اڼتقام الندى
من ايدى انا
ندا_ شكلك غاويه ۏجع قلب
سوسن_ ۏجع قلب انتو تفهمو ايه يابنات اليومين دول على ۏجع القلب ده ابنى ضنايه يعنى اعمل اكتر من كده وهبقى مبسوطه
ندا_ههههه ربنا يسعد قلبك يا عمتو الحق كليتى وعندك عم فوزى خديه معاكى احسن تتوهى
سوسن_ ماشى يا ندا ده وانا في سنك لفيت مصر دي كلها
ندا_ههه ماشي يا عمتو استأذن انا
ندى_ ان شاء الله ي عمتى واحمر وجهها خجلا
سوسن _خلى بالك من نفسك وابقى طمنينى اول ماتطلعى م اللجنة
ندى بابتسامة_ حاضر يا عمتى لا اله الا الله
سوسن _محمد رسول الله
وقبلت ندى يد عمتها فاحتضتها سوسن بحنان ندى _سلام بقى وارسلت لها قبله فى الهواء
سوسن _مع السلامه يا قلب عمتك
ندى _ بابتسامة عابسة بعض الشى ء ماشى
جلس الاثنتان على الكرسى العريض نظرت مايسة فى وجه صديقتها قائله_ شكلك مش مطمننى فيه ايه
ندى بضيق_ مفيش انا كويسة
مايسة بابتسامة _قلقة شكلك ميدلش انك كويسة ها ي بنتى عملتى ايه طمنينى
مايسة بحزم _لا يا ندى ماتعودتش اشوفك ضعيفة كده انتى قوية ومحنتك لازم تقويكى
ندى بحزن _ اقوى لمين اللى كنت بقوى علشانهم خلاص راحوا وسابونى لوحدى ومهما عملت مش هعوضهم تانى انا بضحك واهزر بس ربنا اعلم ببركان الحزن اللى جوايا وتساقطت الدموع من عينيها ولكنها تماسكت على مضض وكفكفت دموعها
ندى _ ابدت استغرابها دون ان تنطق ولكنها انصتت وتابعت مايسة الكلام
مايسة_ ابويا وامى انفصلوا وانا عندى 9 سنين بعد ما امى جالها فى الرحم واستئصلته علشان ابويا كان نفسه يخلف بعدى فطلقها واتجوز واحده تانية وخلف منها عيال وامى علشان كانت بتحبه جدا انتهزت الفرصة ټنتقم منه بعد ما غدر بيها وتخلى عنها فى المحڼة دى وقررت تتجوز هى كمان من ابن عمها اللى كان هو بيحبها من زمان فرجعت له بعد مامراته ماټت وسابتله 3 عيال فقالت تكسب فيهم ثواب وتربيهم على حسابى انا انا اللى عشت 3 سنين عذاب وبهدله من بيت لبيت من خالتى لعمتى لجدتى بس البنى ادم مهما كان تقيل مقدرش استحمل ولا هما اتحملونى مهما تظاهروا بده
مايسة _الشقة اللى كنت قاعده فيها كانت باسم امى ولما هى عرفت ان ابويا اتجوز من وراها طردته وبعتت له حاجاته ف شنطة ع البيت الجديد اما انا فمبقاش ليا مكان
معاها بعد ماقررت تتجوز وخصوصا انى انا عقده حياتها ومكنش ينفع استنى معاها ومع جوزها الغريب ده وخصوصا انى كنت ف 4 ابتدائى وقت ماامى اتجوزت
ندى باستغراب _امال مين اللى بتقولى لها ي ماما دى
مايسة_ دى مرات عمى وهى اللى ربتنى وحبتنى وخدتنى اعيش معاها بعد مالكل اتخلى عنى وعوضتنى عن حنان امى وابويا اللى معيتشوش عاشت وحيده بعد مۏت عمى ومكانش عندها اطفال فعلا انا بحس انها امى الحقيقية واهو لما بحب اغير جو بروح لخالى ف بلد ارياف ف المنوفية اسمها اشمون باخد امى ونروح نبات هناك كام يوم بصراحة خالى طيب جدا وياما عرض عليا اقعد عنده بعد ما امى اتجوزت ومكانش راضى ع موضوع جوازها ده من الاول وقالى تعالى واشيلك فوق راسى بس انا مرضتيتش
ندى_ طب ليه ي بنتى دا نا سامعة ان خالك ده ميسور الحال ومرتاح ماديا
مايسة _مقدرش اقعد عنده لان عنده ولد اكبر منى وميصحش اقعد لوحدى ف البيت وهو موجود وغير كده هو متجوزش
ندى بهزار_ طب ما كنتى تجوزية يا بنتى
مايسة بهزار _ انتى دايما تقلبى الجد هزار كده ثم انى مقدرش اتجوزه ده زى اخويا بالظبط
ندى _طب ابوكى ماسالش عليكى طول المده دى
مايسة_ لا طبعا ده زى مايكون ماصدق وخلص منى وامى شرحه ع الاقل انتى عارفة امك وابوكى فين انما انا اتكتب عليا احساس اليتم من صغرى وهما موجودين رغم ان امى البديله مش مقصرة معايا بس ولو برضة الام الحقيقية م تتعوضتش
ولم تستطع وقف دموعها التى زرفت على خديها بعد جملتها الاخيرة فتابعت قائلة بلهجة باكيه _ معلش ي ندى انا اسفة جيت اخفف عنك لاقيتنى بشكى لك همى انا كمان ماكنش قصدى
ندى بدا عليها التأثر بشده وقالت _ ولا يهمك ي حبيبتى كلنا ف الهم سوا على راي المثل جبتك ياعبد المعين تعيننى
واحتضنتها وقالت_ خلاص بقى ي مايسة احسن انا على تكة وهعيط انا كمان لو مبطلتيش عياط
واعطتها منديل لتمسح دموعها واثناء ذلك رن هاتف ندى فقالت مايسة_ دى اكيد طنط سوسو ردى عليها ثوانى هروح اغسل وشى واظبط نفسى واجى
ندى_ روحى وانا هستناكى هنا
مايسة مشت بضع خطوات الى حمام السيدات
ندى ترد _ الوو ايوة ي عمتى
سوسن عبر الهاتف بلهفة _عملتى ايه يا حبيبتى طمنينى
ندى _الحمد لله ماشى الحال
سوسن _على خير يا قلبى عقبال باقى المواد
ندى_ ادعيلى يا عمتى اصلى خاېفة اوى ومش عارفة اركز
سوسن _إللى تخافى منه مايجيش احسن منه ان شاء الله تنجحى وترفعى راسى
ندى _يارب
سوسن_وائل كلمنى من المطار وكلها ساعتين ويوصل مصر متاخريش بقى يا حبيبتى علشان تساعدينى فتجهيز الغدا
وهنا عادت مايسة ووقفت بجوار ندى وهى تتحدث الى عمتها ندى_ حاضر يا عمتى مش هتاخر حمد الله على سلامته
سوسن_ الله يسلمك ده هيفرح بيكى اوى
ندى ببرود _ماشى يا عمتى مع السلامة
سوسن _الله يسلمك
واغلقت الخط
مايسة _ كلمتى طنط سوسو
ندى اه كلمتها بتسلم عليكى
مايسة _الله يسلمها ويخليكم لبعض
ندى _تسلمى يا حبيبتى ولا يحرمنيش منك
مايسه _ ومين اللى جاى لكم النهارده يا ستى
ندى _ده وائل ابن عمتى كان بقاله 5 سنين مسافر دبى ومبيزلش مصر نهائى واخيرا قرر يتعطف ويشوف والدته اللى هتتجنن عليه بس لغاية دلوقتى معرفش اي السبب اللى خلاه يقعد بعيد عنها الفترة دى وكل مافكر اسال عمتى اتراجع لانى مش من حقى ادخل
مايسة لمعت عيناها ذاهلة ثم قالت _انتى قولتى مين وائل يا بنت اللذينة
ندى_ مالك يا بنتى فى ايه
مايسه _لا مفيش اصل الاسم مش غريب عليا
ندى_ انتى ليه محسسانى انه وائل كفورى انا مش فاهمة حاجة منك
مايسه _ماعلينا خلاص مش مهم تفهمى
ندى _لا قولى
