ساحرة ديموان بقلم أحمد محمود شرقاوى

القبـ،ر, بس الغريب ان الكلب مقدرش يوصل للبنت, حاول انه يوصل بكل قوته ولكن في ايد قوية مسكته من ديله وشدته لبرة القبـ،ر..

لف الكلب بوجهه وحاول انه يغرز اسنانه في الايد دي بس الايد بعدت عنه بسرعة, وفي لحظات كان الكلب سايب المكان كله وبيجري بعيد, وبدأ صاحب الايد يتكلم واللي كان مجرد ست ضخمة الجسد ومعاها واحدة تانية..

بصت للست اللي معاها وقالت:

الكلب ده كان عايز ايه من جوة التربة يا خالة مها

اسمعي كدا ده فيه صوت طفل بيعيط  جوة

دستووور ياخواتي

متخافيش يا ولية وادخلي هاتي الطفل ده من جوة خلينا نخلص اللي بنعمله

ودخلت الست وهي عمالة تقول "دستووور ياخواتنا دستووور"

مسكت البنت وطلعت بيها جري من القبـ،ر وهي بتقول:

دي بت صغيرة يا خالة

ايه اللي في ايد البت ده

مسكت الست ايد البنت وخدت اللفافة من ايديها وفتحتها, لحظات بس وشهقت الست شهقة عنيفة ورددت

الحقي يا خالة الحقي, البت دي مبروكة

مسكت الخالة اللفافة وشافت صورة الست اللي جمبها جوة اللفافة ومرسوم عليها كلمات غريبة بس هي عارفاها كويس, بصت للبنت بابتسامة واسعة جدا وقالت:

فعلا البت دي مبروكة وانا هربيها عندي