اڼتقام الندى

كان جالسا_ مساء الخير يا وائل ولا لسه زعلان منى
وائل ببرود_ لا خلاص مافيش زعل
سوسن بابتسامة _ انتى بنت حلال كنت لسة ف سيرتك أنا ووائل
ندى_ يا ترى بقى كنتو بتقولو اي
سوسن بابتسامة_ كل خير ي حبيبتى ياللا نحضر الغدا الأول وبعدين نتكلم
أعدت ندى الغداء مع سوسن ثم جلسوا جميعا لتناول الطعام
ندى_ خير ي عمتو أي الموضوع
سوسن _ انتى عارفه ي ندى أن اجازة وائل قربت تخلص فقولت نسافر كلنا نغير جو بمناسبه انك خلصتى امتحانات خلاص وبالمرة اوريكى البيت القديم إللى فالبلد إللى كنتى سالتينى عليه أيه رأيك
ندى بفرحة_ بجد يا عمتو هنسافر
سوسن بابتسامة _ ياللا بقى حضرى نفسك الخميس الجى هنسافر أن شاء الله
ندى_ هو النهاردة ايه
سوسن_ النهاردة الحد يا حبيبتى
ندى _طيب كويس
سوسن_ كلو يا ولاد ما تكلى ي ندى الاكل هيبرد ولا الفرحة نستك الاكل كمان
ندى_ حاضر يا عمتو وتأكل بشهية قائلة_ الاكل لذيذ ي عمتو
سوسن _تسلمى ىا روحي
وائل بابتسامة_ ياما كان واحشني اكلك الطعم ده يا ست الكل
سوسن_ بالهنا والشفا ي حبيبى
وتناولو الطعام جميعا ثم قامت ندى بمساعدة سوسن فتنظيف الاطباق وكانت ندى تنظر فى ساعه الحائط المعلقة أمامها بارتباك كانت تشير إلى السابعة والربع مساء
سوسن_ فيه حاجة يا ندى بتبصى فالساعة ليه
ندى ارتبكت _معلش يا عمتو اصلى افتكرت معاد مهم
سوسن_ طيب يا حبيبتي روحي اجهزى انتى متتاخريش
وفى الغرفة ندى تتحدث مع نفسها_اخيرا يا ندى اهو جالك برجليه وركع تحت رجليكى اخيرا جتلك الفرصة تشوفيه مذلول قدامك بس ياترى عايز منك اي المرة دى لا يا ندى متضعفيش خليه هو

اللى ينهار خليه عايش على امل واهدميه فاخر لحظة
فى فيلا حامد الثامنة مساءا ارتدت ندى ملابسها الانيقة الملونة لاول مره وتزينت على غير العادة ونزلت فى الثامنة مساءا
سوسن_ بسم الله ماشاء الله اي القمر ده ايوة كده اخيرا سمعتى كلامى وقلعتى الاسود واتاري الحزن كان مخبى الجمال ده
ندى انا _ فكرت فكلام حضرتك وقررت اتغير لان مهما قفلت على نفسى وحزنت مفيش حاجة هترد قضاء ربنا ماما وبابا عند ربنا صحيح بس هما ف قلبى وروحى ومش هنساهم لحد ماقابلهم
سوسن _ربنا يحفظك لشبابك ويدينى طول العمر واشوفك عروسة منورة الكوشة
ندى بمرح ان شاء الله ي سوسو
سوسن _استنى وائل يوصلك هو نازل يقابل اصحابه
ندى _لا ملوش لزوم خليه على راحته
ونزل وائل وانتابه الذهول عندما راها بهذا الجماال وقد اختلفت كثيرا عن ندى المراهقة التى راها منذ خمس سنوات
سوسن_ ايه ياوائل مالك مبلم كده ليه ي حبيبى
وائل مفيش مفيش 
وفى سره لا اجمد كده انت هتضعف تانى ولا ايه قلبك مش حمل ۏجع تانى ومش كل مره تسلم الجرة
ثم قال بادب جم وائل _تسمحي لى اخد عربيتك يا ندى عربيتى بتتصلح من فترة
ندى _ ok مفيش مشكلة
وائل بابتسامة مصتنعة_ متشكر جدا ي ندى
ندى بس خلى بالك الفرامل تقيله شويه بفكر انا كمان اخدها التوكيل يظبطولى فيها حاجات
وائل طب وهتقدرى تسلكى من غيرها ي ندى
ندى _متخافش انا هتصرف وبعدين المشى رياضة
وائل عايزه حاجة ي امى
سوسن لا عايزة سلامتك ي حبيبى
ثم عادت لتقول _ مش هتوصل بنت خالك كفايه انها زوقيا ادتك عربيتها
وائل ببرود مصتنع بس انا هتاخر على صحابى
سوسن_ وبرضة مايصحش تسيبها تنزل لوحدها متاخر كده
ندى _خلاص يا عمتى قلتلك خليه براحته انا متاخره عن ميعادى
سوسن خلاص يا بنتى بس ماتتاخريش
ندى _حاضر
وائل _سلام ياامى ويقبلها
سوسن _مع السلامة يا حبيبى
ثم يخرج وائل ندى مع السلامة يا سوسو وتقبلها
وتخرج فى اثره وفى الكافية الراقى بالزمالك الثامنه مساءا كان صادق قد وصل اخيرا فى الميعاد المتفق عليه وجلس ينتظر ندى التى وصلت بعد نصف ساعة فى تمام الساعة التاسعة مساء وعندما رآها ابتسم لها فى ذهول ابتسامة ماكرة وانتصب واقفا لمصافحتها ثم استدار بخفة حيث تجلس وسحب لها الكرسى المقابل فابتسمت وجلست وقالت يابتسامة زائفة _ معقول حضرتك بتقعدنى بنفسك
صادق الذوق كدة ي ندى مش بيقولوا ladies first وأنا بصراحة بضعف قدامك وقدام جمالك
ندى بصوت رقيق _ميرسي لزوق حضرتك وابتسمت
فقال بعتاب اتاخرتى ليه ياندى نص ساعة بحالها استناكى
ندى بصوت رقيق _معلش ىا اونكل أصل أنا جيت مشى
صادق بضيق_ وبعدين يا ندى مش قولت بلاش اونكل دى انتى عاوزه تكبرينى ولا ايه
ندى بابتسامة وبراءة مصطنعة لا العفو ده حضرتك فى عز شبابك
صادق_ بتأكيد وياريت بلاش حضرتك دى كمان قولى صادق من غير ألقاب
ندى_ حاضر يا... تلعثمت بخجل ثم قالت حاضر يا صادق
صادق بابتسامة _..الله شفتى سهلة ازاى
ندى تبتسم وتسكت قبل أن يسالها
صادق _طب فين عربيتك
ندى بابتسامة خادعة ثم ارتبكت قائله_ هى بتتصلح
صادق بضيق_ ليه يا ندى مقلتيش كنت بعت لك عربيتى
ندى بصوت رقيق مش عايزة اتعبك معايا
صادق بابتسامة_ تعبك راحة يا قمر
وجاء الجرسون ثم قال بابتسامة _تطلب أيه حضرتك
صادق_ شوف الانسه الأول
الجرسون تحت امرك حضرتك تطلبى ايه
ندى_ لمون fresh لو سمحت
الجرسون_ تحت امرك ي فندم
وحضرتك موجها كلامه لصادق
صادق_ قهوة مظبوط
ويمشى الجرسون لدقائق وتبدأ ندى_ ها كنت عايزنى فى أي بقى مبحبش اللف والدوران
صادق بحنان_ وحشاني ونفسي أشوفك
ندى بنظرة ماكرة_ تانى
صادق _خلاص متزعليش بقى سحبتها مع انى مبهزرش
ندى بصوت خاڤت وحشك قطر
وسرحت وعاد الجرسون مرة اخرى واضعا الطلبات امامهم ومشى فقال صادق_ ها يا ندى سرحتى ف ايه
ثم قالت_ لا مفيش
صادق _مستغربة صح واكيد بعد ما قلت الكلمه دى بتقولى عليا مراهق بس هى دى الحقيقة انتى وحشانى
ندى بضيق ونفاذ صبر_ قولى بصراحة طلبت تقابلنى ليه
صادق بنبرة هادئة_ مروة سكرتيرتى الخاصة مشيت امبارح علشان هتتجوز وأنا عايزك بدالها وهديلك المرتب إللى تطلبيه
ندى بتردد بس أنا لسه مخلصه امتحانات من كام يوم وبصراحة حضرتك فجاتنى
صادق بابتسامة ها أي رأيك ف المفاجئة دى حلوه مش كده.
ندى بذهول _بس.... 
صادق بقلق _ بس ايه
ندى_ انا مسافرة البلد مع عمتى الخميس الجاى وهبقى افكر وارد عليك
صادق بابتسامة_ فكرى براحتك يا نانا وهستنى ردك وثقى انك هترتاحى ف الشغل معايا جدا
ندى وهى تنظر فى ساعة هاتفها بارتباك معلش انا اتاخرت لازم اروح
صادق خلاص ياللا بينا
وياتى الجرسون مره اخرى ليدفع له صادق الحساب ويخرجا سويا من الكافية وفى الشارع صادق_ تحبى اوصلك يا ندى اظن ماينفعش تروحى لوحدك فى وقت متاخر كده
ندى بضيق_ لا شكرا ده كتر خيرى انى وافقت اجى اقابلك اصلا انا مش عارفة عقلى كان فين ساعتها انا حججى كلها خلصت ومش عارفة هقدر اخرج تانى ازاى
وهنا مرت سيارتها ووقفت امام الكافية ونزل منها وائل
صادق باستغراب مش دى عربيتك يا ندى
ندى بارتباك_ ايوة
صادق_ بس انتى قولتى لى

انها بتتصلح
ندى سكتت وتلعثمت خجلا
صادق باستفسار_ ومين اللى نازل هناك ده
ندى بذهول وارتباك بصوت خفيض_ يا خبر اسود وهى تضع يدها على وجهها ده ايه اللى جابه هنا 
صادق بصوت عال _ متفهمينى ياندى مين ده
ندى بارتباك ودموعها تتساقط دااااا وا.....
اتجه وائل ناحيتهما وقطع الحديث بينهما وقال فى ڠضب_ انا ابن عمة الهانم المحترمة اللى خدعتنى انا وامى على اساس انها رايحة تقابل صحبتها وهى رايحه تقابل راجل غريب لوحدها