اڼتقام الندى

ياعمتى اتفضلى
دخلت سوسن وجلست على السرير بجوارها وقالت مش هتنزلى تتعشى ياندى انا حضرت العشا تحت ومرضيتش اتعشى من غيرك
ندى لا ياعمتى ميرسى انا اكلت برة مع مايسة ومش جعانة
سوسن بضيق حتى انتى ياندى دا انا قلت انتى اللى هتفتحى نفسى
ندى باستغراب ليه هو وائل فين ياعمتى 
سوسن نام هو كمان وحاله مش عاجبنى كده مش عارفة ماله
ندى خير ياعمتى فيه حاجة ولا ايه
سوسن انا اللى جايه اسألك هو حصل ايه بينكم يابنتى 
ندى بعدم فهم قصدك ايه ياعمتى
سوسن اټخانقتوا تانى مثلا حاكم ده ابنى وانا عارفة طبعه يكون قالك كلمة كده ولا كده ضايقك مثلا
ندى بارتياح لا يا عمتو مټخافيش مفيش حاجة تقلق ده كان مجرد حوار عادى وانا لسة مفكرتش فيه
سوسن بس وائل قالى كل حاجة
ندى بارتباك قالك ايه بالظبط
سوسن بابتسامة وائل عاوز يتجوزك ياندى وانا بصراحة فرحت لما قالى الخبر الجميل ده
ده يوم المنى عندى يابنتى لما اشوفكم تحت سقف بيت واحد
ندى بذهول إيه بس انا... وتلون وجهها بالوان الطيف
سوسن _ ايه يا ندى مالك متفاجئه ولا مخضوضه ولا مكسوفه ولا ايه حكايتك انا كنت فاكرة لما اقلك خبر زى ده هتفرحى
ندى بضيق مش عارفة ياعمتى انا متلخبطة ومش عارفة افكر
سوسن بابتسامه بصى يابنتى انا ست كبيره وعندى خبرة فى الحياه ومبحبش اللف والدوران وقبل كده جيت سألتك فيه حد فى حياتك صح
ندى بتنهد صح ياعمتى وانا قلت لك لا
سوسن وانا مش مقتنعة بردك ده لاسباب كتير مش محتاجة اوضحها تانى
ندى مطت شفتيها بتبرم وقالت معرفش حضرتك عاوزة توصلى لاية 
سوسن صارحينى يابنتى لاخر مرة وبعدها مش هلح عليكى تانى فيه حد بيحبك وانتى بتحبية صح
ندى بتلعثم وعلا صوتها قليلا بانفعال م م مفيش ياعمتى قولت لحضرتك مفيش ارتاحى حضرتك خالص
سوسن_ خلاص يا بنتى براحتك بس هقولك كلمتين حطيهم حلقة فى ودنك 
وهى تنظر للكارت الائتمانى الذى امامها_ اللى بيحب حد ميقابلهوش فالسر وميغرقوش هدايا ملهاش معنى الحب الحقيقى هو اللى بيتولد فالنور مش فالظلمة الحب الحقيقى محدش يتدارى منه ولا يقفل على نفسه مېت باب وېخاف من الناس و لا انك تتحججى الف حجه علشان تقابليه وترجعى نص الليل وتكذبى على اهلك الحب الحقيقى اخره جواز على سنه الله ورسوله تحبى اعرفك الراجل اللى بيعمل كده مع بنت الناس يبقى ايه وعايز منها ايه ولا بلاش اوضحلك اكتر انتى عاقلة وفاهمة ياندى
ندى سكتت ونزلت دموعها رغما عنها فقالت سوسن فى حنان وهى تضع يدها على كتف ندى_كل اللى هقولهولك انك مهما لفبتى ف الدنيا كلها مش هتلاقى حد يحبك ادى ولا ېخاف عليكى زى مانا بخاف عليكى انا طول عمرى ماخلفتش غير وائل وكان نفسى فبنت وربنا بعتك ليا اعتبرتك بنتى بجد وحسيت بالمسئوليه نحيتك من بعد امك وابوكى الله يرحمهم ارجوكى متخذلنيش وتخلينى اندم على ثقتى فيكى
ندى برقة وهى تمسح دموعها
حاضر ياعمتى
سوسن بابتسامة خلى بالك من نفسك ياحبيبتى ياللا بقى هسيبك تنامى علشان بكرة وراكى يوم طويل عقبال فرحك
ندى ان شاء الله تصبحى على خير يا عمتو وسحبت الغطاء لتنام فاقتربت منها سوسن وقبلت جبينها برقة قائله
سوسن وانتى من اهله ياحبيبه عمتك
واغلقت النور وخرجت واغلقت الباب وراءها وهى تقول _ ربنا يبعد عنك ولاد الحرام
يتبع
7 اڼتقام عاشقة بقلم دعاء حجازي 
فى صباح اليوم التالى استيقظت ندى مع نسمات الصباح وغسلت وجهها وصففت شعرها ثم نزلت لتناول الافطار مع عمتها وابن عمتها وائل كانا جالسين امامها على السفرة فالقت عليهما التحية بابتسامة صباح الخير ياعمتو 
واقتربت من سوسن وقبلت رأسها سوسن بابتسامة صباح النور ي حبيبة عمتك باستك العافيه ياروحى
ندى _صباح الخير يا وائل
وائل صباح النور يا ست ندى
وجذبت احد الكراسى وجلست تتناول الافطار معهما
سوسن باستغراب صاحية بدرى وفايقة ورايقة طبعا علشان فرح صاحبتك عقبالك ي حبيبتى مافرح بيكى فبيت عدلك مع ابن الحلال ونظرت لوائل وابتسمت فشعر كلاهما وائل وندى بالخجل
ندى ان شاء الله ياعمتى وتناولت لقيمات صغيرة وقامت من على المائده
سوسن باستغراب ايه يا حبيبتى مش هتكملى فطارك
ندى انا شبعت الحمد لله ياعمتو وبعدين لازم الحق اجهز نفسى علشان اروح لمايسة ال center علشان متاخرش وعلشان كمان البس هناك
سوسن طيب ياحبيبتى ولو انى مش فاهمة البتاع اللى انتى قولتى عليه ده
وائل مازحا قصدها الكوافير يا امى
سوسن مانا عارفة الكوافير انما ايه التانى ده
وائل يعنى مركز تجميل اكبر من الكوافير حبة فيه ساونا وجاكوزى وفيه كمان اتيليه للفساتين وقسم للمكياج وتزيين العرايس
سوسن اه طيب وليه الغلبة دى يابنى وصرف الفلوس ع الفاضى ماتجيب حد يمكيجها فالبيت ولا امها تمكيجها ماهو كله بيتمسح فالاخر ومفيش احلى من الجمال الربانى
وائل ياامى كل جيل وله عادات مختلفة والدنيا بتتغير يعنى عايزة تفهمينى انك مارحتيش كوافير دانتو ايامكم الدلع كله يا جميل
سوسن جيل اخر زمن يابنى والله دا انا على ايام ماتجوزت كانت عمتك الله يرحمها معايا وهى اللى عملتلى الزواق كله وكنت طلعه قمر الله اكبروابوك الله يرحمه معرفنيش
وائل طول عمرك قمر ياماما
سوسن ربنا يخليك ليا يا حبيبى
وائل ويخليكى لينا يا ست الكل
سوسن بس الشبكة تكاليفها كلها على اهل العروسه مش كده يا وائل وهنا غمزت لها ندى فسكتت
وائل وانا ايش عرفنى بيقولوا كده ياامى هو انا كنت خطبت ولا اتجوزت قبل كده
سوسن ان شاء الله افرح بيك وتتهنى مع بنت الحلال
ردت ندى بس الكوافير على العريس يا عمتو
سوسن طيب ربنا يتمم لها بخير ويسعدهم ببعض عقبال الليله الكبيره و عقبالك انتى كمان وتروحى برضة السنتر ده ولا معرفش ايه
ندى اسمه beauty center ياعمتى
تدخل وائل مازحا اللى يسمع طريقة كلام حضرتك مايقولش انك وخالى حامد الله يرحمه اخوات ابدا
سوسن بابتسامة عاتبة نعم مالها طريقة كلامى بقى
وائل ماقصدش حاجة والله
سوسن بانفعال قصدك ايه ياولا انت بتتريق على امك وخلاص يابشمهندس مبقيناش اد المقام ولا ايه
ندى انتى زعلتى ياعمتى حقك عليا انا وادى راسك ابوسها وقبلت رأسها
سوسن بانفعال _لا ياحبيبتى انتى مالكيش دعوة خالص ده البية اللى مش عاجبه طريقة امه فالكلام وبيعدل عليها وبيتريق
وائل وهو يقترب من امه مازحا ايه سوسكا انتى زعلتى ولا ايه انا بهزر معاكى يابيضه ياجميلة يامربربه انتى وزغزغ اجزاء من جسدها فضحكت قائلة
سوسن بمزح بس ياولا بغير الله ابعد كده
فيلتصق بها فتقول بضيق ابعدعنى انا مخاصماك هه بقى انت مش عاجبك كلام امك اللى شالتك فبطنها 9 تشهر وبعدين ايه مش اخوات دى ولا يعنى علشان مبعوجش لسانى زى الاغنيا واتكلم انجليزى وفرنساوى فوسط الكلام ابقى مشبهش لا يا حبيبى سيبت لك انت التعليم ي مثقف يامحترم
وائل بدلال انتى احلى من الاغنيا كلهم حقك عليا بقى انا اسف ياست الكل زله لسان وكنت بهزر يا قمر بالله ماتزعلى منى
اقترب وقبل رأسها صافى يالبن بقى
سوسن بابتسامة خلاص حليب يا قشطة
ندى خلاص اسيبكم تتصالحوا بقى والحق مايسة الساعة 9 الا ربع يادوبك اغير هدومى انا اتاخرت