اڼتقام الندى

سيارتها حتى وجدتها عن بعد بجوار حديقة الفيلا ولكنها تفاجئت عندما وجدته بداخلها فقالت فى ذهول
ندى ههههه ايه اللى جابك هنا انت مچنون ولا عايز تجننى
صادق بابتسامة ايه يانانا مكنتيش عايزانى اجى ولا ايه انا وعدتك انى هجبلك عربيتك لحد عندك انا عارف انك تعبانة من ساعة اللى حصلك اخر مرة واحنا مع بعض اخبارك ايه دلوقتى مش احسن
ندى ببرود اه الحمد لله انا كويسه واسبوع كده وهرجع الشركة تانى
صادق بالحاح ايه ياندى مالك بتعاملينى كده ليه دا جزاتى علشان عايز اتطمن عليكى
ندى بضيق كتر الف خيرك عملت اللى عليك وزياده وتعبتنى بزياده وعملت لى مصايب ملهاش اول من اخر ممكن بقى تسيبنى الحق صاحبتى
صادق نزل من سيارتها قائلا ممكن افهم حصل ايه لكل ده انا مغلطش ياندى انا بحبك وانتى كمان بتحبينى متنكريش ده ولا ناسية خضتك عليا لما حاولت انط من الباخرة ولهفتك عليا شفتها ف عينيكى ساعتها
ندى پغضب وحضرتك ازاى يامحترم تحاول تبوسنى وباى حق
صادق بمكر بس انا محاولتش انا بوستك فعلا وملقتش اى مقاومة انت كان مغمى عليكى ساعتها حاولت افوقك معرفتش
ندى بانفعال قمت لاقيتها فرصة وبوستنى مش كده انت مراهق فعلا زى ماكلهم بيقولوا عنك
صادق باستفزاز ولهجة ماكرة مانا معذور برضة مقدرتش اقاوم شفايفك الحلوين دول بصراحة
ندى پغضب احترم نفسك وعيب الكلام ده يا صادق بيه ابنك خلاص هيخطب صاحبتى وبنتك على وش جواز راعى سنك ع الاقل
صادق انا اسف ياندى اذا كنت ضايقتك بس صدقينى كنت محتاج اعمل كده جدا انا اول مره احس بالاحساس ده معاكى واول مرة اتعامل بالجراءة دى مع اى ست انتى غيرتينى ياندى
عموما حقك عليا ويضع يده على كتفها فتقول
ندى بنفور اوعى ماتلمسنيش من فضلك وارجوك سيبنى اروح لمايسة زمانها ملطوعة قدام البوتيك مستنيانى
صادق طب ممكن اوصلك لو تحبى وارجوكى متكسفنيش
ندى بتصميم لا يا صادق بيه انا هروح لوحدى انا عارفة المكان
صادق بالحاح اركبى بس وابقى ارجعى لوحدك ياستى انا عربيتى فالتوكيل وهعدى اخدها كمان شوية
ثم قال مازحا وهو يفتح لها باب السيارة اتفضلى زى عربيتك مش غريبة على

فكره
صادق باستغراب وهو ينظر للحقيبة التى معها هتعملى ايه 
ندى هخلى الفستان مع مايسة وهلبس معاها بكرة فالكوافير
ووضعت الحقيبة التى فيها الفستان ف المقعد الخلفى للسيارة وجلست بجواره ولكنها ظلت صامته طوال الطريق ومرت نصف ساعة كامله ثم لمحت صديقتها فقالت متشكرة ياصادق بية اتفضل روح خلاص هنزل هنا وهركنها هنا برضة
صادق_ ماشى همشيها صادق بيه لغايه بكرة ما انفذ وعدى ليكى وصدقينى مش هتندمى
ندى بتوعد_ دانت اللى هتندم ندم عمرك ونهايتك هتبقى على ايدى
ودعت ندى صادق فى غيظ وتركته يمشى حتى استقل احدى سيارات upper واختفى من امامها امنت سيارتها وأغلقتها وتحركت نحو المول وكانت صديقتها مايسة تراقب عن بعد حتى نزلت ندى تحمل الفستان الفخم ومشت ناحيه مايسة فبادرتها قائلة باستغراب ممزوج بضيق
مايسة ايه يابنتى اللى اخرك كده وايه اللى لم الشامى ع المغربى 
ندى انا اسفة جدا اتاخرت عليكى معلش
مايسة انا والله كنت همشى وقلت المشوار اتضرب وانا بسابق الوقت علشان انتى عارفة الخطوبة بكرة
ندى بمزح انا مقدرش اتاخر عنك ياعروسة ربنا يتمم لك بخير
مايسة عقبال فرحك انتى كمان ي حبيبتى يبقى انا وانتى ف ليله واحده
ندى اشمعنى
مايسة انتى عارفة انى ماليش اخوات وبعتبرك اختى واكتر وبعزك وربنا اعلم
ندى وانا كمان ربنا يخلينا لبعض
مايسة ياللا بقى ندخل المول انا شفت حاجات حلوة هنا من كام يوم ومرضيتش اشترى الا لما ندوشة حبيبتى تيجى
ندى احلى دلع لاحلى صاحبة ده ولا ايه ياللا بيننا
وفى المول تدخل ندى مع مايسة وهى تحمل حقيبه الفستان فتقول مايسة باستغراب
مايسة ايه ده انتى هتدخلى بالشنطة دى ليه احنا لسة هنشترى حاجات كتير هى مش شيله ع الفاضى
ندى بابتسامة بارده معلش يل حبيبتى استحملينى شوية انا لازم اخلص من الشنطة دى باى طريقة
مايسة ههه ليه يابنتى الشنطة دى فيها ايه تغمز مازحة يكونش فيها مخډرات ها...
ندى بارتباك مخډرات ايه الله ېخرب عقلك هتلبسينى مصېبة من غير لازمة
مايسة يابت انتى بتروحى شمال ليه مخډرات يعنى شيكولاته يا حبيبتى ولا يكونش فيها سندويتشات كبده لايمينى عليها والنبى اصلى ماكلتش من الصبح
ندى باسلوب ساخر انتى كده همك على بطنك على طول ومع ذلك مايبانش عليكى يا سوسة
مايسة ماشى يا ستى مقبولة منك قوليلى بقى الشنطة فيها ايه بجد ولا اقولك سيبينى اكتشف بنفسى
تدس مايسة يدها فى حقيبة صديقتها وتخرج الفستان ثم تصفر بذهول اوبا ايه الفستان التحفة ده بتاعك 
ندى بضيق عارفة انه مش زفت عايزه ايه جنابك
وكان الماره فى المول ينظرون لهما باستغراب ندى بغيظ اخلصى بقى الناس بتبص علينا
مايسة وهى تتامله بتمعن الله وكمان فى فصوص الماز هنيالك ياستى وياترى جاي لك منين وائل اللى جايبه مش كده اه طبعا مهو جى من دبى على قلبه اد كده
ندى تنظر لها وهى ټنفجر من الغيظ وتسكت
مايسة ايه يابنتى ساكته ليه بصراحة فستان زى ده الواحد يتنح قدامه
ندى بسخرية ممزوجه بالضيق عجبك ياختى اشبعى بيه حلال عليكى
مايسة خسارة والله لو كان ينفع كنت قلبته منك دا يجنن يا سلام لو مكنتش خطوبتى بكرة كانوا العرسان هيقفولى طوابير لو لبسته الا قوليلى ياندوشة جبتيه منين ده شكله غالى اوى
ندى بانفعال ييه بطلى صداع ايه لوك لوك على طول حرام عليكى ارحمينى بقا افصلى شويه 
ندى بانفعال علشان الزفت اللى فايدك ده كان سبب کاړثة ليا طول اليومين اللى فاتوا
وانا بقولك عاوزة اخلص منه يا بت يا تافهة انتى وانتى تقولى عجبك ومعرفش ايه
مايسة بمزاح خلاص ياستى حقك عليا بهزر معاكى اضحكى بقى هو انا عملت ايه يعنى
ندى بضيق وبرود مش فايقه لهزارك السخيف ده دلوقتى بقولك ايه انا اللى فيا مكفينى هنخش نشوف مكان تانى وتخلصى وتشترى اللى انتى عاوزاه ولا من قصيره كده اقسم بالله اخد عربيتى وامشى واسيبك وانتى حرة مع نفسك بقى وانتى عارفانى مچنونة واعملها
مايسة بابتسامة اه طبعا انتى هتقوليلى خلاص هاتى الشنطة خلينى احطه مكانه الطيب احسن
ووضعته فى الحقيبة كما كان ثم قالت باستغراب ممكن تفهمينى ايه سر ثورتك الغريبة دى وايه حكاية الفستان اللى معصبك كده وايه اللى نزلك من عربيتك مع عمو صادق احكيلى بالله عليكى من طق طق لسلامو عليكم
ندى بضيق تانى فضولك المهبب ده انا عارفاكى مش هترتاحى الا لو عرفتى هقولك بس بعد ماننجز ونجيب حاجاتك اللى مش هتخلص ف الليلة دى
مايسة ياللا بينا
ودخلتا كلتاهما الى مكان اخر وتجولتا بين المعروضات من الملابس والماكياج والعطور وحرصت مايسة على شراء كل ماتحتاجة اما الجوله فاستغرقت خمس ساعات وخرجت مايسة مع صديقتها محملتان بالعديد من الاكياس المليئة بما يلزمهما وبعد خمس ساعات تمام الثالثة عصرا فى الخارج
ندى

ياخبر ايه يابنتى ده كله دى ډخله ولا خطوبة انتى محسسانى انك هتتجوزى بكرة الشنط تقيله اوى وكتيرة
مايسة من حق