قصة ( بيت الراوى )

 دى حسن كان نازل من علي السُلم ، قرب عليا لما لقيني قاعد بأنهض وقالي " مالك يا حاتم بتنهض ليه !؟ " ، بصيت عليه وانا بقوله " حسن انت تعرف حاجة عن بيت الراوي " ، حسن اتوتر وقال " بتسأل ليه ! " ، قولتله پغضب " رد عليا يا حسن تعرف حاجة عن بيت الراوي !؟ " ، حسن مردش ولا بأه ولا ب لا ، طلعت من جيب الجاكيت اللي كنت لابسوا الصورة اللي لقيتها في بيت الراوي وقولتله " طيب تعرف مين دى .. انا عم فتحي قالي كلام غريب مش فاهم منه حاجة " ، حسن ظهر علي ملامحوا الحزن وقال " انت شوفت صورة امك قبل كده يا حاتم " ، اندهشت من كلامه وقولت " صورتي امي ما معلقة في الحيطة اهي يعني اكيد شوفتها " ، حسن بص علي الصورة اللي معلقة علي الحيطة وقال " مش دى " ، الاندهاش زاد عندى وقولتله " مش دى امال انا عندى ام تانية " ، سمعت صوت من ورايا بيقول " اه يا حاتم عندك ام تانية "

سمعت صوت من ورايا بيقول " اه يا حاتم عندك ام تانية واب تاني " كان صوت ابويا ، بصيت عليه وانا في صډمة وانا بقول " انا مش فاهم حاجة !" ، ابويا اتكلم وقال " حاتم احنا مكناش عايزين انك تعرف حاجة " ، رديت وانا في صډمة " يعني حضرتك مش ابويا ولا في الصورة دى

 امي !؟ " ، ابويا او اللي كان ابويا قال " بص يا حاتم هي اللي في الصورة دى بالفعل مش امك لكن " ، قولتله " لكن ايه !؟ " كمل كلامه وقال " انا اخدتك وربيتك افضل من اى عيل من عيالي وحبيتك اكتر منهم بس انت لازم تعرف الحقيقة " ، قربت عليه وانا في حالة من الاندهاش و صډمة وبقوله " ايه الحقيقة بقي " ، رد وقال " عايز تعرف الحقيقة ؟ ، روح البيت واقعد فيه وانت هتعرف كل حاجة لوحدك " ، قال الجملة دى وسابني ومشي ، حسن كان لسه واقف وباصص ليا وعلي ملامحوا الحزن ، قربت منه وقولت " حسن انا عايز وافهم ارجوك " ، حسن اتكلم وقال ولسه علي ملامحوا الحزن " لو عايز تعرف اعمل اللي قال عليه ابوك او اللي كان ابوك " ، حسن التاني سابني ومشي ، خرجت ورحت البيت ، بيت الراوي ، دخلت البيت وقعدت علي الكرسي وانا بفكر في كلام عم فتحي وبالذات لما قال دور في ماضيك ، فجأة لقيت ايدين شخص اتحطت علي كتفي ، بصيت علي الايد اللي علي كتفي وچسمي بيترعش ، كانت ايدين واحدة ست ، سمعت صوتها بيقول " متخlفش يا حاتم هتعرف كل حاجة يا بني " ، قومت من مكاني بسرعة عشان اشوف مين دى لكن ملقتش حد ، قعدت تاني علي الكرسي ، حسيت بصداع شديد في راسي ،