اڼتقام الندى

ياوائل ميبقاش قلبك اسود بقى
وائل بضيق للاسف انتى مديتنيش مساحة انى ازعل او اتصافى انتى مش معترفه بوجودى فحياتك اصلا ودايما تستهزائ بكلامى ودايما اقول ع الحاجة وتعملى عكسها
سوسن خلاص بقى ياوائل البت عرفت غلطها متبقاش حنبلى اوى كده صالحها بقى
وائل بابتسامة جاده_ مش وقت العتاب والكلام دلوقتى انا عصافير بطنى بتزقزق وصاحى من بدرى ومستنى الست الهانم لما تنزل وتتعطف وتكرم وتتنازل و تفطر معانا
ندى شفتى يا عمتو اهو بيتريق تانى اهو اعمل له ايه بقى
سوسن جرا ايه ياولاد انتو هترجعو للخناق تانى ولا ايه ياللا افطروا بالف هنا وشفا
ندى الله الاكل تحفة يا عمتو تسلم ايدك
وائل باعجاب وهو يتذوق الطعام بشهية _ بصراحه اكلك لا يعلا عليه ياست الكل انا مش عارف ليه كنت مستحمل اكل المطاعم وانا برة مصر دانا معدتى وجعتنى
سوسن ما تقول لنفسك ياوائل بيه مش انت اللى مصمم ع الغربة ومحسر قلبى عليك
وائل لندى بسخرية ايه يا ست ياندى هانم مش هتسيبينا وتستاذنى علشان تجهزى باللى ع الحبل هو انتى مش نازله النهارده ولا ايه هو سى روميو لحق يسرحك م الشغل لحق زهق منك اوام كده
ندى بضيق شايفة يا عمتو الكلام مين بقى اللى بيدور ع الخناق من الهوا انا ولا هو 
رمقته سوسن بنظرة حاده وقالت اتلم بقى بلسانك اللى عايز قصه ده
ندى تتابع بسخرية لا انا النهارده وبكرة اجازة يا وائل بيه صادق بيه ادانى اجازه لما لاقانى تعبانه يظهر خدت برد من تكيف الشركة
وائل بانفعال برضة زفت تانى طب خليه ينفعك بقى وقام من على المائده غاضبا
سوسن باستغراب ايه يابنى هو انت كده كلت
وائل بضيق اه يا امى شبعت الحمد لله
سوسن براحتك يابنى بالهنا والشفا
ندى وانا كمان شبعت ياعمتى الحمد لله
سوسن تستاهلى الحمد يا حبيبتى
وهنا رن هاتف ندى فاستاذنت عمتها ومشت بضع خطوات نحو الصاله وردت
ندى الووو ايوة مين معايا
مايسة ايه يا بنتى انتى مش متفقة معايا نخرج النهارده نشترى شويه حاجات وننقى الفستان سوا انتى ناسيه انى خطوبتى بكرة
ندى معلش يا مايسة دانا كنت هنساكى خالص
مايسة بمزح من لقى احبابة يا ستى
ندى والنبى مش فايقة لتريقتك دلوقتى خالص
مايسة مالك يابنتى صوتك مش عاجبنى انتى بقالك فترة مش ف المود
ندى والله اعذرينى دماغى مشغولة وفي لخبطة جامده ف البيت
مايسة بقلق ليه ايه اللى حصل احكيلى 
ندى لا الكلام مينفعش ف التليفون ربعايه واكون عندك
مايسة سلام يا قمر مستنياكى
ندى سلام يا حبيبة قلبى باى
وعادت حيث تجلس عمتها فى الصالة فبادرت سوسن قائلة ايه ياحبيبتى مين اللى كان ع التليفون
ندى دى مايسة كانت بتاكد عليا انها مستنيانى نخرج مع بعض علشان تشترى شويه حاجات ليها علشان الخطوبة زى ماقلتلك
سوسن طب سلمى لى عليها وباركي لها على مااشوفها البنت دى انا بعزها جدا زيك بالظبط
ندى حاضر يا عمتى هى كمان بتحبك ودايما تسأل عليكى
سوسن سالت عليها العافية الا قوليلى صحيح مين العريس والخطوبة هتتعمل فين
ندى العريس يبقى ابن مدير الشركة اللى انا بشتغل فيها والخطوبة هتتعمل فجنينه فيلته فى الزمالك
سوسن بذهول وعبس وجهها قليلا انتى بتتكلمى بجد يعنى انتى هتروحى برجلك للراجل ده
ندى بارتباك اه ياعمتى هروح دى صحبتى وهتزعل لو مرحتش
سوسن بحيرة _بس انا اعرف ف الدنيا كلها ان الخطوبة ع العروسة والډخله ع العريس يعنى المفروض العريس هو اللى يروح لخطيبته مش العكس
ندى اصل صادق بيه هو اللى تطوع وتكفل بتكاليف الفرح زوقيا منه وكمان انتى عارفة ان شقة مايسة ضيقة ومش هتاخد العدد اللى هيحضر دول عازمين ناس كتير وناس كبار ف البلد
سوسن بقلق بتقولى ايه انتى مفيش فايده فيكى برضه وعنيده ودماغك انشف من الحجر يعنى هتروحى له لوحدك برضة انا مش مرتاحة يابنتى
ندى وفيها ايه يا عمتى خاېفة ليه متقلقيش واتطمنى خالص
سوسن الراجل ده من كلامكم عنه انا مرتاحتلوش وخصوصا بعد كذا خناقة حصلت بينك وبين وائل بسببه وعايزانى اتطمن ازاى بس ده كمان وائل لو عرف انك هتروحى هيهد الدنيا ومش بعيد يمنعك م الخروج ويحبسك لحد م الفرح يخلص
ندى لا مش للدرجة دى متوصلش لكده وائل مش بالعقلية دى
سوسن الغيرة ياندى مبتفرقش بين راجل والتاني وائل طبعة حامى

دا ابنى وانا عرفاه وحتى لو مش بيحبك انتى عرضه يابنتى ولازم يتصان انتى بنت خاله اللى من دمه ولازم يحميكى من اى خطړ
ندى وايه الخطړ فحضورى خطوبة صحبتى ياعمتى انا شايفه انكم مكبرين الموضوع زياده عن اللزوم
سوسن بضيق انا فهمتك وقولتلك اللى فيها الراجل ده مش سهل يابنتى وفيه كل الصفات اللى يغرى بيها اى بنت وانا استنتجت من كلامك معايا انه مستلطفك او بيحوم حواليكى بدون مبرر الا لغرض فدماغه يعنى بوجودك معاه انتى بتحطى البنزين جمب الڼار وانا خاېفة عليكى
ندى ماتخافيش يا عمتى انا واعية لنفسى كويس
سوسن اتمنى كده يا بنتى انك تخلى بالك من نفسك ومندمش انى وثقت فيكى فيوم من الايام
ندى طب ماتيجو معايا حضرتك ووائل ايه رايك
سوسن لا ياندى انا مليش فجو الافراح العالى ده انا ست اتربيت فبيت اغنيا اه بس مبحبش البهرحة والكلام الفارغ ده والبركه فعمك عبد الله الله يرحمه عودنى على طبعه البسيط وعاشرته واتعلمت ان البساطة احلى حاجة فالدنيا ده حتى وانا فاسكندرية بعد مامات مكنتش بخرج من البيت الا علشان اتسوق لا بزور حد ولا حد يزورنى ولاكان لى جيران لغاية ماجيت قعدت معاكى هنا
ندى الله يرحمه يا عمتى طب لو قلت لك علشان خاطرى هتقولى ايه متكسفنيش بقى
سوسن خاطرك غالى عندى ياغاليه يابنت الغالى بس يعنى....
ندى مابسش ولا حاجة بالله عليكى توافقى ياعمتى انا هبقى مطمنة وانتو معايا هسيبك تفكرى لغاية ماارجع
وبعدين انتى مش نفسك تشوفى مايسة عروسة ده هى هتفرح لما تشوفك
سوسن اه طبعا ربنا يسعدها وعقبالك بس يابنتى وائل يعنى....
ندى باستغراب ماله وائل بس
سوسن انتى عارفة ان الموضوع حساس بالنسبة له وممكن ميرضاش
ندى انا هفهمه انه فرح مايسة صاحبتى وهو مش هيمانع واتطمنى كمان مش هجيب له سيرة ان صادق بيه له علاقة بالموضوع
سوسن طب والفستان هتعملى فيه ايه
ندى متقلقيش هتصرف فيه
سوسن ماشى يابنتى اللى تشوفيه صح اعمليه
ندى استاذن انا هطلع اجهز علشان ماتاخرش على مايسة
سوسن طب يا حبيبتى روحى انتى
وصعدت ندى لتجهز نفسها ونزلت بعد نصف ساعة فى قمة اناقتها ومعها الفستان وسلمت على عمتها
ندى سلام ياعمتى وقبلت يدها
سوسن الله يسلمك يابنتى خلى بالك من نفسك
دخل ابراهيم الخادم من الباب الخلفى للفيلا ووقف امام سوسن وندى
وقال عربية الست ندى واقفه قدام الجنينه ي ست سوسن
ندى مين اللى بعتها يا عم ابراهيم
ابراهيم راجل كبارة اوى متهيألى شفته قبل كده ف الفيلا هنا مش فاكر اسمه ايه
سوسن طب روح انت ياعم ابراهيم ندى هتخرج حالا
ندى لا اله الا الله
سوسن سيدنا محمد رسول الله خلى بالك من نفسك
ندى حاضر
وخرجت ندى من الفيلا ومشت بضع خطوات تبحث عن