اڼتقام الندى

ي بت بطلى قله حيا
مايسة_ تضحك قائلة اما ل انتى بتفكرى ف ايه بقى
ندى_ انا بقى طموحاتى اعلى بكتير انا عايزه اشتغل واكون نفسى وابنى شخصيتى وساعتها افتخر بنفسى انى عملت ف حياتى حاجة اتشرف بيها الجواز ده نصيب ييجى ف وقته
مايسة_ وتقعدى تبنى وتشتغلى وتكافحى لغاية ماشعرك يبيض وسنانك تقع وتتجوزى ف الانعاش
ندى بابتسامة وهى تنكزها فى كتفها ههههه الملافظ سعد ياعبعال اي الدبش ده
مايسة _ هههه بهزر معاكى ي بت صدقينى الحب ده احلى حاجة
ندى ومين بقى سعيد الحظ اللى امه داعي له
مايسة بثقة اكيد محظوظ علشان بيكلمنى بس
ندى بضحك _احبك وانتى واثقه كده طيب ي ستى وتضحك
وفى ناحية اخرى يقف شاب وسيم مع زملائه وينظر لمايسة باعجاب فتسكت بضع ثوانى ثم تقول_الواد المز اللى واقف هناك ده
ندى _ يا بت انتى انا مش قلتلك بطلى لهجة المصاطب دى فين انوثتك وحيائك
مايسة_ ييه بطلى فلسفة ماتبوظيش اللحظة دى انا فعرضك
وتسرح قليلا هههههههه
ندى بغيظ _ اي يابت مالك هيمانه كده ليه هو فين ده مافي تلاته غيره انهى فيهم بقى
نظرت مايسه تجاهه ثم قالت لها_ اهوة ابو قميص لبنى وبنطلون جينز ده
ندى تدقق فيه النظر ثم تقول يابنت اللذينه مش ده اللى قابلنا ف الفرح 
مايسة ايوة هو بعينة
ندى طب فهمينى ايه الحكاية بقى
مايسة _هفهمك بعدين استنى اهوه جاى ناحيتنا اهوه
يتجه زياد ناحيتهما زياد بابتسامة ازيك يا انسه مايسة
مايسة بنعومة _الله يسلمك ي استاذ زياد
زياد _مبلاش استاذ دى خلي البساط احمدى قولى زياد كده من غير تكليف
مايسة بضحك_ ماشى
وندى تبتسم بصمت وهى مصډومة من الحوارينظر لها زياد قائلا الانسة ندى مش كده
ندى بتصنع الانكار_ ايوة انت تعرفنى
زياد انتى مش كنتى مع مايسة صحبتك فى فرح زميلى سامح الدرمللى من شهر تقريبا 
ندى بتصنع _ على فكرة العروسة زميلتنا احنا كمان
زياد بعدم تصديق _بجد انا حظى حلو بقى عموما فرصة سعيده ي انسة ندى
ندى بابتسامة مصطنعة _ وانا اسعد ي استاذ زياد
زياد لمايسة_ المهم عملتى ايه ف الامتحان النهارده 
مايسة بابتسامة الحمد لله تمام اخيرا اتخرجنا
زياد بالتوفيق ان شاء الله
ندى معلش ي استاذ زياد احنا متاخرين ولازم نروح ياللا ي مايسة هتروحى معايا ولا لا
مايسة_ استنى شويه وهى تنظر ناحية زياد وتبتسم
زياد طب ماتقعدوا اعزمكم على حاجة ف الكافتيريا لاخر مرة
ندى بجديه _لا ميرسى متاخرين معلش ورايا مشاوير مهمة ثم تنظر لمايسة پغضب مره اخرى وتقول بسخرية ياللا ي ي ست هانم تحبى اخدلكم selfy سوا
مايسة بضيق_ خلاص جاية اهو سلام ي زياد وتصافحه بحرارة ويمسك يدها لدقيقة
ندى بعصبيه وتتجة اليها لتشد يدها وتسحبها منه پعنف ياللا انجرى بلاش لكاعة
ندى بجديه _مع السلامة ي استاذ زياد
زياد_ مع السلامة
وتلوح له مايسة بيدها وتمشى بعيدا الى سياره ندى وفى السيارة ندى پغضب _ايه ياهانم اللى عملتيه ده
مايسة عملت ايه
ندى بانفعال _عماله تسبلى للراجل وتضحكى وتهزرى واخرتها يمسك ايدك بتاع ايه
مايسة برقة_ وفيها ايه يعنى عادى انتى مكبره الحكاية اوى ليه
ندى بانفعال وفيها اي ازاى لا جوزك ولا خطيبك مينفعش وحرام كمان
مايسة نعم من امتى ي شيخة ندى شويه شويه هلاقيكى محجبة كمان
ندى بهدوء _ طب وليه لا اتمنى والله حد يطول ربنا يهديه ويقرب منه
مايسة بابتسامة ماشى يا ستى دعواتك ربنا يهدينا واياكى
ندى ممكن تفسريلى بقى اللى بيحصل بقالك فترة متغيره ومن امتى وليه
مايسه بهيام_ بحبه ي ندى بحبه
ندى باستغراب _ نعم ياختى بت ايه وده من امتى ان شاء الله
مايسة من اول مرة شفته فيها حسيت بانجذاب نحيته
ندى باستغراب مش هو ده اللى اول ماشفتية حصلت خناقة ف المول 
مايسة ايوة هو من ساعة ماشفته وهو مش عايز يغيب عن تفكيرى
ندى

_ وياترى هو كمان بيحبك اصل انا عارفة الاشكال دى يحبوا يتسلو ع البنات اوى
مايسة بثقة ايوه طبعا والا مكانش ييجى يستنانى كل يوم قدام اللجنه
ندى _دا مچنون رسمى بقى
مايسه _ههههه وانا اجن منه
ندى _طيب عارفة اصله وفصله واهله يعنى
مايسة _ايوة دول ناس اغنيا اوى ابوه صادق عبد الرؤوف وصاحب اكبر شركة استيراد وتصدير فمصر وعندهم فيلا كبيرة ف الزمالك عايش فيها مع ابوه واخته الوحيدة
ندى بذهول والجمتها الصدمة وقد ضغطت الفرامل فجاه _بتقولى مين
مايسة باستغراب_ مالك يا ندى فيه ايه انتى تعرفى الراجل ده
ندى بتوتر_ مفييش مفيش عموما احنا وصلنا البيت عندك اهوه انزلى
مايسة_ طب انتى رايحة فين
ندى_ رايحة مشوار كده
مايسة _طب ما تروحى كلمينى
وعادت ندى الى الفيلا فى الخامسة مساء فاستقبلتها سوسن بلهفة قائلة ايه يا حبيبتى طمنيني عليكى عملتي أي ف الإمتحان
ندى الحمد لله تمام ي عمتى كان سهل
سوسن بابتسامة على خير ي روحي عقبال الوظيفة وبعدين العريس
فاحمر وجه ندى خجلا
سوسن بابتسامة قوليلى بقى ي ندى أي إللى اخرك كده الإمتحان خلص من 3العصر
ندى وصلت مايسة لبيتها ورحت أتمشى شوية ع النيل
سوسن ربنا يسعدك ي حبيبتى ويجعلك رايقة على طول
قبلت ندى يد عمتها ثم قالت أمال فين وائل ي عمتو
سوسن بابتسامة سألت عليكي العافية ي ندى نايم ف اوضته
ندى نوم العافية ي عمتى استأذن أنا هروح أغير هدومى وارتاح شوية
سوسن روحي ي حبيبتى هحضر الغدا واصحيكى
وصعدت ندى إلى غرفتها وأخذت حماما دافئا ثم بدلت ثيابها ونامت بعمق وبعد ساعة رن هاتفها المحمول فاستيقظت منزعجة وقالت بصوت ناعس الوو أيوة مين معايا
الصوت إزيك ي نانا عاملة أي حبيت اتطمن عليكى انك روحتى البيت
ندى بانزعاج اونكل صادق حضرتك جبت رقمى منين
صادق بحنان مش مهم المهم انك وحشتيني اوى
ندى سكتت قليلا
صادق الو... ندى روحتى فين
ندى بصوت متحشرج_ احم أيوة انا معاك ي اونكل
صادق بصوت ماكر أي ي ندى مش اتفقنا بلاش انكل دى صادق احلى بكتير اوى خصوصا لما تطلع من شفايفك الحلوة دى
ندى ابتسمت بدهاء لنجاح خطتها حتى الآن ثم عادت لنبره صوتها المجهدة خلاص زى ما تحب ي ...
صادق _ لسه مكسوفة تقوليها برضه
ندى بجديه مش شايف انك بتصعبها عليا بطريقتك دى
صادق بحنان بالعكس ده أنا عايزك دايما مبسوطة
ندى _انت عايز منى أي بالظبط
صادق _أي رايك نتقابل النهاردة
ندى بتردد النهاردة لا مش هقدر معلش
صادق طب لو قلت لك علشان خاطرى ي ندى هتكسفينى
ندى بارتباك ل لأ.... أصل ...
صادق لا أصل ولا فصل هستناكى الساعة 8 ونص ف الكافيه إللى ف الزمالك اوعى تتاخرى
ندى ح حاضر
صادق هستناكي على ڼار بيبي
ندى بصوت منخفض_ الله أنت وقعت ف أيدى أهلا وسهلا بيك ي بيبي جتك داهيه تاخدك أن شاء الله
صادق باستغراب_ بتقولى ايه 
ندى بلا وعى لا ولا حاجة مع السلامة ي صادق
صادق بفرحة يااااه اخيرا اشهد أن لا اله إلا الله
ندى ف سرها اتشاهد على روحك أن شاء الله
صادق مع السلامة
ندى_ الله يسلمك باى باى
وأغلقت الخط
ونزلت ندى إلى الصالة بعد أن غسلت وجهها فقالت لها سوسن بابتسامة_ صح النوم يا قمر
ندى_ مساء الخير يا عمتو وقبلتها بحنان
سوسن_ مساء الخير ي قلبى باستك العافية
ثم قالت لوائل الذى