رواية احبك منذ نعومة اظافري كاملة جميع الفصول من الفصل الأول إلى الاخير بقلم الكاتبة سلمى تامر
بعد مده وصل للعنوان اللي اديتهولو
حنين:شكرا على التوصيلة
عمر:العفو يا أنسه مفيش داعي للشكر...بالمناسبه انا اسمي عمر
حنين بإبتسامه:طيب بعد اذنك يا أستاذ عمر انا لازم انزل
عمر بهيام:قولي عمر تاني كده
حنين بحده:نعم
عمر بمرح:خلاص ياحج سيد هتبلعني ولا اي
حنين بصتلو بغيظ ونزلت
عمر طلع راسو من العربيه:طب هشوفك تاني
حنين بإبتسامه:سيبها للقدر
عمر بصلها بإبتسامه ومشى لما طلعت العمارة اللي ساكنه فيها
***
في الشركه
:احمد بيه جوا يابتاعه انتي
السكرتيرة مها:اه يافندم جوا
:قوليلو سوزي هانم مراااتكك عايزة تقابلك
احمد فتح الباب بضحك:اتدخل يازفت مش نقصاك عالصبح
عمر بصوت انوثي: لسه فاكرني يا احمد لسه فاكر علي وحبيبه
احمد بضحك وإستغراب:علي وحبيبه مين
عمر:ولاتنا يا احمد
احمد بضحك:ادخل ياض الله يحرقك ضيعت هبتي بين العمال ادخل
عمر بهيام:ابا انا عايز اتدوز(اتجوز)
احمد بزهول:دا بجد دا !ومين تعيسة الحظ بقا؟!اللي هتخلي الدنجوان بتاعي يتجوز
عمر بجدية:معرفش عنها حاجه بس اعرف عنوانها وهتقدملها لما أرتب أموري ف مصر لإني هستقر هنا
احمد بفرحه:اخيرا يا راجل بس اعمل حسابك هتشتغل معايا هنا
عمر:منا قررت اشاركك
وقعدو يتكلمو ف الشغل
***
آخر اليوم احمد رجع ملهوف انو يشوف لمار حس ان هي وحشاه اوي
لقى صافي ونادية ف وشو تقريبا كان نسيهم
قعد معاهم شوية وقرر انو يطلع
احمد:طب انا طالع بقى بعد إذنكو وطلع للمار
صافي بغيظ بعد ماطلع:شفتي ياماما بيتجاهلني ازاي وطلع للمار
نادية بخبث:معلش ياحبيبتي متنسيش برضو ان هي مراتو..وكملت بشر..مؤقتا
صافي بعدم فهم:قصدك اي يعني ياماما
نادية بشرود:قصدي هتعرفيه بكره..اصل انا ناويلها على كل خير
**
احمد أول مفتح باب الأوضة لقى لمار جريت عليه وحضنتو
لمار بحب وابتسامه:وحشتني اوي ياميدو
احمد بإبتسامه وحب:هغير هدومي واجيلك ياقلبي
احمد قرر انو يغير لمار ويفهم منها هي عملت كدا ليه..لانو حس ان لمار وراها سر كبير..كلام عمر فتح عنيه على الحقيقه.
**
الصبح
نادية كانت قاعده وباين عليها مستنية حد
صافي لحظتها:مالك ياماما مستنية مين
