قصة ( عشق lلخۏڤ ) غامضة و مړعپة
انت في الصفحة 1 من 17 صفحات
"خلاص يا ماما قومت وصاحية " ، دا كان ردي لما ماما نادت عليا عشان وقت الكلية بتعتي ، انا قومت اه لكن كنت سرحانة في اللي شوفته وسمعته وانا نايمة ، صوت ناي يعزف موسيقي جميلة جدا تطرب الاذان ، مكنتش شايفة حاجة غير سامعة بس ، كنت واقفة في مكان مظلم وثابتة مكاني ومش بتحرك ، عزف الموسيقي كان كل شوية بيقرب وبيزيد ،
فجأة صوت العزف اتغير لصوت جرس مزعج جدا ، قومت مڤژۏعة علي صوت الجرس شرياه الست ماما عشان تصحيني بيه ،
قومت اخذت دش ولبست عشان الكلية وقعدت عشان افطر ، كنت سارحة في صوت الناي وكاني كنت سامعاه ، فجأة لقيت ماما بتقول بزعيق " بت يا سارة ! " ،
خرجت من البيت ، في اللحظة دي لقيت رودينا صحبتي بترن ، فتحت عليها بسرعة وانا بقولها " ثواني وهكون عندك " ،
ردت وقالت " طيب خلاص ماشي " وقفلت ، رودينا كانت مستنياني زي كل يوم عند الموقف ، وصلت عند رودينا وانا بقولها " اتاخرت عليكي ؟ " رودينا ردت وقالت وهي بتمشي ناحية الميكروباص " لا بس شوية تاني ومش هتلاقي كرسي تقعدي عليه " بالفعل المكروباص كان مليان جريت بسرعة وركبت جمب رودينا ،
بعد نهاية اليوم كنت مروحة انا وردينا ووصلنا للموقف بتاعنا ، فجأة لقيت رودينا بتقولي " بت يا سارة اسمعي العزف الجديد دا " اخدت السماعات وانا مبتسمة من رودينا وحطيتها في وداني ، بس الابتسامة ما طالتش كتير بعد اللي سمعته ، صوت عزف الناي اللي كان في موبيل رودينا نفس صوت العزف اللي سمعته في الحلم ! ، كنت في صډمة واندهاش ،
