يا مستر معتز كده ماينفعش

صدقنى داليدا بالنسبالها اختها وصحبتها الوحيدة. انا لسه جديدة معاها بقالى كام شهر هي محتاجة داليدا. ف معلش استحمل لغاية ما ترجع... والله هي بتعشقك انا سيباها عمالة تعيط فوق عشان بقالك يومين مش بتكلمها... مروان: وانا كمان بعشقها ولله و متقلقيش انا كنت هصالحها انهاردة. هند بإبتسامة: ربنا يخليكوا لبعض يارب. عن اذنك. مروان: اتفضلى. ذهبت هند لترجع لعالمها هي وزهرة الجورى. أما مروان فبعث رسالة ل سلمى يخبرها أنه أسفل السنتر ينتظرها. وبعد قليل. وجدها تدلف للسيارة بملامح حزن وبكاء. تألم قلبه في ذلك الوقت. ادار المقود كالعادة بصمت ولم يتحدث ولكنه لم يذهب لمنزلها. بل ذهب للبحر. نزل من السيارة ونزلت خلفه بإستغراب. وقف امامها وقال: انا زعلتك هنا وقولت اصالحك هنا حقك عليا. ارتمت بأحضانه قائلة بدموع: متقساش عليا تانى يا مروان والنبى. ضمها بحنان بالغ وقال لها: حقك عليا يا قلب مروان عمرى ما هقسا عليكى تانى. أخرجها من أحضانه قائلا بهمس: بعشقك. سلمى بهمس: وانا كمان. فى منزل حسام. أنهى عمله وذهب لمنزله وارتمى على الأريكة بتعب وانهاك. ولكن وجد من يمسح على ذقنه بحنان قائلة: حمد لله على السلامة... حسام: الله يسلمك يا حبيبى. سارة: اتطمنت على قاسم. حسام: اه الحمد لله اتصلت على الدكتور بتاعه وقالى أن العملية نجحت الحمد لله. سارة: الحمد لله. حسام: انا هقوم اخد شاور. أمسكت يده قائلة: لا استنى. حسام: في حاجة يا حبيبتى. اقتربت منه كثيرا وهمست في أذنه. في بيبى صغير في بطنى كمان 9 شهور هينور حياتنا. نظر لها بدهشة وفرحة و صد@مة وقال: انتى بتتكلمى بجد. هز رأسها بقوة وما فعل شىء إلا أن حملها ودار بها وصاح قائلا: بحححححبكككك. سارة: وانا بمoت فيكى يا حبيب قلبى انت. فى ألمانيا. فاق قاسم من نومه جيدا وأصبح بصحة أفضل. الدكتور: قاسم دلوقتى انت زى بنى ادم طبيعى والاحبال الصوتية انت بس كام يوم مع شوية مشروبات معينة كدة وهترجع تتكلم لغاية ما تزهقنا يا سيدى. المهم انت متضغطش على نفسك وتحاول تتكلم لا براحة. هنتكلم متقلقش. هز رأسه موافقة على كلامه. زينب: حسام اتصل بالدكتور واتطمن عليك وكمان اتصل بيا اتطمن عليا و بيسلم عليك وبيقولك شد حيلك عشان وحشته. رفع يده والدته و قبلها ونظر لها بشكر بالغ. بعد خروج والدته و الدكتور ليستريح. شرد وقال في نفسه: خلاص راجعلك يا داليدا. راجعلك وانا استاهلك. وحشتينى اوى اوى.

 يتبع.... الفصل الثالث والعشرون مر اسبوع على الجميع. قاسم. يأخذ علاجه والمشروبات المخصصة له. ووالدته بجانبه دائما وتدعمه دائما. فى يوم. تجلس أمام الشرفة تحتسى كوب القهوة الساخن لعلها تدفىء. استيقظ قاسم من نومه. قاسم بهمس: امى امى. تفاجأ من نفسه كليا. ها هو يتحدث. اصر على المحاولة وظل يعلى من صوته. قاسم: أمى امى. لم تصدق ما وصل لاذنها التفت له و عرولت عليه. وقالت بلهفة: قولت ايه يا قاسم. قاسم بحب: وحشتينى يا امى. احتضنته بشدة قائلة بدموع وفرحة: وحشنى صوتك يا حبيب امك. وحشنى اوى. قاسم: الحمد لله الحمد لله. دخل الدكتور وسمع صوت قاسم. الدكتور بمرح: لا ده انت صوتك حلو اهو يا قاسم والله. قاسم بإبتسامة: ربنا يخليك يا دكتور. وشكرا لتعبك معايا. الدكتور: انا معملتش حاجة. حمد لله على سلامتك. انا عارف اكيد عايز تخرج. هكلم الدكتور يكتبلك على خروج. قاسم: شكرا يا دكتور. وخرج ليكتب ل قاسم بداية جديدة أو حياة جديدة مليئة بالكثير. أما حسام ف يدلل سارة كثيرا وبالفعل كأنها ابنته. وحريص للغاية على صحتها. كى لا يتكرر ما حدث قبل ذلك. أما مروان و سلمى. كل يوم يتفهمان بعض أكثر فأكثر. وأصبح يعرف أن سلمى مثل الطفلة. ها هي المرأة لا تظهر قوتها من العدم. المرأة تعشق الاهتمام. تعشق الحب. تعشق من يشعرها بأهميتها. فتصبح كالطفلة أمامه. اى وقت تحزن فيه يصالحها ب زهرة عباد الشمس التي تعشقها و الشوكلا لا مجال. تنسى من الأساس اى شىء. ويظل يضحك عليها بمرح. وعشقهم يزداد يوم بعد يوم. أما امجد. ينتظر رجوع داليدا من السفر وأقسم أن تكون له مهما حدث. فهو حقا مريض. داليدا. كما هي تعمل تدريب الشباب في المركز الخاص ب المايسترو. واحيانا تحصر حفلات وتكون ضمن ضيوف الشرف. وحصلت على عدة جوائز قيمة. ولكم مازال قلبها ينبض بإسمه. اسمه هو فقط. قاسم. اشتاق اليك. اشتاق اليك يا عشقى. نعم. انت من أحببته. انت من حصل على عشقى. انت من اهرب إليه من دنيتى الغريبة. انت من اشتاق لاحضانه. وحشتنى يا قاسم. وحشتنى اوى. في فيلا قاسم. ينزل قاسم من السلالم الداخلية للفيلا. ليرى والدته و حسام و زوجته ينتظروه. هرول عليه واحتضنه بشدة قائلة: واحشنى يا صاحبى ولله حمد لله على السلامة... قاسم: الله يسلمك يا صاحبى. حسام بمرح: والنعمة وحشنى صوتك.