رواية لقاء الأحبة كامله

_ماما.. يا ماماا

-ايه يا زفته مالك بتندهي ليه مش انا منبهه عليكي انك لما تشوفيني بتكلم في التلفون ما تندهيش علياا..

_انا آسفه.. انا بس كنت جايه اقولك اني عملت حته كيكه بالشكولاته انما ايه هتعجبك اوي..

ردت بسخريه-و ده من امتاا ان شاء الله وانتي بييجي منك حاجه عدله.. دوقيني كده يا ختي لما نشوف..

روحت جبتلها حته من الكيكه الي انا عملتها وكنت عماله ادعي انها تعجبها..

_اتفضلي يا ماما..

خدت قطمه واول ما دقتها راحت تفاها من بوقها بسرعه بقرف

-اي القرف الي انتي عاملاه ده بقي دي بتسميها كيكه دي انتي هتفضلي طول عمرك كده مش نافعه في حاجه..

سمعت كلامها وسكت، اخدت بعضي ودخلت اوضتي وقعدت اعيط مش عشان الكيكه لا قعدت اعيط لأنها طول عمرها كده، عمرها ما عاملتني بحنيه ولا قالتلي كلمه حلوه ع اي حاجه بعملها دايما بتفضل تتريق علياا وتقولي كلام زي السم، بجد ساعات بحس انها بتكرهني مع اني بجد ما كنتش عايزه اوصل ان انا افكر فيها بالشكل ده بس هي الي خلتني افكر فيها بالشكل ده..

"انا آيات عندي 17 سنه، في تالته ثانوي دخلت علمي عشان رغبه بابا وماما مش رغبتي انا لانهم شايفين ان بنات ادبي مش حاجه دايما ضاغطين علياا في المذاكره بشكل كبير اوي.، ماما دايما بتفضل تقول عليا انسانه فاشله ومستهتره مع اني مش كده..!

مع اني بحب بابا جدا الا انه بتصرفاته وانه دايما بيسمع لكلام ماما وبيصدقها ده مخليني مش قادره اتعامل معاه، ولانه دايما عمره ما شافني حاجه ودايما بيقارني بالي حوالياا..

لبست هدومي وخرجت لقيت ماما قاعده مع ام احمد جارتنا اسأذنتها وقولتلها اني خارجه عشان عندي درس وخرجت روحت الدرس وقابلت صاحبتي سجدة وانا ماشيه في الطريق و..

-مالك يا آيات باين عليكي مضايقه..

اتنهدت وقولت_ تعبانه اوي يا سجدة..

-موضوع أهلك برضو..

_ بالظبط هو موضوع اهلي هو انا ورايا غيره.

-انا بجد مش عارفه اقولك ايه

_ما تقوليش حاجه ويلا ندخل عشان شكل الدرس بدأ..

طول الدرس وانا قاعده سرحانه ومش واخده بالي من اي حاجه عماله افكر في الجاي وماما و...

:انتي يا آنسه يالي قاعده ورا..

اتكلمت بتوتر_انا يا مستر..؟!

:اه انتي، اتفضلي اطلعي بره..!

-الآنسه الي قاعده ورا..

رديت بتوتر_انا يا مسترر..!

-اه انتي اتفضلي اطلعي بره..

_ليه بس كده يا مسترر..