قصة ( عشق lلخۏڤ ) غامضة و مړعپة
رودينا بصة ليا بصة خۏڤ وقالت " حبيب يا سارة " ، كنت في حالة اندهاش من الجملة ، رديت پټۏټړ وانا بقول " حبيب مين !؟ " ، سكتت شوية وهي بتبص ليا و عنيها مبرقة ، كنت خايفة منها وهي مبرقة وبصيت ورايا وبعدين بصيت ليها تاني وانا بقولها " في ايه يا رودينا ! ومين حبيب ده !؟ " رودينا ردت وقالت " معرفش " قالت الكلمة دي وسكتت ، قولتله " طيب امال قولتي اسمه ليه ! " ، ردت وقالت " شوفتي صوت الموسيقية المعزوفة اللي سمعناها انا وانتي علي اليوتيوب " ، قولتله وانا لسه ظاهر علي ملامح وشي الاندهاش " ايوه مالها " ، ردت وقال " قومت من النوم بالليل علي صوت عزف الناي بصوت نفس العزف اللي سمعناه ، لما قومت علي صوت فتحت عنيا اتفزعت من اللي شوفته " ، قولتلها " شوفتي ايه ؟ " كملت وقالت " شوفت شخص قاعد علي طرف السرير مش باين منه حاجة ولابس حاجة علي وشه ، كان في ايدوا عود ناي صوت العزف كان خارج من الناي اللي في ايدوا ، بعد شوية من العزف سكت ونزل الناي من علي بوقه وبص ناحيتي وقال بصوت خافض ومش مسموع 'سارة .. سارة ' ،
كرر في اسمك مرتين ، قولتله وجسمي بيترعش " انت مين ! " ، في اللحظة دي قام من علي السرير وقرب ناحيتي فجاة درجة الحرارة زادت اوي وقال " انا حبيب " في اللحظة دي فقدت الوعي لما فوقت كانت ماما جمبي هي واختي الصغيرة ، لما سالتهم في ايه ردوا عليا باجابة صدمتني ، ماما اتكلمت وقالت " انتي كنتي بتكلمي مين وانتي نايمة يا رودينا " ، اندهشت من اللي قالته ماما لكن اختي الصغيرة كملت وقالت " انتي الليل كله بتتكلمي وانتي نايمة ، مرة تقولي حبيب ، ومرة تقولي سارة وكنتي زي ما يكون خايفة من حاجة " ، كنت مندهشة من قالتوا ماما واختي الصغيرة ، بس وبسب اللي حصل دا كنت حاسة بارهاق وتعب شديد
