رواية رجولة أستاذ.
انا بحبك يا فريده
فريده انا مقدره كل مشاعرك دى وانا فعلا سامحتك ومن قلبى بس زى ما انت مريت بظروف صعبه انا كمان مريت بظروف اصعب صدقنى الخيانه جنب بنت مكنتش لاقيه اى حاجه لمستقبلها ولا بيت ولا اهل ولا خطيب كويس كل اللى فكر فيه نفسه يعنى كانت ممكن تضعف لاى حاجه وحشه ربنا وقف معايا فى غلطات كتير كنت هغلطها فى حق نفسى بس انا مش هغلط فى حق نفسى تانى او اتسرع تحت اى ضغوط .
فريده انا مبحبش طارق طارق وقف جمبى فى ايام صعبه كانت حياتى هتنتهى فيها وانا مينفعش اسيبه فى الظروف دى
حسن انتى سافرتى معاه
فريده سافرت معاه لانه مبقاش يشوف بسببى
حسن بسببك
فضلت فريده تحكى لحسن كل التفاصيل اللى كان محتاجها علشان يفهم الموضوع كله
فريده ربنا عاوز كده كفايه انى اسمع منك اسف دلوقت وانت مقتنع بيها
دخلت فريده وحسن الفيلا كان سالم صاحى
سالم حمد الله ع سلامتكوا يا ولاد سيبنى لوحدى كده
فريده مممم ولا تزعل حضرتك حقك علينا اليوم بكره كله لحضرتك
سالم ده وعد
فريده طبعا
سالم صحيح انا كلمت المحامى بخصوص زيارتك لطارق وقال انها هتبقى الاسبوع الجاى
سالم انتى اللى مهتمه بيا يالا بقى انا طالع انام هصحيكى من بدرى فالاحسن تروحى تنامى
فريده حالا انا هطلع معاك
سالم حسن نحن هنا مش هتنام يا ابنى
حسن حاضر يا بابا تصبحوا ع خير
سالم وفريده وانت من اهله
دخلت فريده اوضتها تفكر فى كلام حسن اتغيرت وجهه نظرها فيه كتير ماعدا حاجه واحده ان هو مش بيعرف ياخد قرار فى حياته ولو خده هياخده فى ظروف معينه وشويه فى طارق ويصعب عليها هو وقف معاها كتي..
طارق فى السچن مضايق من الحياه دى بس انه هيخرج بعد ثلاث سنين بالنسباله ده معجزه وخلص من جومانا وفريده احتمال كبير تستناه
جيه اليوم اللى فريده رايحه لطارق فيه دخل طارق شاف فريده قاعده اول ما شافته قامت تسلم عليه
طارق الحمد لله مستنى اخرج علشانك
فريده عامل ايه هنا
طارق ههههههههه هكون عامل ايه مسجون
فريده ان شاء الله يمروا بسرعه
طارق ان شاء الله
فريده ليك عندى خبر حلو
طارق ايه هو قوليلى بسرعه
فريده المحامى قدم نقض للمحكمه وان شاء الله تتعاد محاكمتك
طارق بجد
فريده طبعا هو مرديش يقولك علشان ميدكش امل بس النقض اتقبل وهيتعاد محاكمتك تانى
فريده ممكن جدا يا طارق خلى
املك فى ربنا كبير
طارق ياااااه لو خرجت من هنا
فريده ان شاء الله تخرج
بعد مرور فتره ع زياره فريده لطارق فتره مشيت فيها الحياه عاديه ع الجميع وكأن الكل بيستعيد انفاسه وبيرتب لنفسه حياه داخله فريده الفيلا وهى يتضحك وفرحانه مكنتش ماشيه ع الارض ولكنها كانت طايره فى السما بتبتسم الدنيا لابتسامتها
سالم حمد الله ع السلامه
فريده الله يسلم حضرتك
سالم ها ايه الاخبار
فريده نجحت نجحت بتقدير جيد جداااا
سالم الف الف مبروك
فريده الله يبارك فى حضرتك
سالم ها بقى عاوزه ايه هديتك
فريده انا هديه ليا انا لالا طبعا خير حضرتك عليا من كله ربنا يخليك
سالم لالا الكلام ده مينفعش خالص .. عموما سبينى اختارلك ع ذوقى ..وبعدين يا بنتى دى حاجه بسيطه انتى وقتك ومجهودك كله ليا يعنى تستاهلى اكتر من كده
فريده انا مش عارفه اقول لحضرتك ايه
سالم متقوليش حاجه انا اللى هقولك مليون مبروك
بيتدخل حسن فى اللحظه دى وهو بيبص لفريده
حسن خير الف مبروك لايه
سالم فريده نجحت
حسن لالا الف مبروك محدش بلغنى من بدرى ليه
فريده انا لسه جايه حالا
حسن مبروك وبالمناسبه دى انا عازمكوا ع العشا انهارده
سالم لالا انا مش هقدر خد فريده واخرجوا
قال سالم الجمله وهو بيغمز لحسن
فريده وانا موافقه بس حضرتك تعالى معانا
سالم لالا روحوا انتوا ربنا يسعدكوا
قاعده فريده وحسن فى المطعم اللى راحوا اخر مره
حسن انا بقيت احب المكان ده حاسس انه بتاعنا
فريده انت حاجز نفس التربيزه كمان
حسن اكيد مبروك يا فريده
فريده الله يبارك فيك
حسن اعملى حسابك لما تخلصى وظيفتك مستنياكى فى الشركه
فريده بجد
حسن طبعا انا مش عاوز اشغلك دلوقت عن الدراسه لكن مكانك محفوظ
فريده انا مش عارفه اشكرك ازاى
حسن اظن الكلام ده مينفعش بينا م غمضى عينك
فريده ههههههههههههه ليه
حسن غمضى بس
فريده حاضر
قام حسن من مكانه ولبس فريده كوليه شيك اوى لفت نظر كل اللى فى المكان اول ما فريده فتحت عنيها كل اللى فى المكان سقف انبهرت بالكوليه ولسه هتلمسه رن موبايلها بصتله باستغرااب وكأنها عاوزه تسأله ده بجد
فريده طارق
الټفت كل كيان حسن للاسم
حسن ماله
فريده بيرن
حسن ازاى ده ردى كده المحامى مقلش حاجه
فريده ولا قالى
بتمسك فريده التليفون پخوف واديها بتترعش ..
فريده الو
طارق فريده وحشتينى وحشتينى اوى
فريده طارق!! انت فين بتتكلم ازى
طارق انا خرجت براءه يا فريده
فريده امتى
طارق انهارده الصبح ومكنش ينفع تشوفينى ع حالتى اللى كونت فيها علشان كده حبيت اعملهالك مفاجأه انا عاوز اشوفك حالا
فريده تشوفنى
طارق اها يا فريده عاوز اشوفك
فريده طارق معلش خليها بكره
طارق ليه
فريده معلش بكره ان شاء الله
طارق خلاص انا هكلمك الصبح نتفق
فريده اوكى
طارق فريده انتى مقولتليش مبروك انتى مش فرحانه انى خرجت
فريده لالا طبعا ازاى فرحانه جدا الف مبروك بكره نتكلم ف التفاصيل بس ليه المحامى مقلش
طارق انا اللى قولتله
قفلت فريده المكالمه وهى حاسه ان الدقايق دى محصلش طارق اللى فقد نظره ورجعله بعد نزهه بسيطه فى لندن خان وكل اللى معاه سامحه مۏت واحده بالعربيه و طلع براءه وكأم طارق معاه العصايه السحريه للدنيا
حسن فريده
فريده ها
حسن خرج
فريده اه
حسن هتشوفيه بكره فعلا
فريده اه ان شاء الله
حسن بلاش يا فريده
فريده ممكن تخلينا فى اليوم الجميل ده
حسن قاعد فى الشركه مش ع اعصابه كل شويه يفتكر ان فريده مع طارق دلوقت بتكلمه بيبص فى عنيها بيقولها بحبك يتجنن..افتكر جومانا حس ان طارق موجود فى حياته علشان ياخد اى حاجه هو بيحبها ويختارها..فريده قاعده هى وطارق فى النادى وفريده مش مصدقه انه خرج بس طارق اتغير فى نظراته فى كلامه ليها
فريده حمد الله ع سلامتك
طارق الله يسلمك
فريده انا مش مصدقه والله فرحنالك اوى
طارق انا مكنتش مصدق زيك كده
فريده امبارح لما كلمتنى انا قولت ايه اللى بيحصل
طارق ههههههههههههههههه انا متخيل رد فعلك
فريده المفروض بقى تهدى كده وتبتدى حياتك من غير غلط
طارق ممممم انا فعلا عاوز ابتدى بدايه مختلفه المره دى نفسى ابدأ مع حد صح فى كل حاجه
ابتسمت فريده لانها حست ان طارق بيتكلم عنها
فريده طبعا
طارق اها بفكر اسافر لسه مش عارف
فريده تسافر
طارق ممممممم يعنى بفكر لسه هشوف هعمل ايه
حست فريده بحرج جوه نفسها طارق اتغير هى اللى
مكبره الموضوع
فريده ان شاء الله خير
طارق ها تحبى اوصلك
فريده لالا متشكره جدا انا هروح السواق بره
طارق اوكى هكلمك بقى
مردتش فريده ع طارق
