا ساكتين بنبص لبعض كلنا بحزن وكس*ره،ماهو مش انا بس اللي اتكسرت ده بابا وماما واختي
كلام الناس بالتأكيد مش راحم ضعفهم،نظرات الشك اللي في عيون كل شخص محاوطاهم في كل مكان
مفيش شخص ممكن يصدق أن في عروسه اتسابت يوم فرحها عشان عريسها بيحب واحده تانيه
-هو انا مش قولتلك الف مره متقعديش مع البنت دي تاني انتي مش بتسمعي الكلام ليه
بصتلي صاحبتي بتوتر وهي بتبلع ريقها ووشها كله بقي اصفر
-م محمد دي ايمان صاحبتي و….
قاطعها بحده:
-كانت صاحبتك انما دلوقتي خلاص
اخدت نفس عميق وانا بمنع نفسي من العياط وقومت وقفت واخدت شنطتي ومشيت من غير ما انطق حرف
وقفت في مكان مفهوش ناس كتير وانا بنهج بتعب وضربات قلبي سريعه
-حبيبتي وحشتيني
لفيت لمصدر الصوت لقيته شاب بيقرب مني وانا ببص يمين وشمال يمكن بيقول الكلام ده لحد تاني
وقف قدامي ومسك ايدي، برقت وكنت لسه هتكلم لقيته همسلي في ودني بتوسل:
-ارجوكي مثلي انك خطيبتي واوعدك هدفعلك المبلغ اللي انتي عايزاه ارجوكي
قربت مننا بنت كانت واقفه بعيد وهي بتبصلي من فوق لتحت بقرف
-امممممم بقي هي دي خطيبتك
رفعت راسي أبص في عيونه اللي لاحظت لونها العسلي مع ضوء الشمس
لوهله قلبي اتنفض وايدي اترعشت
-اه هي دي حبيبتي واغلي ما ليا
بصيتلها بقرف وانا بقول باستفزاز:
-مش تعرفني ياحبيبي مين دي
جزت علي أسنانها بغيظ:
-الاكس ياحبيبتي
-امممم تصدق زوقك وحش اوي
بصتلي والشرار بيخرج من عينيها:
-هو فعلا زوقه وحش عشان اختارك
-توء توء ده زوقه اتحسن ياحبيبتي عشان اختارني مش كده يابيبي
قولتها بدلع مصطنع وهو واقف مصدوم وفاتح بوقه ببلاهه
-بيبي
-هه
