رواية كاملة رائعة

عينه شرارة عمرى ما شفتها 
من أول مرة أتكلم فيها عنك وانا قولت أن الاڼتقام عمره مكان سبب جوازه منك لكن هو عاوز يزيد ألمه وعاوز يفضل عايش فى الماضى .
أنهت كلماتها بحزن لتسألها زهور بعيون دامعة 
_ أنا عاوزة أعرف إيه اللى حصل زمان وبالتفصيل .
تنهدت السيدة عليا پألم وعلت
ملامحها الحزن وكأن سحابة من الكأبة غطت عليها فجأة .
يبدوا أن ذكر الماضى له الاعاجيب بكليهما .
ف أدهم حين يذكر الماضى تتحول ملامحه إلى ملامح وحش شرس يزداد قتامة كلما تعمق فى الذكريات .
هى مثله ولكنها أكثر رقة فيبدوا أن الحزن هو سعتها الوحيدة .
همست عليا بوجه شاحب مېت 
_ اللتقليب فى ذكريات الماضى مش حلو لكن طالما أنت عاوزة تعرفى الحقيقة وطلبتى فأنا هقولك كل حاجة ... من يوم مۏت والد أدهم لليوم اللى جالى يقولى أنه هيتجوزك .
صمتت قليلا تأخذ نفسا عميقا لتبدأ بالسر وكأنها تسرد قصة ړعب 
_ كنا عايشين فى القاهرة .. أنا وأدهم ووالده كانت الحياة هاديه نسبيا والده كان مهندس وأدهم كان متأثر بيه اوى يمكن علشان كده دخل كلية الهندسة وكمل مسيرة والده بنفس القسم والتخصص .
فى يوم أتصل جد أدهم .. عمران كامل العامرى .. يطلب من عاصم أنه ينزل البلد بسرعة .
عاصم محبش يسيبنى لوحدى أنا وأدهم وكان قلقان من طلب أبوه .
سافرنا كلنا البلد .. وكانت أول مرة ليا أنا وأدهم نسافر المنصورة .
لما وصلنا لقينا عمران كامل منتظرنا كان الترحيب بيا أنا وابنى من أسوأ ما شفته فى حياتى بكلام جده القاسى ونظرات اللى حواليه والاكتر قسۏة كان سكوت عاصم .
بعد كده عرفت أن اللى كان عاوزه عمران من عاصم أنه يجوزه بنت عمه سهر أنا طبعا رفضت وثورت وقلتله طلقنى وسيبنى .
بس هو كان بيحبنى وفضلنى على أهله لما أتجوزنى .
وحتى فى اللحظة دى فضلنى عليها وقال أنه مش هيتجوزها وعصى أبوه .
لكن الموضوع مكنش أختيارى واللى حصل وخلى عمران عاوز يجوزها لعاصم .. أن والدك على حد علمى كان بيحبها وأتقدملها وهما رفضوه لانه كان من فقراء البلد .
راقبت نظرات زهور التى أسودت بشرود لتكمل بأسى 
_ قضينا أسبوعين فى خناقات بين عاصم وعمران وفى يوم كان صافى من الخناق عاصم قالى أنه عاوز يخرج أدهم شوية بدل ما هو محپوس هنا ويوريه الارض بتاعت ابوه وجده .
قولتله طبعا خده أخده وخرج ورجع وقتها چثة .
صمتت والدموع تنحدر من مقلتيها بعذاب لاتزال تتذكر هيئته حين جائها محمولا على أكتاف الرجال .
أكملت بصوتا متحشرج متقطع وكأنه يخرج بعذاب 
_ كل اللى أعرفه أن الرجال اللى كانوا فى الأرض وشافوا اللى حصل .. قالوا أن والدك هو اللى قټله وهرب ..
فى ناس بتقول أنه قټله علشان أخد منه البنت اللى كان هيتجوزها وفى ناس بتقول أنه قټله علشان الارض .. وتعددت الاقاويل .
لكن الحقيقة واحدة اللى أجمع عليها كل اللى شافوه وهو بيتقتل والدك هو اللى قټله .
إن كان هناك ما هو أقسى من دخول خنجر مسمۏم إلى جسدك فهى قد ذاقته فى هذه اللحظة .
حقيقة بشعة ألقيت بوجهها والدها قاټل !!
والدها الذى رباها على القيم والاخلاق قاټل !!
انتبهت على صوت السيدة ليال التى أكملت بهدوء متماسك 
_ أنا لسه مخلصتش فمتحكميش على الموضوع من نظرة .
المعاناة اللى شوفتها منهم وعاصم عايش مكنتش تساوى نص اللى عيشته بعد مۏته .
عمران كامل كان راجل ظالم أوى .. وجبار معندوش رحمة مفيش فرق عنده بين أبن ابنه أو حتى أبنه كل الناس بالنسباله تحت العصاية .
بعد أيام العزا الثلاثة قولت إنى هروح محافظتى وادبر حالى أنا وأبنى وطبعا عمران مرضاش وقال أن ابن ابنه هيرتبى فى بلده وخيرنى بين أنى أعيش معاهم وأنى ارجع القاهرة وطبعا كان لازم أقعد .
شوفت ايام ما يعلم بيها إلا ربنا من قسۏة عمران وولاده .. ده حتى الخدم كانوا بيتجبروا عليا .
كنت بتعامل زى الخدامة وأكتر من مسح وتنضيف وغسيل وطبخ وطبعا تربية الحيوانات والزراعة .
أيوة كنت بروح أرض جوزى علشان أشوفها واراقب عليها وفى المواسم أنزل احصد مع الحصادين ووقت البذر كنت أقعد للطيور علشان متأكلش المحصول .
كانت أيام صعبة أوى ومكنش بيكفى كده وبس .. لأ أخو جوزى الصغير اللى المفروض متجوز كان بيبصلى ويلمحلى بكلام مش كويس .. ويحاول يقرب منى .
وكنت بصبر مجبورة علشان ميبقاش ابنى يتيم الأب والأم .
رغم أنه هو كما كان بيعانى أوى من جده ومن أعمامه كان جده على أبسط غلط يضربه بجريدة النخل .
وسعات كان بيرجع متعصب من برة ويمسكه من غير أى ذنب ويضربه وېصرخ فيه أنه لازم ياخد حق أبوه .. وأن الناس أكلت وشه علشان مجبوش حقه لحد دلوقتى .
كان دايما بيقسى عليه وكل ده فى إدعاء التار الملعۏن .
ولما كنت أحاول أبعده عن الضړب كان بيضربنى معاه .
عمته ثناء .. أظن أنك قابلتيها !
أومأت زهور بشرود وهى تتخيل تلك القسۏة التى تصفها لها السيدة بهدوء لتجدها تكمل 
_ مكنتش بتسيبنى فى حالى وكانت أحيانا بتمد إيدها عليا قدام ابنى .
أنا وأدهم شوفنا
أيام صعبة كتير على أيديهم أدهم متعلمش القسۏة ببلاش كان دايما يشوف أولاد عمه وجده بيديهم مصروف كبير وهو مش بيديه غير الكلام الۏحش ولما يجيب هو درجات أعلى منهم فى المدرسة يقوله مش هيفيدك التعليم قد ماهيهفك.. فيجى ويسألنى ليه بيعمل كده وأكون عاجزة عن الرد .
وفى يوم وأدهم عنده 13 سنة عم أدهم الصغير عصام كان سکړان وراجع متأخر وكنت سهرانة أنا وأدهم بنخض الجبنة وفجأة دخل علينا وهو بيطوح وحاول يتعدى عليا .
فى اليوم ده كان أول مرة ألاقى أدهم الحنين اللى علطول كان بيطبطب عليا يتحول لطفل قاسى ويهجم على عمه بعصاية ويضربه .
وأول ما الموضوع وصل لجده راح جابنى أنا وأدهم وقدام عينى مسك السوط اللى بيضربه بيه الحصان ونزل بيه على جسم أدهم .
أدهم مصرخش ولا فتح بقه كان بيضرب وهو ساكت .
وأنا أطردت من البيت بعد ما ضربونى عماته ورجعت للقاهرة لبيتى وأشتغلت خياطة كنت كل شوية أسافر المنصورة .. وأشوفه وهو خارج من المدرسة كان بيشوفنى لكن ميقربش منى وكنت ساعتها خاېفة ليكون فاكر إنى السبب فى اللى جراله .
وبعد خمس سنين لما وصل 18 سنة عرفت أنه دخل كليه هندسه في القاهره وأستغربت أنه هيجى القاهرة ويسيب البلد .
وفى يوم بعد ما عرفت أنه هيعيش فى هناك لقيت الباب بيخبط ولما فتحت لقيته هو أدامى .
مكنتش فاكرة أنه أبدا هيرضى يرجع كنت خاېفة ليظلمنى وفضلت أستسمحه لكن هو قالى أنه محطش عليا اللوم ولما كان بيشوفنى مكنش عاوز يقرب علشان لو قرب جده هيعرف وهيأذينى .. ووقتها مش هيعرف يشوفنى تانى .
وعرفت منه أن جده ماټ وأن أعمامه رفضوا يدوه حقه ف اي ورث .
قولت خلاص أهم حاجة أنك رجعتلى