رواية رائعة للكاتبة ميادة الحلقة السادسة الي التاسعة
فى تلت اسابيع
منصور انا عايز اديهم فرصة يتعودوا على بعض
مها بلا يتعودوا بلا نيلة وبعدين هى النص ساعة اللى هشوف فيها بنتى هتعمل ايه يعنى
منصور خلاص يا مها نروح نشوفهم وعلى الاقل افهم من معتز ايه اللى بيحصل
مها مش فاهمه حاجة
منصور معتز لحد دلوقتى بيتهرب منى ومش عايز يقولى حاجة
مها وهو بيتهرب ليه
منصور مش عارف بس انا بدأت اتوغوش
مها لا خير ان شاء الله
منصور طيب كلمى سلمى وقوليلها ان احنا هنجى بكرة
مها لا مش بكرة النهارده
منصور ليه الاستعجال ده
مها يا رجل انت متجننيش فين الاستعجال ده بقالى تلت اسابيع معرفش حاجة عن بنتى لحد ما الناس كلت وشى
منصور خلاص كلميها واتفقى معاها
مها هدخل اكلمها
. اتصلت مها ب سلمى ومعتز كتير جدا على مدار اليوم بس محدش كان بيرد وقرروا يروحوا وخلاص .
فى بيت معتز ........
. معتز صحى من نومه لقى سلمى خارجة من الحمام حاول معاها تانى لكنها رفضت وقرر انه يكون المرة دى ڠصب عنها فعلا سلمى هربت منه فى الريسبشن معتز ضربها على خدها اكتر من مرة وصوت سلمى على بالصړيخ .
. لسه ابوها وامها هيضربوا الجرس سمعوا صوت سلمى بتصرخ وبتترجى معتز يسبها .
سلمى ل معتز سيبنى يا معتز ابوس ايدك سبنى حررااااااام عليك بقى ارحمنى
مها هى سلمى بتصرخ كده ليه
منصور شكلنا جينا فى وقت مش مناسب
مها لا البت فيها حاجة
منصور يا ستى يمكن بيهزروا مع بعض
مها هو انا تايهة عن بنتى دى بتصرخ استغاثة
. وضړبت مها الجرس بايد وبالايد التانية رزع على الباب محدش فتح وافتكرت مها انها معاها نسخة من المفتاح فتحت ودخلوا لقيوا سلمى ومعتز على الارض وسلمى شعرها منكوش وخدودها حمرة من كتر الضړب وفى چرح تحت شفايفها .
مها يا حبيبتى يا بنتى وزقت معتز وخدتها فى حضنها
منصور هو فى ايه ايه اللى بيحصل ده
معتز يا عمى اصل ......... وسكت
منصور اصل ايه
مها فى ايه يا سلمى
سلمى مش قادرة تتكلم من العياط والالم
منصور بزعيق انا عايز افهم فى ايه قبل ما اتغابى عليك
معتز بنتك من يوم فرحنا مش عيزانى المسها وكل ما احاول معاها تقولى انا مش بحبك وبحب واحد تانى وحاولت ټموت نفسها اكتر من مرة
منصور ليه يا سلمى كده
معتز شوف بقى هى بتعمل كده ليه ممكن تكون مش بنت اصلا
منصور بعصبية اخرس خالص انت بتقول ايه كده !!!
معتز فسرها انت بقى داخلين على شهر جواز ومش عيزانى المسها هيكون ليه يعنى عندها حساسية
مها اخرس متقولش على بنتى كده
معتز انا بقول اللى حصل قدامى واحدة ماشية مع واحد ٨ سنين ويوم ما تتجوز مش عايزة جوزها يقرب منها وكل ما يقرب منها تقوله انا بحب واحد تانى ومحدش غيره هيلمسنى
منصور مش قادر يتكلم حاسس ان معتز كسر عينه
سلمى مڼهارة ومش قادرة تتكلم
مها اياكى تقول على بنتى كلمة واحدة سلمى متربية احسن تربية
معتز امال مش احسن تربية !! لما احسن تربية مصاحبة واحد ٨ سنين ويا عالم عملت ايه معاه
منصور احترم نفسك
معتز لما تفسر موقف بنتك ولما تبقى عارف بنتك بتعمل ايه ابقوا تعالوا اتكلموا معايا
مها يالا بينا
. وسندت سلمى ولبستها ومشيوا .
فى بيت منصور ..........
. خدت مها سلمى الحمام واديتها دش ودخلتها اوضتها تستريح .
منصور بنتى جابتلى العاړ على اخر الزمن
مها انا واثقة ان بنتى شريفة
منصور بس كلام الناس مبيرحمش
مها محدش عرف حاجة
منصور مفيش حاجة بتستخبى اتفضحنا واللى كان كان
مها بنتى شريفة وانا واثقة منها وانا مش فارق معايا كلام الناس
منصور يعنى ايه ميفرقش معاكى احنا مش عايشين فى الدنيا لوحدنا
مها احنا لسه مش عارفين القصة ومش عارفين ايه اللى خلى سلمى تعمل كده
منصور يارتنى مۏتها من يوم ما عرفت انها بتحب حسبى الله ونعم الوكيل
مها متدعيش على البنت يا منصور
منصور ربى لا اسألك رد القضاء ولكنى اسألك اللطف فيه وقام منصور وهى بيكررها
مها يارب استرها يارب
فى نفس التوقيت فى شقة معتز ......
سارة ايه اللى حصل يا معتز
معتز مفيش حاجة يا سارة
سارة امال ايه الصړيخ اللى كان من شوية ده
معتز اتخانقنا انا وسلمى وضړبتها وابوها وامها خدوها
سارة ضړبتها !!!!!
معتز انا نازل
. نزل معتز وهو مخڼوق جدا وقعد يلف بالعربية من غير هدف وفجأة افتكر شخص مهم جدا وقرر يكلمه ويروحله.
معتز اخبار حضرتك ايه
الشخص الحمد لله مين معايا
معتز انا معتز الحسينى
الشخص اه اخبارك ايه وفينك كده
معتز ممكن اجى لحضرتك دلوقتى
الشخص ممكن كمان ساعة
معتز خلاص كمان ساعة هكون عند حضرتك وقفلوا
____
. بعد ساعة راح معتز ولكنه فضل فى العربية متردد جدا يطلع ولا لا وفى النهاية قرر .
الحلقة التاسعة
جزء من حلقة سابقة
معتز اخبار حضرتك ايه
الشخص الحمد لله مين معايا
معتز انا معتز الحسينى
الشخص اه اخبارك
ايه وفينك كده
معتز ممكن اجى لحضرتك دلوقتى
الشخص ممكن كمان ساعة
معتز خلاص كمان ساعة هكون عند حضرتك وقفلوا
. بعد ساعة راح
