ساحرة ديموان بقلم أحمد محمود شرقاوى

..

اما نوارة فكانت عارفة انها موهوبة, وان فيه شيء ملازمها من يوم ما وقعت في القبـ،ر, ولازم تفتح له المجال انه يظهر في حياتها اكتر من مجرد صوت بيوشوش في ودانها وهي بتقرأ الكف للناس

في الوقت ده كانت نوارة هي الكل في الكل, حتى ان مها بقت بتعمل لها الف حساب, فكرة انك تكون متعلم وسط مجتمع جاهل ده بيخلق لك سطوة كبيرة, خاصة انك تكون قارئ جيد في علم الأوهام والهيمنة والسطوة..

وبدأ منحنى جديد في حياة نوارة لما راحت تدور في علم السحر وتتعمق في المعرفة حتى النخاع, معاها مبلغ كبير يقدر يساعدها في انها تتعلم اكتر وتعرف اكتر..

وسافرت نوارة لمدة تلت سنين كاملين لبلد أفريقي, كان يشاع هناك ان فيه ساحر كبير بيعلم هناك السحر مقابل مبالغ كبيرة جدا, ونوارة كانت من اللي وصلوا للساحر واتعلموا

 على ايده, اتعلمت الفودو والكابالا وقوة الاستحضار والسيطرة, اتعلمت خاصية الهيمنة على الج،ـن حتى لو كانوا من العفاريــ،ت والمردة, وتفوقت نوارة اكتر من اي حد وتقربت اكتر من الساحر, الساحر اللي اداها من العلوم اكتر من اي حد تاني..

حتى سـ،ـحر الأمو``ات والقرين وسحر الاستشفاء اداها الأسس والمبادئ بتوعه, وبقت نوارة قادرة انها تسخر الج،ـن وتكون سيدة عليهم كمان..

بس طموحها مكانش له حدود, وفي ليلة غاب فيها القمر قدرت توصل لمكتبة الساحر, وخدت كل الكتب اللي فيها بعد ما عملت تعو`يذة عشان الساحر ميكتشفش السرقة غير بعد رحيلها من المكان..

ورجعت نوارة للخالة مها, بس نوارة تانية خالص, نوارة معاها اكتر من ستين كتاب سـ،ـحر نادر وعلوم جبارة, نوارة اللي لفت حولين راسها عشرات الجماجم الصغيرة ورسمت وشم أفع`ى على نصف وجهها اليمين