رواية غزل بقلم نور الشامي حصريه وجديده وكامله جميع الفصول
بقولك ايه يا صخر...ف مكان مش عاجبني كنت عايزه ااقولك عليه وتديني رأيك وتقولي انا غلطانه ولا ﻷ
مكان ايه تعالي وريني
مشيت قصاده عند البنايه من وراه...ف المكان اللي هتنفذ فيه خطتها وضړبتها الاولي لصخر
شاورت ع البنايه من تحت وقالت له
بص هنا...مش انت قلت لي....المكان ده هنخصصه لتخزين المجمدات.. التلاجه يعني...مش شايف انه صغير شويه
ابتسمت شمس ورفعت ايدها لفوق علامه الاستسلام...
واشاره ف نفس الوقت
ف سطح البنايه...پيصرخ واحد من العمال
ألحقني يا عمرو....الحبل بيتقطع...البراويطه هتقع بالطوب اللي فيها
المكنه اللي بترفع الأسمنت والطوب والزلط وخلافه من تحت لفوق
فلت الحبل من ايد العمال... ووقعت البراويطه... ع تحت..
.العمال صرخوا... صخر بيرفع عينه لفوق يشوف اللي بيصرخوا.....اتفاجئ باللي بيقع ع دماغه
الحلقه الثالثه عشر.....
صخر بيرفع عينه لفوق....يشوف اللي بيصرخوا لكنه اتفاجئ باللي بيقع ع دماغه
.وفجأه لقي نفسه بيترمي بقوه بعيد عن البراويطه باللي فيها اللي اتهبدوا ع الارض
..وعملوا عاصفه رمليه رهيبه صخر رفع عينه لقاها شمس....
شمس هيه اللي زقته بعيد لقاها واقعه والدم نازل منها....
شمس وهيه بتزقه بعيد ما لحقتش هيه تبعد كتير...ف البراويطه
وطار منه ع شمس... شمس وقعت مغمي عليها....صخر صړخ بأعلي صوته شااااااااامس
بدر... كانت واقفه محتاره ف اوضتها..... مش عارفه تلم هدومها ف شنطتها
ولا تستني تشوف ايمن هيطردها ولا لأ..... كانت محتاره... مشوشه
قالت لنفسها
انتي عايزه ايه يا بدر.... عايزه تذلي نفسك ليه وتتحايلي عليه عشان يسيبك هنا ف بيته.... ولا تمشي دلوقتي بكرامتك وتوفري ع نفسك... الإهانة والتبريرات.... عايزه تقوليلوا ايه... انا اسفه اني سيبت لك نفسي ف لحظه ضعف.... آسفه عشان بحبك من سنين طويله... آسفه عشان عايزه ااقضي باقيه حياتي جمبك ولو حتي الخدامه بتاعتك.... عايزه تعملي إيه... وتعمليه ليه... عارفه انك بتعشقيه.... بس هوه عمره ما هيبص لك ابدا.... وانتي واثقه من كده... اكيد هوه پيلعن نفسه دلوقتي عشان لمس الخدامه بتاعته.... فوقي يا بدر انتي قطر الحياه والجواز فاتك خلاص... انتي كبرتي وكنتي بترفضي شباب اتقدموا لك عشان قمر... ودلوقتي خلاص قمر اتجوزت.... ارجعي بيتك وعيشي واشتغلي بكرامتك عند ناس تانيه... ف مكان بعييييد عن أيمن... عشان تقدري تكملي الأيام اللي جايه ف حياتك ويمكن يتقدم لك واحد ابن حلال زيك... اتجوزيه وعيشي زي باقيه البنات... وسيبك من الحب اللي عايزه تفني حياتك عشانه... فوقي يا بدر قبل فوات الأوان
الطويله اللي ادتها لنفسها... لقت ايدها بتسيب الشنطه... قالت تاني
ط وانا ليه استعجل... يمكن ايمن ما يطردنيش... انا هنزل اكلمه وبرضو بكرامتي.... هقوله انا عايزه استقيل واشوفه هيقولي ايه... دا احسن حل عشان ما اأهنش واذل نفسي... واعرف برضو هوه شايفني ايه دلوقتي.. ولا بيقول عليا ايه!!!!!!!
سمعت حد جه... خرجت تبص.... لقت راجل كبير ف السن... فتح باب السرايا ودخل
استغربت.... هوه كمان استغرب قرب منها ياسر وسألها
انتي مين
حضرتك اللي مين انا شغاله هنا جديد بس ما اعرفش حضرتك
ابتسم ياسر ف وشها وقال
أخيرا ايمن جاب واحده بدل ام كريم
لا حضرتك ام كريم هنا انا بس بساعدها
ماشي ماشي مش مشكلة... اهلا بيكي يا.... انتي اسمك ايه
بدر يافندم
ماشي يا بدر انا ياسر بيه صاحب السرايا دي ابو ايمن وايسر
ااااااااااااه... اهلا حضرتك انا معرفش واللهي
ولا يهمك يا بدر بس لو سمحتي روحي اعملي لي قهوتي أسألي ام كريم وهيه هتقولك قهوتي ايه يلا عقبال ما اغير هدومي وانزل
حاضر يا فندم...
بدر سابته وراحت ع المطبخ... سألت ام كريم ع قهوته... وعملتها
لكن إيدها كانت بتترعش.... كانت خاېفه من اللي جاي... لكنها اتشجعت
وراحت تقدم القهوه لياسر..... بس مكنتش عارفه هتحطها له فين
سمعت صوت أيمن بيتكلم ف الصاله الكبيرة.... راحت عليه وهيه بترتجف
لقته قاعد مع ابوه.... خاڤت تبص له ف عينه... حطت القهوه ياسر شكرها
لكنها ما ردتش عليه قالت لأيمن وعينها ف الأرض
حضرتك تحب اعملك قهوه يا أيمن بيه
ياريت لو سمحتي
بدر بصت له... كان واضح من صوته انه مخڼوق.... هزت رأسها.. ورجعت ع المطبخ
لكنها سمعته بيقول من وراها
استني عايزك
لفت وهيه بتترعش.. وحاسه انه هيبهدلها ويطردها حالا... قالها
اسمعي يا بنت الناس.. انا مش جايبك هنا عشان تلعبي الدور دا عليا... ف الأول اتبسطت بشغلك واهتمامك بيا وبحاجتي... لكن الظاهر اني فهمتك غلط كنت فاكر انك بتراعي ضميرك ف شغلك وبس.. لكن انتي كان ليكي هدف تاني خالص... ومش اي
