اڼتقام الندى

ماشاء الله وبقت زى القمر
وائل باهتمام_ بتزوريهم ياماما
سوسن_ اه اخر مرة كنت عندهم االشهر اللى فات ومقولكش ع الامله الى بقوا فيها
وائل ربنا يزيدهم يارب خالى طيب ويستاهل كل خير
سوسن _طب ايه لازمة الاستجوابات دى متخبيش عنى حاجة ي حبيبى عينك ڤضحاك انت عاوز تتجوز بنت خالك طب ماتقول كده م الاول ده يوم المنى عندى بس دى صغيرة اوى عليك
وائل وقد لمعت عيناه _ يعنى انتى موافقة ي ماما نروح نتقدم لها
سوسن_ بس البنت لسة بتتعلم وانا مش ضامنة خالك يوافق ولا لا وكمان يعنى احنا مش قدهم يابنى دول عايشين فى مستوى اعلى مننا بكتير وخاېفة لايقولوا اننا طمعانين فيهم
وائل _ انا بحبها ياماما ومتاكد من مشاعرى اوى وبصراحة خاېف لاتطير من ايدى
سوسن _ طب انت كلمتها ف الموضوع ده جايز ليها راى تانى بدال م نروح ويكسفونا وخصوصا البت زى ماقلتلك صغيرة ومتفهمش ف المشاعر دى دى عمرها 16 سنة يابنى وانا شايفة الفرق كبير اوى بينك وبينها
وائل _ يعنى ياماما انا هتجوز دلوقتى يادوب بس قرايه فاتحة وتلبس دبل ولما تخلص تعليم اتجوزها علشان اربط كلام مع خالى ومحدش يخطبها الفترة دى
سوسن _ طب ماشى يابنى اللى تشوفه بس خليك فاكر انى قولتلك اهوه علشان لو حصل حاجة يبقى انا ببرى ذمتى منك
وبعد اسبوعين ذهبت الام وابنها وائل لخطبه ندى حاملين الهدايا ثم يصلا ن الى فيلا حامد بالقاهرة يضع وائل الهدايا امامه تمهيدا لمجىء احد الخدم لحملها ووضعها على احدى الطاولات وفى الفيلا الفارهة فى الثامنة مساءا كانا يجلسان فى ترقب يتأملان كل قطعة اثاث بذهول وكانها قطعة فنية جميلة سوسن بذهول _بسم الله ماشاء الله اي الابهة دى كلها شايف ي وائل فيله خالك حلوة ازاى
وائل وقد كسا الضيق ملامح وجهه_ شايف كويس ي ماما علشان كده خاېف
سوسن _ من ايه ياعين امك 
وائل_ كلامك ليا مخلينى متردد افاتح خالى ف الموضوع انتى شايفة هما عايشين ازاى واحنا عايشين ازاى انا بصراحة خاېف ل توافق وابقى تعستها العمر كله وفى نفس الوقت خاېف لا ترفض وقلبى يتكسر
سوسن _ما عاش اللى يكسر قلبك ي حبيبى خالك طيب وانا عارفاه لايمكن يكسفك
وائل _احنا ف القرن 21 ياماما مفيش اهل بيفرضوا رأيهم على بناتهم وخصوصا ف الجواز وانا بصراحة مش هقدر اعيشها فى مستواها ده
سوسن _مش انت بتحبها 
وائل بتاكيد_ طبعا والا مكنتش جيت اتقدم لها
سوسن _خلاص توكل على الله
وائل_ بس انا معرفش مشاعرها ناحيتى جايز تكون مابتحبنيش وتتعالى عليا او تكون بخيله ف حبها او جايز الفرق اللى بينى وبينها ف السن يوصلنا لطريق مسدود انا ف صراع بين قلبى وعقلى مش عارف افكر قلبى بيحبها والعقل والمنطق بيقول صعب نكمل
سوسن_ وانته تحير نفسك ليه مش جايز تحبك وتفضلك على اغنى واحد من عيله كبيرة
وائل بضيق _والعقده بتاعتك انتى وبابا تتكرر تانى بعد ما اتجوزها
سوسن _ زماننا غير زمنك ي حبيبى انا وابوك كنا بنحب بعض ومكناش بنبص للماديات عشت على اد امكانياته هو صحيح عشنا بسطاء بس الحب اللى بيننا غطى ع الفقر
وائل _ فى الزمن ده القرش هو اللى بينفع واللى معاهوش م يلزموش ي امى واديكى شفتى بابا ماټ وسابنا ازاى من غير حاجة نتسند عليها
سوسن فى حزن _ الله يرحمه هو عند ربنا دلوقتى اللى احن عليه منى ومنك
وائل بصوت منخفض يغلب عليه الحده _ تنكرى ان اهلك قاطعونا بعد ماتجوزتى بابا ومبقوش يزرونا وحضرتك حكيتى لى قبل كده حتى خالى ماعرفناهوش الا بعد مابابا ماټ ومزارناش اللا نادر جدا
سوسن _ بس خالك هو اللى وقف جمبنا بعد ماابوك ماټ كنت لسه صغير وهو اللى صرف على تعليمك لغاية مابقيت مهندس اد االدنيا

علشان كده جميله ف رقبتى
وائل بتماسك _حضرتك ليه ياامى مصره تفكرينى بكده دايما خالى كان بيساعدنا علشان اللى كان واقف عقبه بيننا وبينه ماټ خلاص بيساعدنا علشان اتحطوا قدام الامر الواقع بجوازك من بابا وبقيت واحد من العيله وخلاص مش حبا فينا ولا حاجة ده تكرم منهم واحسان علشان يخلصوا من احساس الذنب
سوسن بنبرة هادئة _بلاش تبص للامور بتشائم كده وتفاءل يابنى ومتنساش اننا لسه ضيوفهم وان انا قلتلك منجيش وانت اللى اصريت
تسمع سوسن خطوات فاطمة على السلم فتقول _خلاص يا ابنى اسكت بقى مرات خاك جايه ملوش لازمة الكلام ف الماضى
تنزل فاطمة بابتسامة قائلة _اهلا يا سوسن يا حبيبتى نورتونا النهاردة وتتجه لتتقبلها وټحتضنها
سوسن _ ده نورك ي حبيبتى
ثم تسلم على وائل قائله _ ازيك ياوائل ولا اقولك يابشمهندس وائل
وائل تتغير ملامحة لابتسامة رزينة_ اللى تشوفيه يا طنط ويجلسان ثم تقول
فاطمة وهى تنظر لحقائب الهدايا على المنضده امامها_ ليه كلفتو نفسكم كده احنا مش غرب عن بعض
سوسن مايجبيش من بعد خيركم ي حبيبتى الله اعلم بمعزتكم عندى وندى دى بنتى زى وائل تمام
فاطمة اهو حامد وصل
ينزل حامد مرتديا بدلته الانيقة فيقول بود
حامد منورين يا جماعه
سوسن والله البيت منور بيكم
ثم يسلم على اخته وابنها ويبتسم لهما قائلا
حامد ها تحبوا تتغدوا ولا اخلى ابراهيم يجيبلكم حاجة تشربوها 
سوسن لا والله احنا متغديين قبل مانيجى واذا كان ع الشرب فانت مستعجل على ايه هنشرب الشربات ان شاء الله تعالى بس اقعد الاول
يجلس حامد جانب زوجته ثم يقول خير ي سوسن انا مش فاهم اى حاجه
سوسن ي حامد اصبر على رزقك قال ي خبر بفلوس بعد شويه يبقى ببلاش
فاطمة خير ان شاء الله
سوسن بابتسامة وهى تنظر لوائل ليتكلم الى عمه قائلا انا يشرفنى ياعمى اطلب منك ايد ندى
سكت حامد وزوجته غير مصدقين لما طلبه وائل فقطعت سوسن الصمت قائلة مالك ياحامد مستغرب ليه 
حامد بصراحة ي سوسن انتى فاجئتينى بطلبكم ده مش عارف اقولك ايه
سوسن انا نفسى اتفاجئت من طلب وائل وان قاللى من فترة كده انه بيحب ندى وعايز يتجوزها بس كنت مستنية اجازته من الشركة ف الغردقة واهى جت الفرصة وجينا نطلبها والمثل بيقول اخطب لبنتك ولا تخطبش لابنك
فاطمة بابتسامة واحنا تشرفنا بزيارتكم لينا والله
سوسن تسلمى يا فاطمة يا اختى طول عمرك لسانك بينقط شهد يا اصيلة
فاطمة بابتسامة شكل البشمهندس وائل مستعجل ع الجواز وهى تنظر لوائل قائله مش كده ي عريس
وائل بابتسامة اللى يؤمر بيه خالى واللى تطلبه ندى هنفذه ان شاء الله
سوسن بابتسامة ها رايك ايه ي اخويا انا عشمى فيك كبير انك تجبر خاطرى
حامد بنظره رضا وابتسامة وائل شاب كويس جدا وميترفضش وفوق ده كله ابن عمتها هيحافظ عليها ويزيدنى شرف بنسبكم ي اختى بس انا راجل ديموقراطى ولازم اسال بنتى الاول خصوصا انها لسه صغيرة
سوسن هى فين ندى صحيح الكلام خدنا ونسيت اسالك عنها
فاطمة راحت عيد ميلاد صاحبتها وزمانها ....
وقبل ان تنطق الكلمة الاخيرة رن جرس الباب فقال حامد مناديا يا فاروق شو ف مين 
فاطمة دى اكيد ندى ماتاخرتش اهى حظكم حلو
الخادم فاروق امرك