رواية غرام العز كاملة
*قالتها كارما وظلوا يتحدثون عن ما سيفعلوه بعد الزواج وعن مشاركه عز في اعمال المنزل ف قد قالت لهُ كارما انهُ سوف يقوم بجميع اعمال المنزل وهي سوف تصنع لهُ قالب حلوى ك مكافأه لهُ ولم يتجرأ عز علي الاعتراض كالعاده، حتي وصلوا الي الموقع الذي ارسلته سيلين وبعد ان ركبت سيلين السياره وانطلق عز بالسياره قالت كارما*
~ كان ضلمه، لسه منور من شويه
= سبحان الله، الشارع نور اول ما دخلته، مش قولتلك يا عز انا الڤولت عندي عالي
*صمتت قليلًا ونظرت الي عز وجدته يستشيط غضبًا منها فقررت ان تضع القليل من البنزين علي النار وقالت*
= هي فين عربيه الاوبر صح يا سيلين
= الله؟ هي مش كانت عطلانه والعافشه قافشه
~ ايوا بس اتشغلت بقا
= ولما اشتغلت مأخدكيش و وصلك ليه؟ اما سواق ابن رمه صحيح
*قالتها كارما بخبث بينما قالت الاخري بتذمر*
~ خلاص هو تحقيق ولا اي، اللي حصل حصل بقا
= يختي بتاع التحقيقات قاعد جمبي اهو، انا مالي، قوليله هو الكلام دا
~ عز انتَ مصدقني صح؟
= دا هينفخ اللي جايبينك لحد ما تطرشقي من كل حته، ابقي افتح فيديو كول والنبي يا عز عايزه اتفرج
~ لا يا حبيبتي مهونش عليه
= بت انتِ، خافي مني انا ايدي طويله والعربيه ضيقه مش هتعرفي تجري مني
_ بس بقا يا كارما
*قالها عز بصرامه فأجابت كارما بأبتسامه خبيثه وهي تستفز الاخري*
= حاضر يا زيزو يا خطيبي يا حبيبي
~ متفرحيش اوي كده يا حبيبتي عشان خلاص انا وعز هنتجوز اصلًا…
=…..
رواية غرام العز الحلقة الرابعة عشر
= بس يا يبت يا عبيطه انتِ اسرحي
~ والله لو مش مصدقاني اهو عز جمبك اهو اسأليه
*صاح عز بغض.ب*
_ سيلين اخرسي، انا قولتلك اي
= قولتلها اي يا عز؟
_ كارما انتِ مش فاهمه حاجه، الحوار كبير، اديني فرصه افهمك بس
= ماشي فهمني، انا قاعده سامعه اهو
*قص لها ادهم كل شئ منذ بدايه مجئ خالتهُ وحتي اتصاله بصديقه ليتأكد من هويه ذلك المنحط القذر، فأردفت كارما بحده*
_ لا والله مكنتش هسيبك، احنا كنا هنكمل خطوبتنا عادي، وهي هطلقها او ما المشكله تتحل
= اخرس يا عز مش طايقه اسمع كلامك المقرف دا، هو احنا فراخ هتبدل فينا، عايز تتجوزها وتُخطبني، دا بأماره اي ان شاء الله، الحمد لله اني لسه ع البر
_ اي الحمد لله انك لسه ع البر دي؟ يعني اي مش فاهم؟
= يعني الحمد لله اني عرفت قبل الخطوبه، ولا انتَ مستني لما نتخطب ونتجوز واعرف بعدها انك متجوز عليا؟ انتَ اي القـ،ـرف اللي انتَ فيه دا يا عز، انا مش متخيله لحد دلوقتي انك كنت بتخرج معايا وبنتكلم في التليفون، وانتَ واعد واحده تانيه بالجواز
_ انا موعدتش حد
= والله؟ اومال فكره الجواز اللي طقت في دماغها دي طلعت منين؟ بص يا عز، انتَ تنسي ان كان في كارما في حياتك، انا مش عايزه اشوف خلقتك ولو صدفه بس
*قالتها وهي تحاول ان تفتح الباب لكي تترجل من السياره، ف اغلق عز الباب وتحرك بالسياره، فصاحت بهِ في غض.ب*
= افتح الباب ونزلني يا عز بدل ما اصوت والم عليك امه محمد كلها
_ اعملي اللي تعمليه، انا مش هنزلك من هنا غير لما تسمعيني.
= نزلني يا عز بدل ما افتح الباب وانزل والعربيه ماشيه
*لم يُجيب عز وظل يسير بالسياره حتي وجد كارما الباب بالفعل وتحاول النزول والسياره تسير، اوقف السياره سريعًا وصاح بها في غض.ب*
_ انتِ مجنونه، عايزه تنزلي والعربيه بتمشي؟
*لم تُجيبه كارما ونزلت من السياره، نزل خلفها عز وهو يحاول ان يمسك يديها ليوقفها ف سحبت يديها بعنـ،ـف وصاحت فيه بحده*
= اياك تلمسني انتَ سامع؟
_ طيب اركبي العربيه
= مش راكبه الزف-ت، انا عندي ارمي نفسي قدام عربيه دلوقتي ولا اني اركب العربيه بتاعتك
_ كارما بطلي ج،ـنان، واركبي
= لا انا مجنونه بقا، ملكش دعوه بيا، روح للعاقله اللي قاعده عندك في العربيه
