رواية احبك منذ نعومة اظافري كاملة جميع الفصول من الفصل الأول إلى الاخير بقلم الكاتبة سلمى تامر
لمار بخبث:صباح الخير ياصافي مالك واقفلنا كدا عايزة حاجه ولا اي؟؟!
صافي بغيظ وهي باصه لأحمد اللي واقف مستغرب لمار:مش هتفطر يا أحمد
لمار بهمس لأحمد:مش هتفطر ياميدو
احمد:ها
لمار بضحكه:بقولك مش هتفطر؟
احمد بهيام:هفطر طبعا
لمار سحبت ايدو وشدتو ونزلت:طب يلا ياحبيبي هعملك انا الفطار النهاردة
صافي بصتلهم بغيظ وصدم#مه:ينهارك اسود يالمار دا أنا اتوقعت انك هتبقي حزينه ومنكسرة وهعرف اجذب احمد ليا هو الموضوع اتقلب عليا ولا ايي؟!
***
احمد فطر مع لمار وجهز علشان يروح شغلو
ولمار ودعتو لحد الباب
صافي ندت عليه
صافي:انت هتروح الشغل تاني يوم فرحنا؟!
احمد بضيق وإستعجال:معلش بقا ياصافي عندي شغل كتير مينفعش يتأجل
لمار بحب:روح شغلك ياحبيبي وخلي بالك من نفسك وباستو ف خدو
احمد ابتسملها بحب واشتياق ومشي
بس جزء من جواه لسه مش مسامحها
لمار لصافي بخبث:معلش بقا ياحبيبتي سابك يوم صباحيتك
صافي بصتلها بكره وغيظ وسابتها ومشيت
****
عمر كان سايق عربيتو وسرحان ف البنت اللي شافها امبارح ف الحفله وطيرت من عينو النوم
فرمل فجأه لأنو كان هيخبط حد
حنين كانت رايحه شغلها الجديد ف شركة احمد
وحزينه جدا على لمار وسرحت لو هي مكانها هتعمل اي
فجأه صرخت ووقعت عالأرض لما شافت العربية هتخبطها
عمر وهو بيزل من العربية:انتي كويسه يا أنسه فيكي حاجه
حنين رفعت وشها ليه بغضب:انت اعمى مش بتشوف كنت هتخبطني
عمر اول مرفعت وشها ليه اتصدم
عمر بهمس وفرحه:يلهوي عالقمر دي هي
احم انا آسف يا انسه قومي معايا نروح المستشفى
ومدلها ايدو
حنين بصت لأيدو بغيظ وحاولت تقوم لوحدها بس ايدها وجعتها
حنين وهي بتزيل التراب من على هدومها:شكرا لمساعدتك انا كويسه
عمر بقلق:لأ تعالي نروح للمأذون..قصدي المستشفى
حنين برفض:خلاص يافندم مفيش داعي
عمر بجدية:يلا يا أنسه ايدك مجروحه
وبعد معارضه حنين وافقت وراحت مع عمر المستشفى وعالجت جرح ايديها
عمر:تحبي أوصلك لفين يا أنسه
حنين:شكرا يا أستاذ بس انا هعرف اروح لوحدي
عمر برفض:لأ طبعا انتي اكيد لسه تعبانه قولي بس عنوانك ونا هوصلك مش لازم تعارضي
حنين وافقت وادتو العنوان
***
في العربية
حنين بصت لعمر ولاحظت شياكتو ووسامتو
شعرو ريحتو كل حاجه فيه جذابه
عمر لاحظها وابتسم
