قصة ( عشق lلخۏڤ ) غامضة و مړعپة

 في اللحظة دي السخونة اللي كانت في ضهري اختفت تماما ، قومت بسرعة من مكاني وانا بجرب ناحية الباب ، اول ما وصلت للباب بصيت ناحية المكان اللي كنت قاعدة فيه لكن ملقتش حاجة ،
خرجت بسرعة ورحت ناحية السفرة بتاعت الاكل وقعدت وبفكر في اللي بيحصلي ، كنت ماسكة المعلقة بتاعت الاكل ويمشيها في الطبق يمين وشمال ،
ماما كانت باصة ناحيتي باندهاش وفجاة اتكلمت وقالت " سارة ! " بصيت ليه وانا بقول " نعم يا ماما " ، ماما ردت باندهاش وقالت " مابتكليش ليه يا حبيبتي ! " رديت علي ماما پټۏټړ وانا بقول " مانا باكل اهو يا ماما " ، ماما فضلت مكملة بص ناحيتي باندهاش ، خلصنا اكل وقومت عشان احوش الاطباق اؤديها المطبخ ،

لحظة مانا بغسل الاطباق حسيت بنفس السخونة في ضهري بس المرة دي كنت حاسة بحد واقف ورايا ، السخونة كانت بتزيد وبتقرب اكتر ، ايدي بدات تترعش والتوتر والخوف بداو يزيدوا وانا مش قادرة اتحرك من مكاني ، نفسي بدا يتكتم وضربات قلبي زادت قوي لدرجة اني كنت سامعاها ، كنت بتمني ماما تدخل وتنجدني من اللي انا فيه لكن اللي حصل قادر يوقف قلبي ، حسيت بادين بتلمس ضهري من ورا وبصوت خفيف ومنخفض يهمس في اذني وبيقول " سارة " في اللحظة دي اتفزعت والطبق ۏقع من ايدي علي الارض وانكسر ، السخونة اللي كانت في ضهري والايد اختفوا ، ماما جت من برا علي المطبخ بتجري وبتقول " في ايه ! ايه اللي حصل ؟ " بصيت لماما وبعدين بصيت للطبق المكسور وقولت ولسه ملامح lلخۏڤ والتوتر ظاهرة علي وشي " مش عارفة ! "
، مكنتش عارفة احكي لماما ايه وانا اصلا مش فاهمة اللي بيحصل معايا ، ماما قربت مني بحنية وقالت