حكاوي مراد وجهاد بقلم جهاد عبدالعال
_أبنك!
سألتها بتعجب وهي بتنقل عيونها بيني وبين بابا، هي كمان متعرفنيش، رد عليها بابا بحنية وهو بيقعدها على الكرسي.
_أيوة أبني أرتاحي شكلك تعبان، شوية وهنمشي.
-فهمني يابابا!
_تعالى بس معايا.
سحبني من أيدي وصلنا لأخر الصيدلية، كانت هي بدأ التعب يزيد عليها بشكل خلاني مش قادر أشيل عيوني عنها، رغم كلام بابا ألا إني كنت مركز معاها، لسه بابا هيتكلم شفتها وهي بتقع على الكرسي، قطعت بابا بسرعة وأنا بجري عليها.
_جهاد، حصلها أي؟
_ماتت دي ولا أي؟
قالها عمار وهو بيبص علينا بقلق، بصيتله بغض.ب وأنا شايف قلق وخو.ف بابا عليها، أتكلمت وأنا بزعق فيه.
-بلاش كلام فارغ وثواني نشوف مالها.
_هات مية يابني بسرعة.
_حاضر ثواني.
جاب مية ورش على وشها شوية، كنت أنا ماسك أيدها بشوف نبضها، وبابا بيمسح على وشها براحة، بدأت تفتح عيونها بأرهاق، بصيت لبابا بسرعة لقيته فرح، معرفش هي مين بس بابا بيخاف عليها أوي، سألتها بهدوء.
_الشنطة!
-هات ياعمار الشنطة دي.
كانت بتشاور على شنتطها بتعب، أداها عمار الشنطة ففتحتها وخرجت منها دواء، خدت منه حباية أنا بصيت لبابا بتعجب وخدت من أيدها العلبة، بصيت عليها وقبل ما أتكلم أتكلم عمار بنبرة فيها شوية حزن.
_دواء قلب؟
_يعني أي يا مراد؟
-أنتِ مريضة قلب؟
وجهت سؤالي ليها بعد ما بقيت كويسة إلى حد ما، هزت رأسها بهدوء وهي بتبص على بابا، أتكلمت بسرعة وهي بتطمنه.
_أنا بخير ياعمو متقلقش.
_من أمتى ياجهاد؟
_هحكيلك كل حاجة بس مش دلوقتي.
قالت كلامها وهي بتبص علينا فهم بابا قصدها، وأنا وعمار كمان فهمنا، أتنحنح عمار وأتكلم وهو بيرجع مكانه.
هزيتله رأسي من غير ما أتكلم، بابا ساعدها وسندها بأيد وهو خارج من الصيدلية، شلت شنطتها وأنا مستغرب، أزاي بابا متساهل في لمسها بالطريقة دي، فتحت العربية وحطيت الشنطة أنتظرته يساعدها تقعد ورا وكنت فاكره هيطلع يقعد معايا قدام
