ساحرة ديموان بقلم أحمد محمود شرقاوى

..

واستقر كل واحد في بيته بس دايرة النار فضلت مشتعلة, وكأنها حفرة بتطل على عذـ،ـاب الإله, الكل جوة بيته مذهول, خايف, محدش فاهم اللي بيحصل ولا هل هو وهم ولا حقيقة..

بس الإجابة كانت أسرع ما يكون, الاجابة اللي حضرت على هيئة صوت رهيب ارتجت الأرض كلها بسببه, وانطلق اكتر من الف طيف تجاه مقابر البلد, أطياف بت-\صرخ بأصوت شياطين مروعة, واتفاجئ عم عبدالجبار حارس المق1بر بأجسام ملتهبة بتهجم على المق1بر, وكأنه جيش من الشياطين بيهجم على الأم-وات..

ودخلت الأطياف لمنطقة القبور, واخترق كل طيف منهم لقبـ،ر من القب-ور, وفي دقايق بدأت طرقات مفزعة تضرب على أبواب القب-ور, كل الأبواب بلا استثناء, وفي لحظات كانت الأبواب بتتفتح وبيخرج منها الأم-وات..

وكأنه يوم البعث, المشهد اللي خلى عبدالجبار يسقط من طوله بسكتة قلبية وهو من عاش طول عمره مع الأمو-ات, وخرج المـ،وتى بأجسام كاملة ومتآكلة, بأجسام بيغطيها الكفن وأجسام تانية مجرد عظام..

وزي أي فيلم للزومبي خرج الأمو-ات من القبور ناحية البلد, خرجوا بينوحوا ويصيحوا بأصوات جاية من قلب قلب الجحيم, وشكلوا موكب زي أي موكب ومشيوا فيه بهيئة مفزعة, أجسام متحللة لرجال ونساء ماشيين في صف طويل بيترنحوا وبيزوموا زي الوحوش, الدود بيجري على أجسامهم ومنهم اللي مجرد شوية عظام..

ومن فوق الأسطح كل الأهالي شافوا الموكب, الموكب الجهن.مي, موكب الجح.يم, وقع منهم اللي فقد وعيه ومنهم اللي جتله س.كتة قلبية, ومنهم اللي كمل مشاهدة بأعين مذهولة وقلب مشقوق من الرـ،عب ..

وبدأ موكب المـ،وتى يتلو ترانيم غريبة بصوت واحد, وكأنها ترانيم لاستحضار إبليس نفسه, ترانيم كانت بتخلي الأرض تهتز والطيور تقع مي.تة من على الشجر, الشجر اللي مسكت فيه نار مخيفة وراحت تاكله في نهم..

ووقف الموكب قدام بيت من بيوت القرية, وترقب الأهالي الحدث الرهيب, لحظات بس وحاوط الموكب البيت كله, بل وبدأوا زي النمل يطلعوا على حيطانه, ووسط صرخات أهل البيت الملتاعة محدش كان يجرؤ انه يغادر بيته عشان ينجد أهل البيت