اڼتقام الندى

اوى ثم نظرت الى عمتها بابتسامة قائلة
اه صح فكرى ياعمتو فالموضوع اللى قلت لك عليه هستأذن انا بقى وقبلتها
سوسن روحى انتى يابنتى عطلناكى كتير يارب ياندى اشوفك متهنية مع اللى بالى
ابتسمت ندى وصمتت وصعدت ندى الى غرفتها مرة اخرى لترتدى ملابسها وحملت حقيبتها الخاصة ولم تمض الا ربع ساعة اخرى حتى نزلت ندى بوجه خال من المساحيق وابتسمت قائله استاذن بقى
سوسن انتى مكملتيش فطار لا تجوعى هناك ولا حاجه
ندى متقلقيش انا هخد معايا ساندويتشات
ثم تناولت بعض من الساندويتشات من على المائده ووضعتهم فى اكياس بلاستيك ثم وضعتهم فى حقيبتها
سوسن بابتسامه استنى ياندى
ندى نعم 
سوسن هتروحى من غير عربيتك
اقتربت ندى من عمتها وهمست قليلا فى اذنها ...
سوسن بابتسامة طيب يا حبيبتى هشوف
ندى عن اذنك ياعمتو سلام
سوسن اتفضلى يا حبيبتى خلى بالك من نفسك
وخرجت من الفيلا
وفى حديقة فيلا صادق عبد الرؤوف كانت التجهيزات تتم على قدم وساق استعدادا لخطوبة زياد ومايسه زينت مداخل الحديقة الشاسعة المطله على حمام سباحة بالبالونات الملونه من اللون الابيض وال وردى وتم تنظيف حمام السباحة ووضعت بداخلةبالونات ملونة اخرى وتدلت عناقيد النور من واجهة الفيلا وحتى خشب الاشجار وتم تركيب الاضواء

الكاشفة والكرات المضيئة والليزر بالاستعانه باحد مهندسى الاضاءة المحترفين وعدد من معاونيه وجهز المسرح الانيق بالارضيه المضيئة وجهزت الكوشة الفخمة ذات التصميم الانيق الذى يشع بالرومانسية وحتى مقاعد المدعوين والتراببزات كانت تتميز بالجمال والتصميم الراقى اعدت الحديقة لتسع 1500 مدعو من الشخصيات العامة ورجال الاعمال وعلى جانب اخر ركن للعائله والاصدقاء
اما الموائد او كما تسمى البوفيه المفتوح فكانت عامره باشهى المأكولات من افخم المطاعم فى القاهره وتم الاستعانه بمشرفين من الطهاه المحترفين للاشراف على المائدتين الفخمتين وطلبات المدعوين اما المشروبات فحدث ولا حرج فقد اعدت جميع انواع المشروبات البارده والعصائر وحتى الكحوليات واعدت ايضا اشهى الحلويات والتورتات والمخبوزات من كبرى محلات الحلويات المشهورة فى القاهرة تم الانتهاء من جميع تجهيزات الخطوبة على اكمل وجوه الدقة والاستعداد وتركيب سماعات ال الضخمة فى انحاء الحديقة ووحدات الصوت والاضاءه وتزيين الحديقة بالكامل لاستقبال العروسين لاشك انها ستكون ليلة من الف ليله وليله
وفى فيلا ندى جلس وائل فى الصاله سارحا فاتجهت امه له قائلة ايه ياوائل سرحان فى ايه
وائل مفيش ياماما انا بس قلقان على ندى ومحتار في تصرفاتها
سوسن وايه اللى قلقك كده
وائل بحيرة مش عارف المشوار بتاع فرح صاحبتها ده مش بالعه حاسس انه فيه کاړثة
سوسن ليه يابنى فال الله ولا فالك ليه بتقول كده
وائل بوجوم ندى تصرفاتها مش مريحانى سكوتها وغموضها على طول قعدتها فاوضتها ساعات سهرها الغير معتاد وخصوصا الايام الاخيرة واديكى شفتى المشادات اللى حصلت بيننا بسبب كده ومن ساعتها بتكلمنى بالقطارة
سوسن ندى طيبه وغلبانة يابنى بس هى بتحب تنكشك ربنا يخليكم لبعض
وائل واللى مستغربله كمان انها ف يوم وليله تتقلب من النقيض للنقيض بعد ماسابتنى معلق ومديتنيش اى رد على طلب جوازى منها جاية النهارده تتكلم وتهزر عادى مش قلتلك ندى دى لغز انا مش فاهم هى عايزة ايه بالضبط ياخوفى منها بجد مش عارف مخبية لى ايه عموما خلاص هانت انا اجازتى خلصت ومسافر الاتنين الجاى ان شاء الله سواء وافقت او رفضت جوازنا
سوسن بانفعال تانى يابنى هتسافر دانا مصدقت انك رجعت مصر وفى حضنى عايز تقهرنى تانى
وائل معلش ياامى ورايا شغل ومقدرش اتاخر اكتر من كده بيكلمونى فالشركة ومستنيين رجوعى لانى ماسك 34 الشغل هناك
سوسن خلاص يابنى اللى تشوفه فى مصلحتك اعمله ربنا يوفقك ويحبب فيك خلقه
وائل قوليلى ياامى
سوسن نعم يا حبيبى
وائل هى ندى كانت بتقولك ايه الصبح وقعدتوا تتوشوشوا وانا قاعد
سوسن ندى عاوزانا نروح معاها الفرح احنا معزومين مش قلتلك طيبة ماصدقتش
وائل بذهول بجد ياامى هى قالت كده
سوسن اه طبعا بجد هو انا كنت هزرت معاك قبل كده
وائل لا يا امى لاسمح الله العفو انا مش بشكك فكلامك بس.....
سوسن بس ايه يابنى قولى ايه اللى مخوفك تانى
وائل بتردد هنروح كده لناس غرب ومكان اول مرة نشوفه انا خاېف يبقى غير مرحب بينا
سوسن بابتسامة امال يعنى هنسيب بنت خالك تروح لوحدها وترجع متاخر وبعدين العروسة نفسها اللى عزمتنى وانا بحب البت مايسة دى من زمان
وائل هو الفرح فين ياامى
سوسن في فيلا فى الزمالك استنى العنوان معايا واخرجت ورقة من محفظتها واعطتها له
اخذ وائل الورقة ونظر فيها ثم قال طب هنروح ازاى عربيتى عطلت تانى 
سوسن ماهى ندى سايبالك عربيتها وهى هتطلع م الكوافير مع العروسة
وائل تمام
وفى احدى مراكز التجميل الشهيرة بالقاهرة الخامسة عصرا كانت العروس الجميلة مايسة تكمل زينتها بايدى اكبر خبراء التجميل وتصفيف الشعر ومعها ندى بجوارها تقوم بنفس الشىء وبدت كلتاهما متميزتان فى ذلك اليوم وتفنن خبراء الجمال فى ابراز جمالهن بالمكياج المناسب لبشرة كلتاهما ووضع اللمسات النهائية لكلتاهما وبدتا مثل القمر فردت ندى شعرها الطويل الناعم وصبغته باللون البنى الداكن مع تسريحة جذابة اما مايسة فاحتفظت بلون شعرها الاسود مع بعض الخصل من الاحمر النارى ارتدت مايسة فستانا مزيج من اللون الاحمر والاسود من الشيفون الاسود من اعلى الفستان وحتى الخصربحزام انيق وينساب برقه لاسفل باللون الاحمر المطعم بتطريزات انيقة وحذاء مزيج من اللونين الاحمر والاسود بكعب 5 سم اما ندى فقد ارتدت الفستان القرمزى بحمالات رفيعة مرصعة بفصوص الماس عارى الصدرحتى فتحه الجيب والظهرباكمله وضيق من ناحية الخصر وينساب برقة لاسفل الى واستغرقت كلتاهما 6 ساعات حتى انتهت تجهيزات الفتاتين بالكامل
خبيرة التجميل لمايسة انا كده خلصت ياانسه ايه رايك
مايسه وهى تنظر فى المرأه بذهول ههه ايه ده انا معرفتش نفسى
خبيرة التجميل لو تحبى اخفف لك شوية ماكياج العين او حاجه مش عجباكى قولى انا احب انك تكونى راضية عن اللوك بتاعك
مايسة تسلمى بجد ع اللوك حلو جدا
مايسة معلش متعرفناش يامدام اسمك حضرتك ايه
خبيره التجميل اسمى صفاء عموما الف مبروك يا انسة ....
مايسة اسمى مايسه الله يبارك فيكى
ندى انا خاېفة ومتوتره اوى مش عارفة هخرج ازاى بالمنظر ده وايه رد فعل وائل لما يشوفنى

كده الكذب مالوش رجلين يامايسة انا قلت لعمتى انى رجعت الفستان وهما جايين الفرح النهارده اعمل ايه لو شافونى بيه
مايسة يابنتى انتى وترتينى من الصبح اللى يشوفك يقول ان انتى العروسة مش انا محسسانى انك عاملة عمله مع انك مزة وزى القمر متقلقيش لو وائل شافك مش هيعمل حاجة خالص والله قليل ما لطشك قلمين على وشك الجميل ده
ندى بانفعال وكشرت اووف عليكى انتى بتتريقى ياسخيفة اۏلع فيكى يعنى
انا مش طايقاكى يابت انتى اخلصى فالليلة دى وابعدى عنى خالص انا غلطانه انى جيت معاكى اصلا انا همشى وتمشى بضع خطوات وتكاد تخرج من الغرفة مع نظرات الفتيات لها فى مركز التجميل
مايسه بمزح تعالى هنا يامجنونه الناس الغرب بيتفرجوا علينا اقوملك انا ازاى بالفستان اللى انا لابساه ده 
انا كان مالى ومال ام الفساتين والميك اب مكنت لبست كاجوال احسن